இதையெல்லாம் மத்தவங்க கூட பகிர்ந்தால் உயிருக்கே ஆபத்து!

ஸ்ப்ரே :

வியர்வை நாற்றம் வெளியில் தெரியாமல் இருக்க பாடி ஸ்ப்ரே,ரோல் ஆன் போன்றவை எல்லாம் கடன் வாங்கி பயன்படுத்தும் பழக்கம் இருந்தால் அவற்றை இன்றோடு மறந்துவிடுங்கள். உடலில் இருக்கும் நச்சுக்கள் வியர்வை வழியாக வெளியேறுகிறது.

ஒருவர் பயன்படுத்தியதை நீங்கள் பயன்படுத்தினால் அந்த பாக்டீரியா உங்களுக்கும் தொற்றிக் கொள்ளும்.

ரேசர் :

ஆத்திர அவசரத்திற்கு காலையில் தூக்கத்தில் எது யாருடையது என்று தெரியாமல் மாற்றி பயன்படுத்தும் வழக்கம் இருக்கிறது மற்றபடி நான் எதுவும் வாங்கி பயன்படுத்தமாட்டேன் என்று கூலாக சொல்பவர்களுக்கு ஒரு ஷாக்கிங் நியூஸ்.

தயவு செய்து உங்களுடைய ரேசரை பகிராதீர்கள். அதே போல நீங்களும் பிறருடைய ரேசரையும் பயன்படுத்தாதீர்கள். ஏன் தெரியுமா? ரேசரை ஒரு முறை பயன்படுத்திவிட்டால் அவை உங்களின் ரத்த நாளங்களில் படும். அதனை பிறர் பயன்படுத்தும் போது ரத்தத்தால் பரவிடும் எயிட்ஸ்,ஹெப்படைட்டீஸ் போன்ற நோய்கள் கூட பரவும் அபாயம் உண்டு.

இயர் போன் :

அடிக்கடி செய்கிற மிகப்பெரிய தவறு இது. அவசரத்திற்கு சட்டென எடுத்து கொடுக்கும் நல்ல மனசுக்காரர்களே இதோடு இயர் போன் கடனாக கொடுப்பதையும் வாங்குவதையும் நிறுத்திவிடுங்கள்.

காதில் நுண்ணிய பாக்டீரியா நிறைய இருக்கும். ஒருவர் பயன்படுத்தியதை நீங்களும் பயன்படுத்தும் போது அந்த பாக்டீரியா தொற்று உங்களுக்கும் வந்து விடும். பிறர் பயன்படுத்தியதை நீங்கள் பயன்படுத்தும் சூழல் வந்தால் நன்றாக சுத்தம் செய்த பின்னர் பயன்படுத்தலாம். ஆல்கஹால் கொண்டு சுத்தப்படுத்த வேண்டும்.

சோப் :

பத்து பேர் இருக்கும் அறையில் ஒரே ஒரு சோப் வைத்துக் கொண்டு சமாளிக்கும் பேச்சுலர் பிரண்ட்ஸ் என்று பெருமை பொங்கும் யங்கஸ்டர்ஸுக்கு இது ஷாக்கிங்காகத்தான் இருக்கும்.

உங்களுக்கென்று தனி சோப்பை வைத்துக் கொள்ளுங்கள். நம் உடலில் உள்ள அழுக்குகளை போக்குவது மட்டும் சோப்பின் வேலையல்ல, பாக்டீரியாவை பரப்பு வேலையையும் சத்தமின்றி செய்து கொண்டிருக்கிறது.

காலுறை :

இது கடனாக வாங்காவிட்டாலும் தெரியாமல் மாற்றிப் போட்டுச் செல்லும் பழக்கம் வழக்கமாகவே இருக்கிறது. நாள் முழுவதும் போடப்பட்டிருக்கும் காலுறையில் அதிகப்படியான வியர்வை இருக்கும். காய்ந்துவிட்டால் பாக்டீரியா நீங்கிவிட்டது என்று அர்த்தமன்று.

அதனையே நீங்கள் பயன்படுத்தும் போது, அந்த பாக்டீரியா உங்களை தொற்றிக் கொள்ளும். அதோடு உங்களைடைய வியர்வை பாக்டீரியாவும் சேர்ந்து சருமப் பிரச்சனைகளை உண்டாக்கும்.

இவற்றைத்தவிர, டூத் பிரஷ்,உள்ளாடைகள்,டவல் போன்றவற்றை பகிர்வதை தவிர்த்திடுங்கள்.