குண்டாக இருந்து ஒல்லியாக மாறிய பாலிவுட் நடிகைகள்!!!

ஜரைன் கான்

நடிகை ஜரைன் கான் சினிமாவில் நுழையும் முன் 100 கிலோ எடையுடன் இருந்தார். திரையுலகில் காலைப் பதிப்பதற்காக மிகவும் கஷ்டப்பட்டு, தன் எடையை குறைத்து தற்போது 57 கிலோவில் உள்ளார்.

அலியா பட்

தற்போது பாலிவுட்டில் முன்னணி நடிகையாக இருப்பவர் தான் அலியா பட். இவர் முன்பு 70 கிலோ எடையுடன் இருந்தார். ஆனால் மிகவும் பிரபலமான ‘Student of Year' படத்திற்காக 3 மாதம் மிகவும் கஷ்டப்பட்டு, 16 கிலோ எடையைக் குறைத்தார். இதற்காக இவர் அன்றாடம் உடற்பயிற்சியுடன், கடுமையான டயட்டை மேற்கொண்டார். தற்போது இவர் 54 கிலோ எடை உள்ளார். மேலும் இதையை பராமரித்தும் வருகிறார்.

சோனம் கபூர்

பாலிவுட்டின் முன்னணி நடிகைகளுள் ஒருவரான நடிகை சோனம் கபூர், சிங்கப்பூரில் இருக்கும் போது 86 கிலோ இருந்தார். இதற்கு காரணம் கண்டபடி உணவுகளை உட்கொண்டது தான். பின் திரையுலகில் காலடியைப் பதிப்பதற்காக, தினமும் ஜிம், நீச்சல், யோகா மற்றும் கதக் போன்றவற்றை பின்பற்றி, 30 கிலோ எடையைக் குறைத்தார். தற்போது இவர் 57 கிலோ எடையுடன் உள்ளார்.

சோனாக்ஷி சின்ஹா

நம் சூப்பர் ஸ்டார் ரஜினியுடன் நடித்த பாலிவுட் நடிகை சோனாக்ஷி சின்ஹா, ஆரம்பத்தில் 94 கிலோ எடையுடன் இருந்தார். பின் தன் உடல் எடையை 30 கிலோ குறைத்து காட்டுவதாக சவால் எடுத்துக் கொண்டு, கடுமையான டயட், வாரத்திற்கு 5 நாட்கள் ஜிம், தினமும் யோகா, கார்டியோ பயிற்சி, டென்னிஸ் விளையாட்டு போன்றவற்றை மேற்கொண்டு, தற்போது 60 கிலோ எடையுடன் சிக்கென்று உள்ளார்.

பரீனித்தி சோப்ரா

பிரியங்கா சோப்ராவின் மூலம் திரையுலகில் காலடி பதித்தவர் நடிகை பரீனித்தி சோப்ரா. இவர் திரையுலகிற்கு வரும் முன் 86 கிலோ எடையுடன் இருந்தார்., பின் மற்ற நடிகைகளைப் போல் கடுமையான டயட், அன்றாட உடற்பயிற்சி, யோகா போன்றவற்றின் மூலம், தன் எடையைக் குறைத்து, ஃபிட்டாக மாறினார். தற்போது இவர் 58 கிலோ எடையுடன் உள்ளார்.

கரீனா கபூர்

நடிகை கரீனா கபூர் மிகவும் குண்டாக இல்லாவிட்டாலும், ஃபிட்டாக இல்லை என்ற குறை கூறப்பட்டது. இதனை தீவிரமாக எடுத்துக் கொண்டு, கரீனா கபூர் "Tashan" என்ற படத்திற்கு ஜீரோ சைஸ் ஃபிகராக மாறி வந்தார். சொல்லப்போனால் பாலிவுட்டில் முதன் முதலாக ஜீரோ சைஸ் ஃபிகரானது கரீனா கபூர் தான். இந்த ஜீரோ சைஸைப் பெறுவதற்காக, இவர் அன்றாடம் யோகா, கார்டியோ, வாக்கிங் மற்றும் கடுமையான டயட்டைப் பின்பற்றினார். இவர் முன்பு 77 கிலோ இருந்தார். தற்போது 57 கிலோ உள்ளார்.

கத்ரீனா கைஃப்

நடிகை கத்ரீனா கைஃப் படு குண்டாக இல்லாவிட்டாலும், ஃபிட்டாக இல்லாமல் இருந்தார். வேண்டுமானால் இவர் நடித்த 'Boom' படத்தையும், தற்போது நடித்துள்ள படங்களையும் பாருங்கள். நிச்சயம் நல்ல மாற்றத்தைக் காணலாம். சொல்லப்போனால் தற்போது இவர் சிக்கென்று மாறியுள்ளார்.

அர்ஜுன் கபூர்

பாலிவுட்டில் நடிகைகள் மட்டும் குண்டாக இருந்து ஒல்லியாகவில்லை, நடிகர்களும் தான். அதிலும் போனி கபூரின் மகனான அர்ஜுன் கபூர் முன்பு 130 கிலோ இருந்தார். 'Ishaqzaade' என்ற திரைப்படத்தின் மூலம் அறிமுகமானார். இப்படத்தில் உள்ள 'Chokra Jawan' என்ற பாடலில் சிக்ஸ் பேக் வைத்து அசத்தியுள்ளதோடு, பல ரசிகைகளையும் கவர்ந்தார்.