முகத்திற்கு கீழே அசிங்கமாக தொங்கும் கொழுப்பை எப்படி கரைப்பது???

கலோரிகளை குறைக்க தொடங்குங்கள்

முகத்தின் வடிவத்தில் மரபணுவின் விளையாட்டு பெரும் பங்கு வகிக்கிறது. எனவே, உடல் எடையை குறைப்பது தான் இதற்கான முதல் தீர்வு, அதற்கு நீங்கள் முதலில் உணவில் சேர்க்கும் அதிகப்படியான கலோரிகளை குறைக்க வேண்டும். இதை சரியாக பின்பற்றினால் கழுத்தில் தொங்கிக்கொண்டிருக்கும் கொழுப்பை குறைத்து விடலாம்.

சூயிங்கம்

அதிக நேரம் சூயிங்கம் மெல்லுவது தவறான அணுகுமுறை மற்றும் உடல்நலத்தை பாதிக்கும் செயல். ஆனால், சிறிது நேரம் சூயிங்கம் மெல்லுவது என்பது உங்கள் தாடைக்கும், வாயிக்கும் ஓர் பயிற்சியாக இருக்கிறது. இதனால், தாடையின் கீழ் பகுதியில் தொங்கிக் கொண்டிருக்கும் கொழுப்பை குறைக்க இது உதவும். மேலும் இது தாடை தசையின் வலுவை அதிகரிக்கும். (குறிப்பு: நீண்ட நேரம் சூயிங்கம் மெல்லுவது உடல்நலனை பலவகையில் பாதிக்கும் என்பதை மறந்துவிட வேண்டாம்.)

முகப் பயிற்சி

முகத்தில் சேரும் கொழுப்பை குறைக்க மற்றும் முகத் தசைகளை வலுமையாக்க நிறைய பயிற்சிகள் இருக்கின்றன. இவை கழுத்து மற்றும் தாடையின் கீழ் பகுதியில் சேரும் கொழுப்பை குறைக்க பெருமளவு உதவுகிறது.

நீரேற்றம்

உடலின் நீரளவை தான் நீரேற்றம் என்று கூறுகிறோம். உடலில் நீர்வறட்சி ஏற்பட்டால் பல உடல்நல பிரச்சனைகள்ஏற்படும் அபயம் இருக்கிறது. நீங்கள் உங்கள் உடலில் நீர் அளவை சரியாக சமநிலையில் பாதுகாப்பது, உங்கள் சருமத்தில் சுருக்கம், மாற்றம் தொங்குதல் / தொய்வுற்றல் ஏற்படாமல் இருக்க உதவுகிறது. எனவே, தினமும் சீரான இடைவேளையில் மூன்று லிட்டர் நீர் பருகுவதை பழக்கத்தில் சேர்த்துக் கொள்ளுங்கள்.

தலையணை இல்லாமல் தூங்குங்கள்

இரவு உறங்கும் போது பெரிய அளவிலான தலையணையை பயன்படுத்தும் பழக்கம் இருந்தால் அதை தவிர்த்துவிடுங்கள். இது கழுத்து மற்றும் தண்டுவடம் போன்ற பகுதிகளில் அழுத்தம் ஏற்படுத்து தீயத் தாக்கத்தை ஏற்படுத்துகிறது. உறங்கும் போது தலையணை இன்றி உறங்குவது பல உடலநல பிரச்சனைகளுக்கு தீர்வளிக்கும். முக்கியமாக முதுகு, கழுத்து, இடுப்பு வலையை போக்கும்.

யோகா

யோகாவால் முடியாது என்பது எதுவுமே இல்லை. இது உங்கள் மனம், உடல் என இரண்டையும் பேணிக்காக்க உதவும் சிறந்த பயிற்சியாகும். சில ஆசனங்கள் கழுத்து, கண்ணம், தாடை போன்ற பகுதிகளில் இருக்கும் கொழுப்பை குறைக்க பயனளிக்கின்றன.