இந்த புத்தாண்டில் ஆரோக்கியமாக இருக்க வேண்டுமா? அப்ப இந்த யோகாசனங்களை செய்யுங்க...

1. தனுராசனம் (Dhanurasana)

தனுராசனா பயிற்சியை எவ்வாறு செய்வது?

- முதலில் தரையில் முகம் குப்புற படுத்துக் கொள்ள வேண்டும்.

- கைகளையும் கால்களையும் பின்பக்கமாக வளைத்து இழுத்து, இரண்டு பாதங்களையும், இரண்டு கைகளால் பிடித்துக் கொள்ள வேண்டும்.

- இப்போது நமது உடலை பின்பக்கமாக இழுத்து, தலையையும் கால்களையும் உயா்த்த வேண்டும்.

- அப்போது நமது மேல் கைகள், வயிற்றுப் பகுதி மற்றும் கால்கள் போன்ற உறுப்புகள் இழுக்கப்படுவதை நாம் உணரலாம்.

- இந்த யோகா பயிற்சியானது நமது உடல் எடையைக் குறைக்கும். அதோடு நமது சொமானத் திறனை அதிகாிக்கும், பசியுணா்வை அதிகாிக்கும் மற்றும் இரத்த ஓட்டத்தை மேம்படுத்தும்.

2. புஜங்காசனம் (Bhujangasana)

புஜங்காசனா பயிற்சியை எவ்வாறு செய்வது?

- முதலில் தரையில் முகம் கவிழந்து படுத்துக் கொள்ள வேண்டும்.

- கைகள் இரண்டையும் தோள்பட்டைகளுக்கு அருகில் ஊன்றி வைத்துக் கொள்ள வேண்டும்.

- இப்போது தலையை உயா்த்தி, வானத்தை நோக்கி பாா்க்க வேண்டும்.

- அப்போது நமது வயிற்றுப் பகுதியானது இழுக்கப்படுவதை நாம் உணா்வோம்.

- இந்தப் பயிற்சியானது நமது முதுகுப் பகுதிக்கு அதிகமான நெகிழ்வு தன்மையை வழங்குகிறது.

- நமது வயிறு, கழுத்து மற்றும் தோள்பட்டை போன்ற உடல் உறுப்புகளை செதுக்குகிறது.

- இரத்த ஓட்டத்தை மேம்படுத்துகிறது மற்றும் நம்மை சோா்வு மற்றும் மன அழுத்தம் போன்றவற்றிலிருந்து விடுவிக்கிறது.

3. விபரீதகரணி ஆசனம் (Viparita Karani Asana)

இந்த ஆசனத்தை எவ்வாறு செய்வது?

- முதலில் தரையில் மல்லாந்து படுத்துக் கொள்ள வேண்டும்.

- இரண்டு கால்களையும் ஒன்றாக மேலே உயா்த்த வேண்டும்.

- இப்போது முதுகு பகுதியை மெதுவாக உயா்த்தி, கால்களை சற்று பின்பக்கமாக நகா்த்த வேண்டும்.

- முழங்கைகளைத் தரையில் ஊன்றி, உயா்த்தப்பட்ட நிலையில் இருக்கும் முதுகுப் பகுதியின் கீழ் பகுதியில் இரண்டு கைகளை வைத்து முதுகைத் தாங்கிப் பிடித்துக் கொள்ள வேண்டும்.

- பாதங்களை தரைக்கு நேராக செங்குத்தாக வைத்துக் கொண்டு, முதுகை தரையிலிருந்து 45 முதல் 60 டிகிாி கோணத்திற்கு வளைக்க வேண்டும்.

- இயல்பாக மூச்சுவிட வேண்டும்.

- முதலில் இந்த யோகா பயிற்சியை 1 நிமிட செய்ய வேண்டும். பின் படிப்படியாக 10 நிமிடங்கள் வரை செய்ய வேண்டும்.

- இந்த யோகா பயிற்சியை தினமும் செய்து வந்தால், நமது சொிமான அமைப்பு வலுவடையும். பசியுணா்வு அதிகாிக்கும். மேலும் இளம் வயதில் முடி நரைப்பதைத் தடுக்கலாம்.

4. அா்த்த மத்ஸ்யேந்திராசனம் (Ardha Matsyendrasana)

இந்த ஆசனத்தை எவ்வாறு செய்வது?

- முதலில் தரையில் நேராக அமா்ந்து கொண்டு, நமக்கு முன் பக்கமாக கால்களை விாித்து நீட்டி வைத்துக் கொள்ள வேண்டும்.

- இடது காலை வளைத்து, அதன் பாதத்தைக் கொண்டு நமது வலது பக்க புட்டத்தைத் தொட முயற்சிக்க வேண்டும்.

- வலது பாதத்தை, இடது முட்டிக்கு வெளியே கொண்டு வந்து, தரையைத் தொட வேண்டும்.

- தண்டுவடத்தை வளைக்காமல் நேராக வைத்துக் கொள்ள வேண்டும்.

- இப்போது மூச்சை வெளியில் விட்டு, உடலின் மேல் பகுதியை வலது பக்கமாகத் திருப்ப வேண்டும்.

- இடது கையால் வலது பாதத்தை பிடித்துக் கொண்டு, தண்டுவடப் பகுதியில் வலது கையை வைத்துக் கொள்ள வேண்டும்.

- இந்த ஆசனம் நமது தண்டுவடத்திற்கு அதிக நெகிழ்வு தன்மையை வழங்கும். மேலும் நமது வயிற்று தசைகளை சீா்படுத்தும்.

5. தந்தாசனம் (Dandasana)

தந்தாசனாவை எவ்வாறு செய்வது?

- முதலில் தரையில் முகம் கவிழ்ந்து படுத்து, இரண்டு முழங்கைகளையும் தோள்பட்டைகளுக்கு அடியில் வைத்துக் கொள்ள வேண்டும்.

- முன் கைகளைத் தரையில் ஊன்றி, தண்டால் பயிற்சி செய்யும் நிலைக்கு வர வேண்டும்.

- மூச்சை உள்ளிழுக்கும் போது, கைகள் மற்றும் கால் கட்டை விரல்களின் உதவியோடு உடலை சற்றுத் தரைக்கு மேலை உயா்த்த வேண்டும்.

- அதே நேரத்தில் வயிற்றுத் தசைகளை இறுக்கமாக வைத்துக் கொள்ள வேண்டும்.

- கழுத்து மற்றும் தண்டுவடத்தை வளைக்காமல் நேராக வைத்துக் கொள்ள வேண்டும்.

- இதே பயிற்சி நிலையில் சிறிது நேரம் இருக்க வேண்டும்.

- பின் மெதுவாக மூச்சை வெளியில் விட்டு, அந்த பயிற்சி நிலையில் இருந்து வெளிவர வேண்டும்.

- இந்த பயிற்சியைத் தொடா்ந்து மூன்று முறை செய்யலாம்.

- தந்தாசனா நமது மொத்த உடலுக்கும் வலுவைத் தரும். அதே நேரத்தில் நமது உடலில் உள்ள கலோாிகளையும் கணிசமாக எாிக்கும்.