உங்கள் இதயத்துடிப்பை பாதிக்கும் காரணிகள் பற்றி உங்களுக்கு தெரியுமா?

உடலின் வெப்ப நிலை :

கோடை காலத்தில் அல்லது வெப்பமான பகுதிகளில் இதயத்துடிப்பு அதிகரிக்கும். சாதரணமாக உடலின் வெப்ப நிலை 98டிகிரிதான். உடலில் வெப்பம் அதிகரிக்கும்போது இதய துடிப்பும் மாறுபடும். சாதரண இதயத்துடிப்பை விட அதிகம் துடிக்கும்

உணவு சாப்பிட்ட பின் :

உணவு சாப்பிட்ட பின் இதயம் ரத்தத்தை சிறுகுடல் மற்றும் இரைப்பை நோக்கி செலுத்துவதால் இதயத்துடிப்பு அதிகரிக்கும். அதிய உணவு சாப்பிட்டதும் வேகமான இதயத்துடிப்பின் நேரமும் அதிகரிக்கும்.

உடற்பயிற்சியின்போது :

உடற்பயிற்சியின்போது இதயம் அதிக ஆக்ஸிஜனை உட்கிரகிப்பதற்காககவும் கார்பன்டை ஆக்ஸைடை வெளியேற்றவும் தனது துடிப்பை அதிக்கரிக்கச் செய்கின்றது. நீர்சத்து குறைந்தாலும் இதயத் துடிப்பு அதிகரிக்கும்.

வயது :

குழந்தைகளுக்கு இருமடங்கு இதயத்துடிப்பு உண்டாகும். வயது அதிகரிக்கும்போது, முதுமைஅடையும் போது இதயத் துடிப்பு குறைந்துவிடும்.

பாலினம் :

பெண்களுக்கு ஆண்களை விட அதிக இதயத்துடிப்பு இருக்கும். ஹார்மோன் சம நிலை செய்வதற்காகவும், வளர்சிதை மாற்றத்தை அதிகப்படுத்தவும் இதயத் துடிப்பு ஆண்களை விட பெண்களுக்கு அதிகமாக இருக்கும்.

காஃபி, தேநீர் :

காஃபி மற்றும் தே நீர் நரம்பு மண்டல்த்தை தூண்டுவதால் இதயத்துடிப்பின் வேகமும் அதிக்கரிக்கின்றது. இவையோடு கோகோ கலந்த உணவுப் பொருட்களும் அட்ரினல் சுரப்பியை தூண்டுகிரது. இந்த சுரப்பியே இதயத் துடிப்பு அதிகரிக்க காரணமாகும்.