உங்க உடலில் இந்த அமிலம் அதிமாக இருப்பது உங்க உயிருக்கே ஆபத்தாகுமாம்...இதை குறைக்க என்ன செய்யணும்?

அதிக யூரிக் அமிலத்தின் அறிகுறிகள்

கீல்வாதம் உங்கள் மூட்டுகளை பாதிக்கிறது. கணுக்கால், முழங்கால்கள், முழங்கைகள், மணிக்கட்டுகள் மற்றும் விரல்கள் ஆகியவை பொதுவாக பாதிக்கப்பட்ட மூட்டுகளில் சில. ஆரம்ப வலி குறைந்த பிறகு நீங்கள் ஒரு நீடித்த அசௌகரியத்தை உணரலாம். இது சில வாரங்கள் அல்லது அதற்கு மேல் நீடிக்கும். உங்கள் மூட்டுகளை நகர்த்துவது கடினமாக இருக்கலாம். மேலும் வீக்கம் மற்றும் சிவப்பு மூட்டுகள் ஆகியவை உங்களுக்கு ஏற்படும் சில அறிகுறிகளாகும்.

யூரிக் அமிலத்தை எவ்வாறு குறைப்பது?

உங்கள் சிறுநீரகங்கள் நச்சுக்களை வெளியில் அகற்றாதபோது அதிக யூரிக் அமில அளவு ஏற்படுகிறது. புரதச்சத்து நிறைந்த உணவு, அதிக சர்க்கரை உட்கொள்ளல் மற்றும் மது அருந்துதல் ஆகியவை இந்த உடல் நல பிரச்சனைக்கு வழிவகுக்கும். இது உடலில் வலிமிகுந்த வீக்கத்தை ஏற்படுத்தும், இது கீல்வாதம் அல்லது மூட்டு வலிக்கு வழிவகுக்கிறது. சில வாழ்க்கை முறை மாற்றங்கள் மற்றும் பியூரின் நிறைந்த உணவை நீக்குவது உடலில் யூரிக் அமிலத்தை குறைக்க உதவும் என்று நிபுணர்கள் தெரிவிக்கிறார்கள்.

வைட்டமின் சி உணவுகளை அதிகம் சாப்பிடுங்கள்

ஜர்னல் ஆஃப் ருமாட்டாலஜியில் வெளியிடப்பட்ட ஒரு ஆய்வில், வைட்டமின் சி உட்கொள்பவர்களில் யூரிக் அமிலத்தின் அளவு குறைவாக இருப்பதாகத் தெரிய வந்துள்ளது. இன்டர்னல் மெடிசின் காப்பகங்களில் மற்றொரு ஆய்வு வைட்டமின் சி கீல்வாதத்தின் அபாயத்தைக் குறைக்கும் என்று கூறுகிறது. வைட்டமின் சி இன் சிறந்த ஆதாரங்களில் சிட்ரஸ் பழங்கள், மிளகாய், ஸ்ட்ராபெர்ரி, ப்ரோக்கோலி, பிரஸ்ஸல்ஸ் முளைகள் மற்றும் உருளைக்கிழங்கு ஆகியவை அடங்கும்.

பியூரின்கள் நிறைந்த உணவுகளைத் தவிர்க்கவும்

பியூரின்கள் அதிகம் உள்ள உணவை உண்பது உங்களுக்கு நன்மை பயக்கும். பியூரின்கள் குறைவாக உள்ள உணவில், பெரும்பாலும் பழங்கள், காய்கறிகள் மற்றும் முழு தானியங்கள் அடங்கும். சிவப்பு இறைச்சி, கடல் உணவுகள், உறுப்பு இறைச்சி, பீர் மற்றும் விஸ்கி உள்ளிட்ட பல உணவுகளில் பியூரின்கள் அதிகம் உள்ளன. ஆதலால், இந்த உணவுகளை தவிர்ப்பது உடல் ஆரோக்கியத்திற்கு நல்லது.

மது அருந்துவதை குறைக்கவும்

ஆல்கஹால், குறிப்பாக பீர் கீல்வாதத்தின் அதிக ஆபத்துடன் தொடர்புடையது. கீல்வாத பாதிப்புக்கு ஆளானவர்கள் பீரைத் தவிர்க்க வேண்டும் என்று ஆய்வுகள் தெரிவிக்கின்றன. குறிப்பாக பாதிப்பின் போது, முற்றிலுமாக தவிர்க்க வேண்டும். இருப்பினும், மதுவின் மிதமான நுகர்வு ஆபத்தை அதிகரிக்காது என்று நம்பப்படுகிறது. இருப்பினும், எப்போதும் மிதமான அளவில் மது அருந்துவது நல்லது.

செயற்கை இனிப்புகளை குறைவாக உட்கொள்வது

செயற்கை இனிப்புகள் அதிகம் உள்ள உணவுகள் யூரிக் அமில அளவை உயர்த்தி கீல்வாதத்தைத் தூண்டும். கீல்வாதம் ஏற்படுவதைத் தடுக்க, சர்க்கரை கலந்த உணவுகளை உட்கொள்வதை கட்டுப்படுத்தவும் அல்லது தவிர்க்க வேண்டும். சோடா, தொகுக்கப்பட்ட பழச்சாறுகள், பேஸ்ட்ரிகள், மிட்டாய்கள், பதிவு செய்யப்பட்ட சூப்கள் மற்றும் கெட்ச்அப் அல்லது மயோனைஸ் போன்ற உணவுகளை நீங்கள் தவிர்க்க வேண்டும்.

நீரேற்றமாக இருங்கள்

உங்களை நீரேற்றமாக வைத்திருக்க வேண்டியது அவசியம். தினமும் குறைந்தது 8 கிளாஸ் தண்ணீர் குடிக்க வேண்டும். இது உங்கள் உடலிலிருந்து யூரிக் அமிலத்தை வெளியேற்ற உதவுகிறது என்று ஆய்வுகள் கண்டறிந்துள்ளன. ஆதலால், தண்ணீர் அதிகமாக குடியுங்கள்.