அடிவயிற்று கொழுப்பு மற்றும் தொப்பையை ஒரே மாதத்தில் குறைக்க இந்த ஆயுர்வேத பானங்கள் போதும்..!

கெட்ட கொழுப்புகளே காரணம்..!

இன்று உடல் பருமனால் பாதிக்கப்படும் பெரும்பாலானோரின் முக்கிய காரணமாக இருப்பது, உடலில் சேர கூடிய இந்த கெட்ட கொழுப்புக்களே. ஒருவரின் உடலில் LDL எனப்படும் கெட்ட கொழுப்புகள் அதிகமாகி விட்டால் உடல் எடை அபரிமிதமாக ஏறி கொண்டே போகுமாம். எனவே, இவற்றை உடனே கரைக்க கூடிய ஆயர்வேத வழி முறைகளை பின்பற்றினாலே நல்ல பலன் கிடைக்கும்.

தொப்பையின் கொழுப்பை செட்டென குறைக்க

தொப்பை, பலரின் கிண்டலுக்கும் கேலிக்கும் உரித்தான ஒன்றாகும். இனி உங்களை பிறர் கேலி செய்வதில் இருந்து இந்த பானம் காக்கும்.

தேவையானவை :-

மாதுளை 1/2 கப்

கிரேப்புரூட் 1/2 கப்

தேன் 1 ஸ்பூன்

ஒரு சிட்டிகை உப்பு

செய்முறை :-

முதலில் மாதுளை மற்றும் கிரேப்புரூட் ஆகியவற்றை ஒன்றாக சேர்த்து அரைத்து கொள்ளவும். பிறகு இதனை வடிகட்டி, அந்த சாற்றுடன் தேன் மற்றும் உப்பு கலந்து குடித்து வரவும். தொப்பையை குறைக்க உதவும் பானங்களில் இது மிக சிறந்தது. மேலும், இது அடி வயிற்றில் கொழுப்புகள் சேராமலும் பார்த்து கொள்ளும்.

ஆளி விதை காஃபி தெரியுமா..?

உடல் எடையை குறைக்க உதவும் ஆயர்வேத முறையில் இந்த பானமும் முதன்மையான இடத்தை பிடித்துள்ளது. முதலில் சூடான நீரில் 1 ஸ்பூன் காபியை கலந்து கொள்ளவும். அடுத்து அதனுடன் 1 ஸ்பூன் ஆளி விதை மற்றும் டார்க் சோகோலட் சேர்த்து நன்றாக கலந்து கொண்டு வடிகட்டி குடிக்கவும். தினமும் காலையில் இந்த காபியை குடித்து வந்தால் ஒரே மாதத்தில் உடல் எடையை குறைத்து விடலாம்.

MOST READ: சர்க்கரை நோயை சர்க்கரை வள்ளிக்கிழங்கு கட்டுப்படுத்துமாம்..! எப்படினு தெரிஞ்சிக்கோங்க...

வெந்தயமும் வெள்ளரியும்..!

வெந்தயம் பொதுவாகவே நல்ல மருந்தாக செயல்படும். உடலின் மெட்டபாலிசத்தை சீராக வைத்து கொள்ள இந்த வெந்தயம் அருமையாக உதவும். அதே போன்று வெள்ளரிகாயும் உடலின் உள்ள கெட்ட கொழுப்புக்களை விரட்டி அடித்து விடும்.

இந்த பானத்தை செய்ய தேவையானவை...

வெந்தயம் 2 ஸ்பூன்

வெள்ளரிக்காய் 1/2 கப்

உப்பு சிறிது

நீர்

செய்முறை :-

இரவு முழுவதும் வெந்தயத்தை 1/2 கப் நீரில் ஊற வைத்து கொள்ளவும். மறுநாள் காலையில் இவற்றுடன் வெள்ளரிக்காயை சேர்த்து நன்றாக அரைத்து கொள்ளவும். பிறகு வடிகட்டி கொண்டு, சிறிது உப்பு சேர்த்து குடித்து வரவும். இந்த ஆயுர்வேத பானம் அற்புதமான தீர்வை தரும்.

இளநீர் மற்றும் அண்ணாச்சி பானம்...

செரிமான கோளாறை முற்றிலுமாக குணப்படுத்துவதில் இந்த பானம் முதல் இடத்தில் உள்ளது. இவை ரத்தம் உறைவதை தடுத்து, சீரான உடல் எடையை தருகிறது. இந்த பானத்தை தயாரிக்க...

தேவையானவை :-

இளநீர் 1 கப்

அண்ணாச்சி 1/2 கப்

கருஞ்சீரக விதைகள் 1/2 ஸ்பூன்

சிறிது உப்பு

செய்முறை :-

முதலில் அண்ணாச்சி பழத்தை நன்கு அரைத்து கொள்ளவும். பிறகு அவற்றுடன் இளநீர், கருஞ்சீரகம் சேர்த்து மீண்டும் அரைத்து கொண்டு, வடிகட்டி கொள்ளவும். இறுதியாக சிறிது உப்பை சேர்த்து தொடர்ந்து குடித்து வாருங்கள். இவ்வாறு செய்வதால் உடலில் உள்ள கொழுப்புகள் நீங்கி உடல் பருமன் குறைந்து விடும்.

