புருஷன் - பொண்டாட்டி சந்தோஷமா இருக்க அந்த 2 விட, இந்த 2 தான் அவசியமாம்!

கணவன் என்ன நினைக்கிறார்?

இன்றைய கணவர்கள் என்ன நினைகிறார்கள் எனில், மனைவிக்கு நல்ல உடை, உபகரணங்கள், கருவிகள், வசதியான வீடு, நல்ல இடங்களுக்கு அழைத்து செல்வது., ஹோட்டல்,ரெஸ்டாரன்ட், வெளி ஊர் பயணங்கள் போன்றவை கொடுத்துவிட்டால் மனைவி மகிழ்ச்சியாக இருப்பார்கள் என்று கருதுகிறார்கள்.

ஆனால், மனைவி தங்களுடன் சேர்ந்த நேரம் செலவழிக்க வேண்டும் என்றே விரும்புகிறார்கள். தங்கள் வாழ்வில் நடந்த முக்கிய நாட்களை நினைவு கூர்ந்து அதை கொண்டாட வேண்டும் என்று கருதுகிறார்கள்.

மனைவி என்ன நினைக்கிறார்?

இன்றைய மனைவிகள் என்ன நினைக்கிறார்கள் எனில், கணவன் வேண்டுவதை ஏற்படுத்திக் கொடுப்பது, பரிசுகள் கொடுப்பது, ஆச்சரியப்படுத்துவது, போன்றவை அவர்களை சந்தோசப்படுத்தும். அதுவே அவர்களை திருப்திப் படுத்தி விடும் என்று கருதுகிறார்கள்.

ஆனால், கணவர்கள் தங்களுடன் அமர்ந்து அதிகம் பேச வேண்டும் என்று கருதுகிறார்கள். கொஞ்சல், ரொமான்ஸ் என்பதை தாண்டி, ஏதேனும் பிரச்சனைகளை தங்கள் தலைக்குள் கொண்டு வந்து ஏற்றுவதற்கு பதிலாக... வேலை முடித்து வரும் போது சோர்வை போக்கும் வகையில், கவலை விலகும் படி அரவணைப்புடன் பேச வேண்டும் என்றே கருதுகிறார்கள்.

காதல் மொழி!

தமிழ், ஆங்கிலம் போல காதலும் ஒரு தனி மொழி தான். இந்த மொழியை கணவன் - மனைவி எனும் இருவர் மட்டுமே பேசிக் கொள்ள போகிறார்கள்.

பொதுவாக தம்பதிகள் ஒரு தவறு செய்வார்கள். அதே தவறை தங்கள் பிள்ளைகள் மீதும் திணிப்பார்கள். என்னவென்று யோசிக்கிறீர்களா? உனக்கு என்ன பிடிக்கும் என்று கேட்காமல் தங்களுக்கு பிடித்ததை செய்வது.

கணவன் தனக்கு பிடித்ததை மனைவிக்கு பரிசளித்து, வாங்கிக் கொடுத்து அவள் மகிழ்வாள் என்று கருதுகிறேன். மனைவி தனக்கு பிடித்தவற்றை எல்லாம் செய்து அதை கணவன் ஏற்றுக் கொள்வான், மனம் மகிழ்வான் என்று கருதுகிறாள்.

இங்கே ஒரு சிறிய மாற்றத்தை ஏற்படுத்தினால் போதும். நமக்கு பிடித்ததை மற்றவர்கள் ஏற்று மகிழ்வார்கள் என்று கருதாமல். அவர்களை விரும்புவதை அறிந்து அதை வாங்கிக் கொடுத்து அவர்களை மகிழ்விப்பதே மெய் இன்பம்.

கேளுங்களேன்...

பெரும்பாலும் நாம் செய்வதை, நாம் விரும்புவதை தான் மற்றவர்களும் அனுபவித்து மகிழ்வார்கள் என்று கருதுகிறோம். ஒரே ஒரு முறை... இது உனக்கு பிடித்திருக்கிறதா? இதை நீ விரும்புகிறாயா? என்று கேட்டு அதன் பிறகு செய்தோமேயானால் நிச்சயம் மகிழ்ச்சி இரட்டிப்பு ஆகும்.

நீங்களே கொஞ்சம் யோசிச்சு பாருங்க... இதுவரைக்கும் பல இடங்கள்ல நமக்கே தெரியாம இந்த தவற நாம அப்பப்போ செஞ்சிருப்போம். கணவன் / மனைவியும் துணையின் மனம் சங்கடப் பட்டு போய்விடக் கூடாது என எண்ணி அதை முழு மனதுடன் ஏற்றுக் கொண்டது போல நடிப்பார்கள்.

பிள்ளைகள் மத்தியிலும்...

இதையே தான்... நமக்கு கிடைக்காத, நம்மால் அடைய முடியாத கனவுகளை நமது பிள்ளைகளை சுமக்க செய்து... அவர்களை சூழ்நிலை கைதி ஆக்குகிறோம். சில சமயம் நம் கனவுகளை சுமையாக்கியும், பல சமயம் இதை படித்தால் தான் சமூகம் ஏற்கும் என்ற போது மடத்தனத்தை சுமையாக்கியும் பிள்ளைகளின் கனவுகளை, அவர்களது தனித்துவமான திறமைகளை வீணடித்துவிடுகிறோம்.

நாம் செய்ய வேண்டியது எல்லாம் ஒரு சிறிய மாற்றம் தான்... இது, இல்வாழ்வில் பெரிய நேர்மறை தாக்கத்தை ஏற்படுத்துவதோடு... கணவன் மனைவி வாழ்வும் பிரகாசிக்க உதவும்.