கண்களின் ஆரோக்கியத்தை மேம்படுத்தும் சில எளிய கண் பயிற்சிகள்!

By Maha

Updated: Tuesday, February 23, 2016, 16:40 [IST]

தற்போது ஏராளமானோர் கண்களில் தான் பல பிரச்சனைகளை சந்திக்கின்றனர். இதற்கு கம்ப்யூட்டர் திரையை நீண்ட நேரம் உற்று பார்ப்பது தான் முதன்மையான காரணம். இப்படி ஓய்வின்றி உற்று நோக்கும் போது, திரையில் இருந்து வெளிவரும் வெளிச்சம் கண்களை பாதிக்கிறது.

குறிப்பாக பார்வை மங்குவது, கண் வலி, கண்களில் இருந்து நீர் வடிவது, கண் எரிச்சல் போன்றவை கம்ப்யூட்டர் திரையைப் பார்ப்பதால் ஏற்படுபவைகள். இவற்றைத் தவிர்க்க வேண்டுமானால், தினமும் கண்களுக்கு போதிய கண் பயிற்சிகளை மேற்கொள்ள வேண்டும்.

இங்கு கண்களின் ஆரோக்கியத்தை மேம்படுத்தும் சில எளிய கண் பயிற்சிகள் கொடுக்கப்பட்டுள்ளன. அவற்றைப் படித்து தினமும் பலமுறை மேற்கொண்டு வந்தால், கண்கள் ஆரோக்கியமாக இருக்கும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

கண் பயிற்சி 1

முதலில் கருவிழிகளை மேலும் கீழுமாக நகர்த்த வேண்டும். இப்படி 1 நிமிடம் செய்ய வேண்டும். பின் கண்களை ரிலாக்ஸ் செய்யவும்.

கண் பயிற்சி 2

பின் கருவிழிகளை இடதுபுறம் வலதுபுறமாக நகர்த்த வேண்டும். இப்பயிற்சியை 1 நிமிடம் தொடர்ந்து செய்து, பின் சில நொடிகள் கண்களை ரிலாக்ஸ் செய்யவும்.

கண் பயிற்சி 3

அடுத்து கருவிழிகளை குறுக்காக நகர்த்த வேண்டும். அதில் முதலில் வலதுபுறத்தில் இருந்து ஆரம்பித்து ஒரு நிமிடம் செய்ய வேண்டும். பின் சில நொடிகள் கண்களை ரிலாக்ஸ் செய்யயும்.