செரிமான மண்டலம் சுத்தமாகி, ஒட்டுமொத்த உடல் ஆரோக்கியமும் மேம்பட இத தினமும் கொஞ்சம் குடிங்க...

தேவையான பொருட்கள்:

சிவப்பு முட்டைக்கோஸ் - 1/4 கப்

வெள்ளரிக்காய் - 1/2

பச்சை ஆப்பிள் - 1

புதினா - 1 கையளவு

துளசி - 1 கையளவு

தயாரிக்கும் முறை:

முதலில் அனைத்து பொருட்களையும் மிக்ஸியில் போட்டு நன்கு அரைத்துக் கொள்ள வேண்டும். பின் அதை தயாரித்த உடனேயே குடிக்க வேண்டும். இப்போது இந்த பானத்தைக் குடிப்பதால் கிடைக்கும் இதர நன்மைகளைக் காண்போம்.

நன்மை #1

இந்த பானத்தில் கலோரிகள் குறைவு மற்றும் வைட்டமின்கள், கனிமச்சத்துக்கள் மற்றும் நார்ச்சத்துக்கள் ஏராளமாக உள்ளதால், இதைக் குடித்தால் அடிக்கடி பசி ஏற்படுவது தடுக்கப்படும். இதனால் உடல் எடையும் குறையும்.

நன்மை #2

இந்த பானத்தில் ஆன்டி-ஆக்ஸிடன்ட்டுகள் மற்றும் வைட்டமின் ஏ ஏராளமான அளவில் உள்ளது. ஆகவே இதைக் குடித்தால், விரைவில் முதுமைத் தோற்றம் வருவது தடுக்கப்படும்.

நன்மை #3

இந்த பானம் கண்களின் ஆரோக்கியத்தை மேம்படுத்தும். குறிப்பாக இதில் வைட்டமின் ஏ வளமாக உள்ளதால், இது கண் புரை மற்றும் மாகுலர் திசு சிதைவடைவதைத் தடுக்கும்.

நன்மை #4

இந்த பானத்தில் வைட்டமின் சி ஏராளமாக உள்ளது. இது இரத்த வெள்ளை அணுக்களின் செயல்பாட்டை தூண்ட உதவி, நோய்க் கிருமிகளிடமிருந்து உடலைப் பாதுகாக்கும்.

நன்மை #5

இந்த பானத்தில் உள்ள ஆந்தோசையனின்கள், ப்ளேக் உருவாக்கத்தைக் குறைத்து, ஞாபக மறதி பிரச்சனையைத் தடுக்கும்.

நன்மை #6

இந்த பானத்தில் உள்ள கனிமச்சத்துக்கள், எலும்புகளின் அடர்த்தியை அதிகரிக்க உதவும் மற்றும் ஆர்த்ரிடிஸ், ஆஸ்டியோபோரோசிஸ் மற்றும் அழற்சி போன்றவற்றை எதிர்த்து எலும்புகளுக்கு நல்ல பாதுகாப்பு வழங்கும்.