ஜின்னா, வோட்காவா உங்க உடம்புக்கு எது ஒத்துப் போகும்'னு தெரிஞ்சுக்குங்க!!!

கலோரிகள்

ஜின்னோடு ஒப்பிடுகையில் வோட்காவில் கலோரிகள் கம்மியாக இருக்கின்றது. இதனால் தொப்பை போடும் பிரச்சனையில் இருந்து குடிமகன்கள் சிறிதளவு தப்பிக்க வோட்கா உதவும்.

கார்போஹைட்ரேட்

ஜின்னில் 13 கிராம் கார்போஹைட்ரேட் உள்ளது, அதுவே வோட்காவில் 1 கிராம் தான் இருக்கின்றது. கார்போஹைட்ரேட் குறைவாக இருப்பது தான் நல்லது. எனவே, இந்த வகையிலும் வோட்காதான் ஜின்னை விட சிறந்து விளங்குகிறது.

அல்கஹால் அளவு

ஜின்னில் 21 கிராமும், வோட்காவில் 16 கிராமும் அல்கஹால் அளவு உள்ளது. ஏறத்தாழ இரண்டும் ஒரே அளவு தான் என்பதனால். இரண்டும் சமநிலையில் தான் உள்ளது.

சர்க்கரையின் அளவு

ஜின் மற்றும் வோட்காவில் உள்ள சர்க்கரை அளவு பற்றி ஒப்பிட்டு பார்த்தல், ஜின்னில் 13 கிராம் சர்க்கரை அளவு சேர்க்கப்படுகிறது. வோட்காவில் உள்ள சர்க்கரையின் அளவு 0 கிராம். எனவே, இந்த பிரிவிலும் வோட்கா தான் வெற்றிப் பெற்றுள்ளது.

வைட்டமின் சி

ஜின்னில் வைட்டமின் சி'யின் அளவு 3% உள்ளது. அதுவே வோட்காவில் பார்க்கும் போது வைட்டமின் சி'யின் அளவு 0%. எனவே, இந்த பிரிவில் ஜின் முன்னிலை வகிக்கிறது.

மக்னீசியம்

இதயத்திற்கு வலு சேர்க்கும் மக்னீசியத்தின் அளவு ஜின்னை விட வோட்காவில் தான் அதிகம் இருக்கின்றது. ஜின்னில் 0.2%, வோட்காவில் 0.5%.

ஜிங்க் (Zinc)

நோய் எதிர்ப்பு மண்டலத்தை ஊக்குவிக்கும் ஜிங்க் சத்து ஜின்னில் 1% இருக்கின்றது. ஆனால், வோட்காவில் துளி கூட இல்லை என்பது குறிப்பிடத்தக்கது.

சோடியம்

இரத்த அழுத்தத்தை அதிகரிக்கும் சோடியத்தின் அளவு ஜின்னில் 18 மி.கி.மும், வோட்காவில் 2 மி.கி.மும் இருக்கின்றது.

கருத்து

என்னதான் அது இருக்கிறது, இது இருக்கின்றது என்றாலும், உங்கள் வீட்டில் உங்களை நம்பி தாய், தந்தை, மனைவி, பிள்ளைகள் எல்லாம் இருக்கின்றனர். அவர்கள் இவைக்கு எல்லாம் மேல் மிக மிக முக்கியமானவர்கள். எனவே, ஜின்னும் வேண்டாம், வோட்காவும் வேண்டாம். நாம் இந்தியாவின் குடிமகன்களாக மட்டும் இருப்போம் என்று கூறி வணக்கம் சொல்லி விடைப்பெறுகிறேன்.