வீட்டுல துளசி செடி இருக்கா? அப்ப இந்த திசையில் வெக்காதீங்க.. இல்ல பண பிரச்சனையை சந்திப்பீங்க..

எந்த திசையில் துளசி செடியை வைக்க வேண்டும்?

வாஸ்து சாஸ்திரத்தின் படி, துளசி செடியை வீட்டின் கிழக்கு திசையில் வைப்பது நல்லது. இல்லாவிட்டால், வீட்டின் வடக்கு அல்லது வட கிழக்கு திசையில் வைப்பது நல்லது. வாஸ்துப்படி வடக்கு திசையானது நீரின் திசையாகும். எனவே இந்த வடக்கு திசையில் துளசி செடியை வைத்து வளர்கும் போது, வீட்டில் நேர்மறை ஆற்றல் அதிகரித்து, எதிர்மறை ஆற்றல் வெளியேற்றப்படும்.

துளசியின் அருகில் வைக்கக்கூடாத செடிகள்

துளசி செடியை வீட்டில் வைத்து வளர்த்து வந்தால், அந்த செடிக்கு அருகே முட்கள் நிறைந்த எந்த செடிகளையும் வைக்கக்கூடாது. மேலும் துளசி செடிக்கு அருகே காய்ந்த செடி எதுவும் இருக்கக்கூடாது. இல்லாவிட்டால் அது எதிர்மறை ஆற்றலை ஈர்த்து, வீட்டில் உள்ளோரிடையே பிரச்சனைகளை அதிகரிக்கும். துளசி செடிக்கு அருகே பூச்செடிகளை வேண்டுமானால் வளர்க்கலாம்.

வாஸ்துப்படி செய்யக்கூடாதவைகள்

துளசி செடியை வீட்டில் வைப்பதாக இருந்தால், அந்த செடிக்கு அருகே துடைப்பம், காலணி, குப்பைத் தொட்டிகளை வைக்கக்கூடாது. மேலும் துளசி செடி உள்ள பகுதி எப்போதும் மிகவும் சுத்தமாக இருக்க வேண்டும்.

துளசியை தரையில் வைக்கக்கூடாது

துளசி செடி புனிதமான செடியாக கருதப்படுவதோடு வழிபடப்படுகிறது. அப்படிப்பட்ட துளசி செடிகளை நேரடியாக தரையில் வளர்க்கக்கூடாது. எப்போதும் அதை ஒரு தொட்டியில் தான் வளர்க்க வேண்டும். அதுவும் இந்த துளசியை வீட்டின் வடக்கு திசையில் உள்ள ஜன்னல் அல்லது பால்கனியில் வைத்து வளர்ப்பது நல்லது.

எத்தனை செடியை வளர்க்கலாம்?

வாஸ்து சாஸ்திரத்தின் படி, வீட்டில் துளசி செடியை வளர்ப்பதாக இருந்தால், ஒன்று, மூன்று அல்லது ஐந்து என்று ஒற்றைப்படை எண்ணில் தான் வளர்க்க வேண்டும். அப்போது தான் நல்ல பலன் கிடைக்கும். மேலும் துளசி செடியை வீட்டில் வளர்க்க நினைத்தால், கார்த்திகை மாதத்தில் வரும் வியாழக்கிழமைகளில் வளர்க்கத் தொடங்குங்கள்.

எந்த திசையில் துளசி செடியை வைக்கக்கூடாது?

வீட்டில் துளசி செடியை வளர்க்க நினைத்தால், வாஸ்து சாஸ்திரத்தில் கூறப்பட்டுள்ள திசைகளில் வைத்து வளர்த்தால் தான், நல்ல பலன்கள் கிடைக்கும். வாஸ்துப்படி, துளசி செடியை வீட்டின் தென் கிழக்கு திசையில் வைத்து வளர்க்கக்கூடாது. ஏனெனில் இது அக்னி மூலை. இந்த திசையில் வைத்தால் வீட்டில் பல இழப்புக்களை சந்திக்க நேரிடும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)