அதிகப்படியான தூக்கம் உங்க உயிருக்கு ஆபத்தான 'இந்த' நோயை ஏற்படுத்துமாம்...!

ஆய்வு

டிசம்பர் 11, 2019 அன்று அமெரிக்கன் அகாடமி ஆஃப் நியூராலஜியின் மருத்துவ இதழான நியூராலஜி இதழின் ஆன்லைன் பதிப்பில், சராசரியாக 62 விஞ்ஞானிகள் கொண்ட குழு, 32,000 பேருக்கு பக்கவாதம் ஏற்படும் அபாயத்தை மதிப்பீடு செய்தனர். விஞ்ஞானிகள் பக்கவாதம் விகிதங்களை ஆய்வில் பங்கேற்பாளர்களின் சுய-அறிக்கை தூக்க முறைகளுடன் இணைத்தனர்.

பக்கவாதம் எதனால் ஏற்படுகிறது?

மூளையின் ஒரு பகுதிக்கு இரத்த ஓட்டம் தடைபடும் போது அல்லது குறைந்து, மூளை திசுக்களுக்கு சேதம் ஏற்படும் போது பக்கவாதம் ஏற்படுகிறது. மூளையின் எந்த பகுதி பாதிக்கப்பட்டுள்ளதோ, அதைப் பொறுத்து நமது உடலின் பாகங்களில் குறைபாடுகள் ஏற்படும்.

பகுப்பாய்வு

ஆய்வின்படி, இரவில் எட்டு மணி நேரத்திற்கும் குறைவாக தூங்குபவர்களை விட, ஒன்பது மணி நேரத்திற்கும் மேலாக தூங்குபவர்களுக்கு பக்கவாதம் ஏற்படும் அபாயம் 23 சதவீதம் அதிகமாம். மேலும், 30 நிமிடங்களுக்கு குறைவாக தூங்குபவர்களை விட, பகலில் குறைந்தது 90 நிமிடங்கள் தூங்குபவர்களுக்கு பக்கவாதம் வருவதற்கான வாய்ப்புகள் 25 சதவீதம் அதிகம்.

மனச்சோர்வை ஏற்படுத்தும்

நீண்ட நேரம் தூங்குபவர்கள் அல்லது அதிக நேரம் தூங்குவதாகக் கூறுபவர்களுக்கு பக்கவாதம் ஏற்படும் அபாயம் 82 சதவீதம் அதிகரிக்குதாம். பக்கவாதத்திற்குப் பிறகும் தூங்குவதில் சிக்கல்கள் அடிக்கடி ஏற்படுகின்றன. உயிர் பிழைத்தவர்களில் பாதிக்கும் மேற்பட்டவர்கள் தூங்குவதில் சிரமப்படுகிறார்கள். இது மீட்சியை சீர்குலைத்து, மனச்சோர்வை உருவாக்கும் மற்றும் நினைவக சிக்கல்களை ஏற்படுத்தும்.

அதிக தூக்கம் பக்கவாதம் ஏற்படும் வாய்ப்புகளை எவ்வாறு அதிகரிக்கும்?

அதிகப்படியான தூக்கம் பக்கவாதத்துடன் எவ்வாறு தொடர்புடையது என்பது இன்னும் தெளிவாகத் தெரியவில்லை. ஆனால் அதிகமாக தூங்குபவர்கள் கொலஸ்ட்ரால் அளவை அதிகரிப்பதைக் காணலாம், இது எடை அதிகரிப்பதற்கும் பக்கவாதம் ஏற்படும் அபாயத்திற்கும் வழிவகுக்கும்.

நல்ல செய்தி

ஆரோக்கியமான உணவு மற்றும் வாழ்க்கை முறை தேர்வுகள் 80 சதவீதம் பக்கவாதம் அபாயத்தைத் தவிர்க்க உதவும் என்று மருத்துவர்கள் நம்புகிறார்கள். எனவே, ஆரோக்கியமான உணவுகளை சாப்பிடுங்கள், குப்பை உணவுகளை தவிர்த்துவிடுங்கள் மற்றும் புகைபிடிக்கும் பழக்கத்தை நிறுத்துங்கள். உங்கள் இரத்த அழுத்தம், சர்க்கரை மற்றும் எடையைக் கண்காணித்து சிறந்த வாழ்க்கையைப் பெறவும், பக்கவாதம் ஏற்படும் அபாயத்தைக் குறைக்கவும்.