மழைக்காலத்தில் பின்பற்ற வேண்டிய டயட்!

ஜீரணம் :

பெரும்பாலான பிரச்சனை சரியாக ஜீரணம் ஆகாததால் தான் வருகிறது. பூண்டு, மிளகு, இஞ்சி,பெருங்காயம், சீரகம்,மஞ்சள் மற்றும் மல்லி போன்றவற்றை அதிகமாக சேர்த்துக் கொள்ளுங்கள். எண்ணெயில் பொறித்த உணவுகள் சாப்பிடுவதையும் தவிர்த்திடுங்கள்.

தண்ணீர் :

கண்ட இடங்களிலும் தண்ணீர் குடிப்பதை தவிர்த்துவிடுங்கள். தண்ணீரை கொதிக்க வைத்து குடித்துப் பழகுங்கள். அதே போல உணவுகளில் அதிகப்படியான உப்பு சேர்ப்பதை தவிர்த்திடுங்கள்.அதே போல ரோட்டோரக் கடைகளிலிருந்து ஜூஸ் குடிப்பதையும் தவிர்த்திடுங்கள்.

அசைவம் :

அசைவம் உணவு உட்கொள்கிறவர்கள் லைட்டான உணவுகளை எடுத்து கொள்ளலாம். மீன்,நண்டு போன்றவற்றை சாப்பிடும் போது கவனமாக இருக்க வேண்டும். அதிக கலோரி இருக்கும் கறிகளை தவிர்த்திடுங்கள்.

சாப்பிடலாம் :

சூடான உணவுகளை அதிகம் எடுத்துக் கொள்ளுங்கள். காய்கறிகளை பச்சையாக சாப்பிடுவதை தவிர்த்திடுங்கள். நன்றாக வேக வைத்து சமைத்தப் பின்னரே சாப்பிட வேண்டும். ஏனென்றால் இவை அஜீரணத்தை ஏற்படுத்திடும்.

கீரைகள் :

மழைக்காலங்களில் முடிந்தளவு கீரைகளை தவிர்த்திடுங்கள். மழைக்காலத்தில் தான் அதில் பாக்டீரியா தொற்று ஏற்படும் என்பதால் அதனை தவிர்ப்பது நன்று. கீரைகளை தவிர்த்து, முட்டைகோஸ், காலிஃபிளவர் போன்றவற்றையும் சாப்பிடுவதை தவிர்த்திடுங்கள்.