உடல் பருமன் உள்ளவர்கள் கொரோனா பெருந்தொற்று காலத்தில் எடையை குறைக்கணுமா? இதோ சில வழிகள்!

எடை இழப்பிற்கான நோக்கத்தை கொரோனா காலகட்டம் பாதிக்கிறது

ஏப்ரல் 15 முதல் மே 31 வரை நடத்தப்பட்ட ஒரு ஆய்வில் பங்கேற்றவர்களில் 70% பேர், எடை இழப்பு என்பது இந்த காலகட்டத்தில் கடினமாக உள்ளது என்று தெரிவித்துள்ளனர். பாதிக்கும் அதிகமானோர் இந்த காலகட்டத்தில் அதிக உணவு உண்ண ஈர்க்கப்படுவதாகவும், மன அழுத்தம் காரணமாக 61% அதிகமாக உணவு உட்கொள்ள நேரிடுகிறது என்றும் தெரிவித்துள்ளனர்.

ஆராய்ச்சியாளர்களின் படி 10 சதவிகித பங்கேற்பாளர்கள் தங்கள் வேலையை இழந்துள்ளதாகவும், 20% பேர் தங்களால் சமச்சீரான உணவை தயாரிக்க முடியாத நிலை உள்ளதாகவும் கூறுகின்றனர். இரண்டு நபர்களுக்கு மட்டுமே கொரோனா பாசிட்டிவ் உறுதி செய்யப்பட்ட நிலையில் 15 சதவிகிதம் பேர் இந்த வைரஸின் அறிகுறி இருப்பதாக தெரிவித்துள்ளனர்.

ஆரோக்கியமற்ற உணவுகள்

உடல் பருமன் உள்ளவர்களுக்கு சரியான மற்றும் ஆரோக்கியமான உணவுகள் கிடைப்பதில் சிக்கல் இருப்பதாகவும் ஆராய்ச்சியாளர்கள் கண்டறிந்துள்ளனர். மேலும் மளிகைக் கடைகள் போன்றவை மூடப்பட்டதன் காரணமாக மக்கள் ஃபாஸ்ட் ஃபுட் மற்றும் பதப்படுத்தப்பட்ட உணவுகள் நோக்கி செல்வதாக கூறப்படுகிறது.

பெருந்தொற்று எடை மேலாண்மை செய்வது எப்படி?

கொரோனா தொற்று ஏற்படுவதற்கு ஒரு முக்கியமான அபாய காரணியாக உடல் பருமன் பார்க்கப்படுகிறது. ஆகவே இந்த ஊரடங்கு காலகட்டத்தில் வீட்டிலிருந்தபடி உங்கள் எடையை குறைப்பது எப்படி என்பதை குறித்து சில குறிப்புகள் இங்கே வழங்கப்பட்டுள்ளன.

உயர் புரத உணவுடன் நாளை தொடங்குங்கள்

உங்கள் காலை உணவை தவற விடவேண்டாம். இதற்கு மாற்றாக அதிக உணவை காலை வேளையில் எடுத்துக் கொள்ளலாம். காலையில் அதிக உணவு உட்கொண்டு இரவில் குறைவான உணவு உட்கொள்பவர்கள் அதிக எடை இழப்பதாக ஆராய்ச்சிகள் கூறுகின்றன. புரதம் அதிகமுள்ள உணவுகளை காலை வேளையில் எடுத்துக் கொள்வதால் வயிறு நிரம்பிய உணர்வு ஏற்படுவதாகவும் பசியுணர்வு குறைவதாகவும் கூறப்படுகிறது.

சர்க்கரை மற்றும் நிறைவுற்ற கொழுப்புகளை முற்றிலும் தவிர்த்திடுங்கள்

உணவு பொருட்கள் வாங்கும் போது குறைந்த அளவு சர்க்கரை மற்றும் நிறைவுற்ற கொழுப்புகள் உள்ள உணவை தேர்ந்தெடுத்து வாங்குவது நல்லது. சர்க்கரை அளவு அதிகரிப்பதால் உடல் எடை அதிகரிக்கிறது மற்றும் நீரிழிவு பாதிப்பு உண்டாகிறது, நிறைவுற்ற கொழுப்பு அதிகரிப்பதால் கொலஸ்ட்ரால் அளவை அதிகரிக்கிறது. இதனால் இதய நோய்க்கான அபாயம் உண்டாகிறது. க்ளைகோமிக் குறியீடு குறைவாக உள்ள உணவுகள் உயர் புரத உணவுகள் எடுத்துக் கொள்வதால் ரத்த சர்க்கரை அளவு கட்டுப்பாட்டில் இருந்து பசி உணர்வு குறைகிறது.

உணவுக்கான அட்டவணையை ஏற்படுத்தி கொள்ளுங்கள்

நாள் முழுவதும் நீங்கள் எடுத்துக்கொள்ளும் உணவைப் பற்றிய குறிப்பின் மூலம் கலோரி உட்கொள்ளல் அளவை கட்டுபடுத்த முடியும். நீங்கள் எடுத்துக் கொள்ளும் உணவு பற்றிய அட்டவணை அல்லது புகைப்படங்களை பராமரிப்பதால் அதிக உணவு உட்கொள்ளுதல் குறித்து ஒரு விழிப்புணர்வை ஏற்படுத்திக் கொள்ள முடியும்.

மேலும் உங்கள் உணவில் ஒரு மேம்பாட்டை கொண்டுவர முடியும். உணவின் அளவு குறித்து ம்கவனம் ஏற்படுத்திக் கொள்ள முடியும். எடை மேலாண்மைக்கான செயலியை பயன்படுத்துவதால் நீங்கள் எவ்வளவு உட்கொள்கிறார்கள், உங்கள் முயற்சியில் எந்த அளவுக்கு வந்துள்ளீர்கள் என்பது குறித்து தெரிந்து கொள்ள முடியும்.

குளிர்சாதன பெட்டியை ஒழுங்குபடுத்தலாம்

ஆரோக்கியமற்ற உணவுகளை உங்கள் கண்ணில் படாமல் ஒதுக்கி வைப்பதால் அவை உங்கள் மனதிலிருந்து மறைந்து விடலாம். உணவு சேமித்து வைக்கும் இடங்களில், குளிர்சாதனப்பெட்டியில் ஆரோக்கியமான உணவுகளை மட்டுமே சேமித்து வைப்பதை பழக்கமாக்கிக் கொள்வதால் தேவையற்ற, ஆரோக்கியமற்ற உணவுகளை எளிதாக புறக்கணிக்கலாம். கண்ணைக் கவரும் பச்சைக் காய்கறிகள் மற்றும் பழங்களை பெட்டிக்குள் போட்டு மூடி வைப்பதை விட கண்களில் படும்படி வைத்துக் கொள்வதால், அவற்றை எடுத்து சுவைக்கும் எண்ணம் மனதிற்கு உண்டாகும். இதனால் உங்கள் உடல் ஆரோக்கியம் பாதுகாக்கப்படும்.