ஆயுர்வேதத்தில் உள்ள கோமியம் தெரபி பற்றி உங்களுக்குத் தெரியுமா?

சத்துக்கள்

கோமியத்தில் வைட்டமின்களான ஏ, பி, சி, டி, ஈ போன்றவற்றுடன், தாது உப்புக்களும், நைட்ரஜன், சல்பர், பாஸ்பேட், சிலிகான், சோடியம், மாங்கனீசு, குளோரின், கால்சியம், மக்னீசியம், இரும்பச்சத்து போன்றவையும் அடங்கியுள்ளன.

கிருமிகள் அழிக்கப்படும்

பொதுவாக கோமியத்தில் சக்தி வாய்ந்த கிருமி நாசினி பொருள் உள்ளதால், இது பல்வேறு தீங்கு விளைவிக்கும் கொடிய கிருமிகளை அழித்துவிடும். அதிலும் அதனைக் குடித்தால், உடலினுள் உள்ள கேடு விளைவிக்கும் கிருமிகள் அழிக்கப்பட்டு, உடல் சுத்தமாகும்.

தோஷங்களை நீக்கும்

மனித உடலில் பித்தம், கபம், வாதம் என்னும் மூன்று தோஷங்கள் இருக்கும். இவை மூன்றும் சமநிலையில் இல்லாவிட்டால் தான், உடலில் பிரச்சனைகள் வரும். ஆனால் கோமியம் இவைகளை சமநிலையாக்கி, இதனால் உடலில் ஏற்பட்டபிரச்சனைகளைக் குணப்படுத்தும்.

ஆரோக்கியமான கல்லீரல்

கோமியம் கல்லீரலின் செயல்பாட்டினை சரிசெய்யும். அதுவும் கல்லீரல் சீராக செயல்பட்டு, இரத்தத்தை சுத்தமானதாகவும், ஆரோக்கியமானதாகவும் மாற்றி, நோய்களை எதிர்த்துப் போராடும் சக்தியை அதிகரிக்கும்.

மன அழுத்தம் குறையும்

ஒருவர் அதிக மன அழுத்தத்துடன் இருந்தால் நரம்பு மண்டலம் பாதிக்கப்பட்டு, அதனால் மூளை மற்றும் இதயம் பாதிப்பிற்குள்ளாகும். ஆனால் கோமியமானது மன அழுத்தத்தைக் குறைத்து, மூளை மற்றும் இதயம் பாதிக்கப்படாமல் பாதுகாக்கும்.

நச்சுக்களை நீக்கும்

இதுவரை உடலில் ஏற்பட்ட பிரச்சனைகளுக்கு அன்றாடம் ஒருசில மருந்து மாத்திரைகளை எடுத்து வந்திருப்போம். அப்படி தினமும் எடுத்து வரும் மருந்து மாத்திரைகளால், உடலில் நச்சுப் பொருட்கள் தேங்கி, ஒரு கட்டத்தில் நோய்களை உருவாக்கும். ஆனால் அந்த நச்சுப் பொருட்களை கோமியமானது வெளியேற்றி, உடலுக்கு பாதுகாப்பளிக்கும்.

முதுமையைத் தடுக்கும்

நம் உடலில் இளமையைப் பாதுகாக்கும் சில நுண் ஊட்டச்சத்துக்கள் இருக்கும். ஆனால் அவை நம் சிறுநீரின் வழியே வெளியேற்றப்படுவதால், வயதாக ஆக நம் இளமைத்தன்மை குறைய ஆரம்பிக்கிறது. கோமியத்தில் அனைத்தும் இருப்பதால், அதனை எடுத்து வர உடலுக்கு வேண்டிய சத்துக்கள் கிடைத்து, இளமைத்தன்மை தக்க வைக்கப்படும்.

சரும நோய்கள்

சரும நோய்களான சொறி, சிரங்கு, படை போன்றவற்றால் கஷ்டப்படுபவர்கள், கோமியத்தை பாதிக்கப்பட்ட இடத்தில் தடவி வருவதன் மூலம் நிவாரணம் கிடைக்கும்.

கொழுப்புக்கள் குறையும்

உடலில் உள்ள தேவையற்ற கெட்ட கொழுப்புக்களை கரைப்பதில் கோமியம் சிறந்தது என்கின்றனர் நிபுணர்கள். மேலும் ஞாபக சக்தி அதிகரிப்பதாகவும் கூறுகின்றனர்.

செரிமானம் மேம்படும்

செரிமான பிரச்சனை, மலச்சிக்கல் போன்றவற்றால் கஷ்டப்பட்டு வருபவர்களுக்கு கோமியம் நல்ல தீர்வை வழங்கும்.