இந்த 7 காரணங்கள்தான் உங்கள் உடல் பருமனை குறைக்க விடாமல் செய்யும் என வல்லுநர்கள் சொல்கிறார்கள்.

சரியாக சாப்பிடாமல் இருப்பது :

உங்கள் உடலுக்கு தேவையான கலோரியை தரவிடாமல் குறைவாக சாப்பிட்டால், வளர்சிதை மாற்றம் பாதிக்கப்படும். இதனால் உடல் குறைவதற்கு பதிலாக அதிகரிக்கச் செய்யும். அதோடு உடல் களைப்பு, அசதி ஆகியவை உண்டாக இதுதான் காரணம்.

தவறான கலோரி உணவுகளை சாப்பிடுவது :

ஆரோக்கியமான காய் பழங்கள் 500 கலோரிகளை தந்தால் அவற்றை தாரளமாக எடுத்துக் கொள்ளலாம்.

இவை கெடுதல் தராது. ஆனால் அதே 500 அளவு கலோரி உள்ள எண்ணெயில் பொரித்த உருளைக் கிழங்கு, சோடா போன்றவற்றை எடுத்துக் கொள்ளும்போது இவை உடல் பருமனை அதிகரித்துவிடும்.

ஆகவே சரியான கலோரி உணவுவகைகளை தேர்ந்தெடுங்கள்.

ஒரே மாதிரியான உடற்பயிற்சி செய்வது :

நீங்கள் ஒரே மாதிரியான உடற்ப்யிற்சி செய்யும்போது உங்கள் உடல் அதற்கு பழகிவிடும். நீங்கள் அதிகமாக சாப்பிட்டாலும் உங்கள் அதிக கலோரிகளை எரிக்க பயன்படாது.

நீங்கள் சாப்பிடுவதை பொறுத்து உடற்பயிற்சிகளை மாற்றுவது வேகமாக உடல் குறைய பயனளிக்கும்.

உடற்பயிற்சி செய்வதால் அதிகம் சாப்பிடுவது :

நாம்தான் உடற்ப்யிற்சி செய்கிறோமே. அதனால் எவ்வளவு சாப்பிட்டாலும் கலோரி குறைந்துவிடும் என எண்ணுவது தவறு.

ஏனென்றால் எல்லா உடற்பயிற் சியினால் கலோரி முழுவதும் எரிந்துவிடாது. இப்படி நினைப்பதால்தான் அதிகம் சாப்பிட்டு உடல் பருமனை குறைக்க முடியாமல் திண்டாடுவோர் பாதி பேர் இருக்கிறார்கள்.

மற்றவற்றிலும் கவனம் :

உடற்பயிற்சி செய்வது, சாப்பிடுவது இந்த இரண்டிலும் மட்டும் கவனமிருந்தால் போதாது.

சரியாக நீர் அருந்தாவிட்டாலும் கொழுப்பு செல்கள் அதிகரித்து எரிக்கப்படாமல் உடல் எடை அதிகரிக்கும். அது போல் தூக்கம் சரியாக இல்லையென்றாலும் உடலில் சர்க்கரை அளவு அதிகரித்து உடல் எடையை கூட்டிவிடும். ஆகவே மற்ற ஒழுங்குகளிலும் கவனம் இருக்கட்டும்.

பகலில் குறைத்து இரவில் சாப்பிடுவது :

பகலில் முழுவதும் கட்டுப்பாட்டிலிருந்து மாலை இரவு நேரங்களில் அதிகம் சாப்பிடுவது எதிர்விளைவை உண்டாக்கும். செரிமான பிரச்சனை உருவாக்கும். உடல் எடை குறைக்க உதவாது.

உயரம், தோற்றத்திற்கு தகுந்தாற்போல் :

சிலர் வேகமாக உடல் எடை குறைப்பார்கள். இதனால் அவர்களைப் போலவே நாமும் முயற்சிக்கலாம் என தவறாக எண்ணக் கூடாது.

அவரவர் உடல் வாகு, தோற்றம் உயரம் பொறுத்து உடல் எடை குறையும். நீங்கள் முதலில் உங்கள் உடலின் அமைப்பை புரிந்து அதற்கேற்றபடி பயிற்சி டயட்டை மேற்கொள்ள வேண்டும்.