MOST READ: விவாகரத்தில் முடிந்த பிரபலங்களின் காதல் திருமணங்கள்!!!

கொழுப்பை முற்றிலுமாக கரைக்க...

அடி வயிற்றில் உள்ள கொழுப்பு மற்றும் உடலில் தேவைக்கு அதிகமாக சேர்ந்துள்ள கொழுப்புக்களை குறைக்க இந்த ஆயுர்வேத பானம் பயன்படும். அதற்கு முதலில் 1 கப் தக்காளியை நன்கு அரைத்து கொள்ளவும். பிறகு அவற்றை வடிகட்டி கொண்டு 1/2 ஸ்பூன் எலுமிச்சை சாறு கலந்து குடித்து வரவும். இதில் உள்ள ஆன்டி ஆக்சிடன்ட்ஸ் உடல் எடையை குறைக்க பெரிதும் உதவும். மேலும், கொழுப்பை சட்டென கரைக்குமாம்.

பப்பாளியும் இலவங்கமும் எப்படி..?

ரத்தத்தில் உள்ள கொலஸ்டரோலை குறைக்க இந்த அற்புத பானம் நன்கு வேலை செய்யும். அத்துடன் சர்க்கரையின் அளவை சமமான அளவில் உடலில் வைத்து கொள்ள இந்த பானம் பயன்படும்.

தேவையானவை :-

பப்பாளி 1 கப்

இலவங்க பொடி 1/2 ஸ்பூன்

சிறிது உப்பு

நீர்

செய்முறை :-

முதலில் பப்பாளியை நன்றாக அரைத்து கொள்ளவும். அடுத்து இதனை வடிகட்டி கொண்டு, உப்பு மற்றும் இலவங்க பொடியை சேர்த்து நன்கு கலந்து குடித்து வரலாம். இந்த பானத்தை தொடர்ந்து குடித்து வருவதால் உடல் எடை எளிதாக குறைத்து விட முடியுமாம்.

கோதுமை புல்லும் திராட்சை ரசமும்...!

கோதுமை புல்லில் பல்வேறு மகத்துவங்கள் ஒளித்துள்ளன. இதனை இந்த பானத்துடன் சேர்த்து குடித்து வந்தால் உடல் எடையை ஒரே மாதத்தில் குறைந்து விடும்.

தேவையானவை :-

திராட்சை 1/2 கப்

கோதுமை புல் 1 கப்

உப்பு

MOST READ: தினம் ஒரு செவ்வாழை சாப்பிடுவதால் கிடைக்கும் நன்மைகள்!

செய்முறை :-

முதலில் கோதுமை புல்லை நன்றாக நறுக்கி கொண்டு அரைக்கவும். பிறகு இவற்றுடன் திராட்சை சேர்த்து மீண்டும் அரைத்து கொண்டு, வடிகட்டி கொள்ளவும். தேவைக்கு சிறிது நீரும் சேர்த்து கொள்ளலாம். இறுதியாக உப்பை சேர்த்து குடிக்கலாம். இந்த பானம் கொழுப்பு, மற்றும் கெட்ட கொலஸ்ட்ரோலை முற்றிலுமாக கரைத்து விடும்.

கிரீன் டீ உடலின் கொழுப்பை அருமையாக கரைக்க கூடிய வழி இந்த கிரீன் டீயில் உள்ளது. அதற்கு முதலில் கிரீன் டீ இலைகள் மற்றும் புதினாவை நீரில் கொதிக்க விட்டு, வடிகட்டி குடிக்க வேண்டும். சுவைக்கு சிறிது தேனும் சேர்த்து கொள்ளலாம்.

உடலின் கொழுப்பை அருமையாக கரைக்க கூடிய வழி இந்த கிரீன் டீயில் உள்ளது. அதற்கு முதலில் கிரீன் டீ இலைகள் மற்றும் புதினாவை நீரில் கொதிக்க விட்டு, வடிகட்டி குடிக்க வேண்டும். சுவைக்கு சிறிது தேனும் சேர்த்து கொள்ளலாம்.

எலுமிச்சை டீ

நீரை நன்றாக கொதிக்க விட்டு, பிறகு அவற்றில் ஒரு ஸ்பூன் தேன் மற்றும் 1 ஸ்பூன் எலுமிச்சை சாறு சேர்த்து நன்றாக கலந்து கொண்டு குடித்து வரலாம். இந்த ஆயுர்வேத பானம் அற்புதமான தீர்வை நமக்கு தரும். மேலும், உடலில் உள்ள கொழுப்புகளையும் இவை முற்றிலுமாக கரைக்க கூடிய ஆற்றல் பெற்றது.

இது போன்ற பயனுள்ள புதிய தகவல்களை பெற, எங்கள் இணைய பக்கத்தை லைக் செய்யுங்கள். அத்துடன் இந்த பதிவு உங்களுக்கு பயனுள்ளதாக இருந்தால் உங்கள் நண்பர்களுடன் பகிர்ந்து, அவர்களின் ஆரோக்கியத்திற்கும் உதவுங்கள்.