ஏழையாக பிறந்து, எளிமையாக வாழ்ந்து, மக்களின் செல்வந்தனாக இறந்தவர்...

பிறப்பு!

மக்கள் ஜனாதிபதி அப்துல் கலாம் அய்யா பிறந்த நாள் - 1931

• இந்திய தலைவர்களில் மாணவர்களின் நட்பை, காதலை, மனதை ஈர்த்த ஒரே நபர் மக்களின் ஜனாதிபதி அப்துல் கலாம் அய்யா அவர்கள்.
• 11வது குடியரசு தலைவாராக பணியாற்றிய இவர் இராமேசுவரத்தில் பிறந்து வளர்ந்தவர். நான் பிறந்த தேசத்திற்காக, எனக்கு படிப்பையும், அறிவையும் அளித்த தேசத்திற்காக மட்டுமே உழைப்பேன் என கடைசி வரை இந்திய வளர்ச்சிக்காக உழைத்த மாபெரும் நபர்.
• பாதுகாப்பு ஆராய்ச்சி மற்றும் மேம்பாட்டு நிறுவனத்திலும் (DRDO) இந்திய விண்வெளி ஆராய்ச்சி நிறுவனத்திலும், (ISRO) விண்வெளி பொறியாளராக பணியாற்றியிருக்கிறார்.
• 1974 ஆம் ஆண்டில் நடந்த முதல் அணு ஆயுத சோதனைக்கு பிறகு 1998 ஆம் ஆண்டில் நடந்த போக்ரான் - II அணு ஆயுத பரிசோதனையில் நிறுவன, தொழில்நுட்ப, மற்றும் அரசியல் ரீதியாக அவர் முக்கிய பங்காற்றினார்.
• கலாம் தனது இந்தியா 2020 என்ற புத்தகத்தில் இந்தியாவை வளர்ந்த நாடாக மாற்ற திட்டங்களை முன்மொழிந்துள்ளார். தென் கொரியாவில் அவருடைய புத்தகங்கள், மொழிபெயர்ப்புப் பிரதிகளாக மாற்றுவதற்காக பெரும் வரவேற்பைப் பெற்றிருக்கின்றன.
• இந்தியாவின் உயரிய விருதான பாரத ரத்னா உட்பட, பல மதிப்புமிக்க விருதுகளை பெற்றுள்ளார்.



இறப்பு!

சீரடி சாய் பாபா இறந்த தினம் - 1918

• இவர் மகாராஷ்டிரா மாநிலத்தை சேர்ந்த அகமது நகர் எனும் மாவட்டத்தில் சீரடியில் வாழ்ந்து வந்தார்.
• இந்து மதத்தில் இவரை கடவுளின் உருவமாகவே பாவித்து வணங்கி வருகிறார்கள்.
• இவர் சமாதியான இடம் சீரடியில் இருக்கிறது. அந்த இடம் இப்போது பல ஆயிரக்கணக்கான மக்கள் தினமும் தொழுது செல்லும் புனித இடமாக விளங்கி வருகிறது.
• ஒருமுறை நீதிமன்றத்தில் இவரது வயதை கேட்க, இலட்சக்கணக்கான வருடங்கள் என கூறினாராம். இவரது பக்தர்கள் திரட்டிய தகவல்கள் படி இவரது பிறந்தநாள் செப்டம்பர் 28, 1838 என அறியப்படுகிறது.



போர்!

1863 - அமெரிக்க உள்நாட்டுப் போர்: முதற் தடவையாக நீர்மூழ்கிக் கப்பல் (ஹன்லி)ஒன்று கப்பல் ஒன்றை மூழ்கடித்தது.

1915 - முதலாம் உலகப் போர்: ஆஸ்திரியா-ஹங்கேரி சேர்பியாவை முற்றுகையிட்டது.

1917 - முதலாம் உலகப் போர்: ஜெர்மனிக்காக உளவு பார்த்ததாக குற்றஞ்சாட்டப்பட்ட டச்சு நடன மாது மாட்ட ஹரி பாரிசில் மரணதண்டனைக்குட்படுத்தப்பட்டு சுட்டுக் கொல்லப்பட்டாள்.

1945 - இரண்டாம் உலகப் போர்: முன்னாள் பிரெஞ்சு முதல்வர் பியேர் லாவல் சுட்டுக் கொல்லப்பட்டார்.



நிகழ்வுகள்!

1878 - தோமஸ் எடிசன் தனது மின்குமிழ் (பல்பு) தயாரிக்கும் கம்பனியை ஆரம்பித்தார்.

1932 - டாட்டா விமான நிறுவனம் (பின்னர் இது ஏர் இந்தியா எனப் பெயரிடப்பட்டது) தனது முதலாவது வானூர்தி சேவையை ஆரம்பித்தது.

1951 - மெக்சிக்கோவின் லூயி மிரமோண்டெஸ் முதற்தடவையாக கருத்தடை மாத்திரையை அறிமுகப்படுத்தினார்.

1966 - ஆப்பிரிக்க அமெரிக்கர்களின் உரிமைகளை வென்றெடுக்கவென கருஞ்சிறுத்தைக் கட்சி என்ற பெயரில் மார்க்சிய இயக்கம் ஐக்கிய அமெரிக்காவில் ஓக்லண்டில் ஆரம்பிக்கப்பட்டது.

1997 - நாசாவின் ஹியூஜென்ஸ் விண்ணுளவி சனி கோளை நோக்கி ஏவப்பட்டது.



அசம்பாவிதங்கள்!

1970 - மெல்பேர்ன் நகரில் வெஸ்ட் கேட் பாலம் உடைந்து வீழ்ந்ததில் 35 தொழிலாளர்கள் பரிதாபமாக உயிரிழந்தனர்.

1987 - பிரான்ஸ், மற்றும் இங்கிலாந்தில் பெரும் புயல் கிளம்பியதில் 23 பேர் உயிரிழந்தனர்.