கற்பதில் குறைபாடு உள்ள குழந்தைகளுக்கு ஒரு பெற்றோராக எவ்வாறு உதவி செய்யலாம்?

கற்பதில் குறைபாடு உள்ள குழந்தைகளுக்கு பெற்றோர்கள் உதவும் வழிகள்!

முடிவுகளுக்கு முக்கியத்துவம் கொடுக்காமல், குழந்தைகளின் முயற்சிகளில் கருத்தாய் இருத்தல்

பெற்றோராக, கற்பதில் குறைபாடுகள் உள்ள குழந்தைகளை பராமாிக்கும் போது, அந்த குழந்தைகள் கற்றுக் கொள்வதற்காக அல்லது வளா்வதற்காக எடுக்கும் முயற்சிகளை அதிக கவனத்துடன் பாா்க்க வேண்டும். அவா்கள் தமது குறைகளை முறியடித்து, ஒரு சிறிய வெற்றியைப் பெற்றாலும், அதைப் பாராட்ட வேண்டும். ஏனெனில் அவா்களுக்கு வெற்றி என்பது மிக எளிதாகக் கிடைக்கும் காாியம் அல்ல.

ஊக்கமூட்டும் வாா்த்தைகள் மற்றும் பாராட்டுகள் நிறைந்த வலிமையான சொற்கள், அந்த குழந்தைகளை மேலும் மேலும் முயற்சிகளைச் செய்யத் தூண்டும். அதன் மூலம் அவா்கள் மெதுவாக தமது குறைபாடுகளை முறியடிக்க முடியும்.

கற்பதில் குறைபாடுகளுடைய குழந்தைகளின் உலகத்திற்குள், அவா்களை சுதந்திரமாக இயங்க அனுமதித்தல்

பொதுவாக கற்பதில் குறைபாடுகள் உள்ள குழந்தைகள், தமது படிப்பு சாா்ந்த வேலைகள் மற்றும் சில அடிப்படையான வேலைகளைச் செய்வதற்கு, சற்று அதிக நேரம் தேவைப்படும். அதற்கு குழந்தைகளுடைய நேரம் மட்டுமல்ல மாறாக அவா்களுடைய பெற்றோாின் நேரமும் அதிகமாகத் தேவைப்படும். அதற்காக குழந்தைகள் அந்த வேலைகளைச் செய்வதைத் தடுக்காமல், அவா்கள் தமது இயல்பில், அவா்கள் விரும்பியவாறு அவற்றைச் செய்ய அனுமதிக்க வேண்டும்.

மேலும் சில எளிய வேலைகளுடன், சில கடினமான வேலைகளயும் கலந்து கொடுத்து, அவற்றில் அவா்கள் எதை விரும்புகிறாா்களோ, அதைச் செய்வதற்கு அவா்களுக்கு உதவி செய்ய வேண்டும். அவா்கள் செய்யும் வேலைகளுக்கு இடையே, சிறுசிறு இடைவேளைகளை வழங்க வேண்டும். அதன் மூலம் அவா்களுக்குத் தேவையான ஓய்வு கிடைக்கும். அதோடு அவா்கள் மீண்டும் தங்களது கவனத்தை புதுப்பித்துக் கொள்ள முடியும்.

தவறு ஏற்பட்டாலும் அனுமதித்தல்

கற்பதில் குறைபாடு உள்ள குழந்தைகளால், தோல்விகள் மற்றும் இழப்புகளை ஏற்றுக் கொள்ள முடியாது. அவை அவா்களின் சுய கௌரவத்தை மிக அதிகமாகப் பாதிக்கும். அதிலும் குறிப்பாக, குறைபாடற்ற மற்ற குழந்தைகள், ஏதாவது ஒன்றை சாதிப்பதைப் பாா்க்கும் இவா்கள் நொருங்கிப் போவாா்கள். அது அவா்களின் ஊக்கத்தை கீழே இறக்கிவிடும்.

இந்த நிலையில் அவா்களுடைய பெற்றோா் அவா்களுக்கு பக்க பலமாக இருந்து, சிறுசிறு தோல்விகள் ஏற்படுவதால் எந்தவிதமான பாதிப்பும் ஏற்படுவதில்லை என்பதை அவா்களுக்கு உணா்த்த வேண்டும். தோல்விகளைக் கடந்து அவற்றில் இருந்து கற்றுக் கொள்வதுதான் உண்மையான வெற்றியாகும்.

கற்பதில் குறைபாடு உள்ள குழந்தைகளுக்கு எதிா்மறையான உணா்வுகள் ஏற்படும் போது, அவற்றை முறையாக, அதே நேரத்தில் பாதுகாப்பான முறையில் வெளிப்படுத்த ஊக்கப்படுத்த வேண்டும். அவா்களின் எதிா்மறை உணா்வுகளை புாிந்து கொண்டு, அவற்றை ஏற்றுக் கொண்டு, அவா்களுக்கு உறுதி அளிக்கும் போது, அவா்களுக்கு அது மிகப் பொிய உதவியாக இருக்கும்.

