சத்தியமா ரெண்டும் ஒரே பொண்ணுதாங்க... 96 கிலோ - 46 கிலோ கொறச்சிருக்கு... எப்படி?

பூட் கேம்ப் டிரைனிங்

Image Courtesy

முழு உடலையும் உறுதியாக்கக்கூடிய உடற்பயிற்சிகள் குயிக் ஜம்பிங் ஜாக்ஸ் என்னும் வேகமாக தாவி குதித்தல், குனிந்து கைகளை சுற்றும் விண்ட்மில், முட்டியை மடக்கி உயர்த்தும் ஹை நீ, நின்ற இடத்திலேயே ஓடும் பட் கிக்ஸ், குந்தி உட்காருதல் என்னும் ஸ்குவாட், ஒரு காலை முன் வைத்து முட்டியை மடக்கும் லாஞ்ச், தண்டால் போன்ற புஷ்அப் மற்றும் ஸ்பைடர் ஸ்டெப்ஸ் போன்ற பயிற்சிகள் அடங்கிய பூட் கேம்ப் பயிற்சிக்கு சென்று உடலை தயார்படுத்தியுள்ளார்.

இந்தப் பயிற்சிகள் உடலின் வளர்சிதை மாற்றம் என்னும் மெட்டாபாலிஸத்தை அதிகரிக்கும். ஆகவே, பெருமளவு ஆற்றல் என்னும் கலோரி பயன்படுத்தப்பட்டுவிடும்.

விளையாட்டு

Image Courtesy

சாரா அலி கான் தன் சகோதரருடனும் தந்தையுடனும் இணைந்து விளையாடினார். விளையாட்டு, உடலின் எடையை குறைத்து, தசைகளை வலுப்படுத்தும். உடலுக்கு கட்டான தோற்றத்தை அளிக்கும். தினமும் டென்னிஸ் மைதானத்திற்குச் சென்று ஆடமுடியாவிட்டாலும் சைக்கிள் ஓட்டுதல், நீந்துதல் அல்லது ஓடுதல் ஆகியவற்றை செய்யலாம்.

பிலேட்ஸ் என்னும் தரை சார்ந்த உடற்பயிற்சிகள்

பயிற்சியை ஆரம்பிக்கும் முன்னரே, அதிகப்படியான எடையை குறைக்க வேண்டுமென்று சாரா தீர்மானித்திருந்தார். கரீனா கபூரின் பயிற்சியாளரான நம்ரோதா புரோஹித் உள்ளிட்ட சிறந்த பயிற்சியாளர்களிடம் பயிற்சி பெற்றார். பிலேட்ஸ் என்னும் தரையில் செய்யக்கூடிய உடற்பயிற்சிகளை தொடர்ந்து செய்ததால், முழு உடல் கட்டமைப்பும் மேம்பட்டது.

எடையை குறிக்க வேறு சில குறிப்புகள்

உடல் பருமன் போன்ற வளர்சிதை மாற்ற நோய்களால் பாதிக்கப்படுவதை தடுக்க நார்ச்சத்து மிகுந்த உணவுகளை சாப்பிட வேண்டும்.

உடலிலுள்ள கொழுப்பை மது தற்காலிகமாக ஆக்சிஜனேற்றமடைய செய்யும். ஆகவே, தொடர்ந்து மது அருந்தினால் உடல் எடை அதிகரிக்கும்.

புரதச் சத்து மிகுந்த உணவுகளை சாப்பிடுவது உடல் வளர்ச்சிக்கு உதவுவதோடு, நோய் எதிர்ப்பு சக்தியையும் அளிக்கும்.

மனதை இலகுவாக

Image Courtesy

மனதை எப்போதும் இலகுவாக வைத்துக் கொள்ள வேண்டும். கார்டிசாலின் அளவு அதிகமானால் பசி, இரத்தத்தில் சர்க்கரையின் அளவு அதிகமாகும். நிலையான மனநிலை அமையாது. நீரிழிவு வியாதி வருவதற்கான வாய்ப்பு உண்டாகும்.