ஒரு முன்மாதிாியை அவா்களுக்குக் காட்டுதல்

கற்பதில் குறைபாடுகள் உள்ள குழந்தைகளுக்கு கற்றுக் கொடுக்கும் போது, எடுத்துக்காட்டுகள் தந்து கற்றுக் கொடுக்க வேண்டும். அவா்கள் வளரும் நிலையில் இருப்பதால், உலகில் இருக்கும் பிரபலமானவா்கள் மற்றும் எழுச்சியூட்டும் தலைவா்களை அவா்கள் முன்பாக காண்பித்தால், அது அவா்களை சாியான திசையில் பயணிக்க உதவி செய்யும்.

குறைபாடுகளோடு பிறந்து, அவற்றை முறியடித்து, வெற்றி கண்ட பிரபலமான வெற்றியாளா்களின் வாழ்க்கை நிகழ்வுகளை அந்த குழந்தைகளுக்குச் சொல்லலாம். அதன் மூலம் குறைபாடுகள் வாழ்வின் முடிவு அல்ல. மாறாக குறைபாடுகளுடன் வாழ்க்கையில் வெற்றியடையலாம் என்பதை அவா்களுக்கு உணா்த்தலாம். ஹிருத்திக் ரோஷன், அபிஷேக் பச்சன், டேனியல் ராட்கிளிஃப், மைக்கேல் ஃபெல்ப்ஸ் போன்ற சாதனையாளா்கள் அனைவரும் தங்கள் வாழ்வில் ஏற்பட்ட குறைபாடுகள், தடங்கல்கள், பிரச்சினைகள் மற்றும் சோதனைகள் அனைத்தையும் முறியடித்து வெற்றி பெற்றிருக்கின்றனா் என்பதை அவா்களுக்கு உணா்த்தலாம்.

அவா்களின் தனித்தன்மையைக் கொண்டாடுதல்

கற்பதில் உள்ள குறைபாடுகள் வாழ்வின் முடிவு அல்ல. ஒரு குழந்தை கற்பதில் பலவீனமாக இருக்கலாம், அல்லது படிப்பதில் அதிகம் சிரமப்படலாம். ஆனால் அவா்களுக்கு அன்பும், வாழ்த்துகளும் தேவையாக இருக்கின்றன என்பதை மனதில் கொள்ள வேண்டும்.

கற்பதில் குறைபாடுகளுடைய குழந்தைகளின் சிறிய வெற்றிகளைக்கூட கொண்டாட வேண்டும். அவா்களுடைய தனித்தன்மையை ஊக்கப்படுத்த வேண்டும். உலகில் உள்ள எல்லா மனிதா்களுமே ஒரு சிலவற்றில் சிறந்தவா்களாகவும், சிலவற்றில் குறைபாடு உள்ளவா்களாகவும் இருக்கின்றனா் என்பதை அவா்களுக்கு உணா்த்த வேண்டும். நோ்மறையான ஊக்கம் மற்றும் அன்பு போன்றவற்றை அவா்களுக்கு வழங்கினால், அவா்கள் தமது கடின சூழலிலும் நோ்மறையான உணா்வுகளுடன் இருப்பா்.

கற்பதில் குறைபாடுள்ள குழந்தைகளை பராமாிப்பதில் சிறப்படைதல்

கற்பதில் குறைபாடுள்ள குழந்தைகளுக்கு உதவி செய்வதற்கும், அவா்களுடைய கற்கும் குறைபாடுகளை வெற்றி கொள்வதற்கும் ஏராளமான வாய்ப்புகளும், வசதிகளும் உள்ளன.

அந்த குழந்தைகளைப் பராமாிக்கும் பெற்றோா் அவற்றைப் பற்றி விழிப்புணா்வுடன் இருத்தல் வேண்டும். குறிப்பாக கற்பதில் குறைபாடுள்ள குழந்தைகளின் வளா்ச்சிக்கான புதிய தகவல்கள், புதிய மருத்துவ கண்டுபிடிப்புகள், சிகிச்சைகள் மற்றும் புதிய பயிற்சித் திட்டங்கள் போன்றவற்றை அறிந்து வைத்திருக்க வேண்டும். ஏனெனில் பெற்றோா் தான் அந்த குழந்தைகளை மிகவும் அறிந்து வைத்திருப்பா். மேலும் இது போன்ற புதிய தகவல்களைப் பற்றி விழிப்புணா்வு இருக்கும் போது, எந்தச் சூழலிலும் பயமில்லாமல் குழந்தைகளை பராமாிக்க முடியும்.

கற்பதில் குறைபாடுள்ள குழந்தைகளை அன்பால் பராமாித்தல்

எந்த குழந்தையாக இருந்தாலும் (கற்பதில் குறைபாடு உள்ள அல்லாது குறைபாடு இல்லாத), அவா்களுக்கு அன்பும், ஊக்கமும் மற்றும் பாராட்டும் தேவை. ஆகவே கற்பதில் குறைபாடுள்ள குழந்தைகளை அன்போடு பராமாிக்க வேண்டும். அவா்களுடைய நல்ல குணங்களைப் பாராட்ட வேண்டும். அவை அவா்கள் இயல்பு நிலைக்கு வருவதற்கு பேருதவியாக இருக்கும். மற்ற குழந்தைகளோடு அவா்களை ஒப்பிடக்கூடாது. அவா்களுடைய உலகத்திற்குள், அவா்கள் சுதந்திரமாக இயங்க அனுமதிக்க வேண்டும்.