நுரையீரலில் இருக்க கூடிய சளியை வெளியேற்ற இதில் ஏதாவது ஒன்றையாவது தொடர்ந்து சாப்பிடுங்கள்!

வெங்காயம்

நுரையீரலில் சேர கூடிய சளியை விரட்ட பலவித வழிகள் இருந்தாலும் அவற்றில் மிக எளிமையான வழி இது தான். சாப்பிட கூடிய உணவில் போதுமான அளவுக்கு வெங்காயத்தை சேர்த்து கொண்டாலே நுரையீரலில் இருக்க கூடிய சளி நீங்கி விடும். அத்துடன் சளி உற்பத்தி ஆவதையும் வெங்காயம் தடுத்து விடும் என ஆய்வுகள் கூறுகின்றன.

தேன்

நுரையீரல் மற்றும் சளியினால் உண்டாக கூடிய பாதிப்புகளை முழுவதுமாக தடுக்கும் தன்மை தேனிற்கு உள்ளதாம். சளியை முற்றிலுமாக உடலில் இருந்து நீக்கும் தன்மை தேனில் இருப்பதாக ஆய்வுகள் தெரிவிக்கின்றன. ஆதலால், நுரையீரல் ஆரோக்கியத்தை மேம்படுத்த தேன் சிறப்பான தேர்வாகும்.

பூசணி

உடலில் நோய் தொற்றுக்களை தடுத்து நிறுத்தும் தன்மை இதற்குண்டு. குறிப்பாக நுரையீரலில் உற்பத்தி ஆக கூடிய சளியை நீக்கி, சைனஸ் போன்ற பாதிப்புகளில் இருந்து நம்மை காக்கும். கூடவே எதிர்ப்பு சக்தியை பல மடங்கு அதிகரிக்குமாம்.

இஞ்சி

உணவில் எந்த அளவிற்கு இஞ்சியை சேர்த்து கொள்கிறோமோ அந்த அளவிற்கு இதன் தாக்கம் சிறப்பாக இருக்கும். அதாவது, இஞ்சியில் சளியை ஒழித்து கட்டும் திறன் உள்ளது. அத்துடன் எதிர்ப்பு சக்தியை இரட்டிப்பாக்கும் தன்மையும் இதில் உள்ளதாம். ஆகவே இஞ்சியை அதிக ழ்வில் சேர்த்து கொள்வது சிறந்தது.

ஒமேகா 3 கொழுப்பு அமிலங்கள்

கொழுப்பு அமிலங்கள் கொண்ட உணவுகளை வாரத்திற்கு 3 முறையாவது உணவில் சேர்த்து கொள்வது சிறந்தது. காரணம் இவற்றில் இருக்க கூடிய அளவுக்கு அதிகமான ஊட்டச்சத்துக்களும், தாதுக்களும் தான். மேலும், இவை நுரையீரலில் ஏற்பட கூடிய சளியை நீக்க கூடிய தன்மை கொண்டது.

மஞ்சள்

சிறந்த மருத்துவ குணம் கொண்ட உணவுகளில் மஞ்சளும் ஒன்று. அன்றாடம் மஞ்சளை உணவில் சிறிதளவு சேர்த்து வந்தாலே நுரையீரல் பிரச்சினைகள் உண்டாகாது.

அத்துடன் சளியை உண்டாக்கும் கிருமிகளையும் இது கொல்லும். கூடவே சுவாச குழாயில் உண்டாக கூடிய பாதிப்புகளும் இதனால் தடைப்படும்.

காரசார உணவுகள்

சாப்பிட கூடிய உணவில் அதிக அளவில் காரத்தை சேர்த்து கொண்டால் மிக எளிதாக நம்மால் சளியை தடுத்து விடலாம். காரணம் காரசார உணவுகளில் சேர்க்கப்படும் மிளகாய் தான். இதில் கேப்சைசின் என்கிற முக்கிய மூல பொருள் உள்ளதால் சளியை விரட்டி அடித்து விடும்.

அன்னாச்சி

செரிமான கோளாறு முதல் சளி தொல்லை வரை அண்ணாச்சி உதவும் என ஆய்வாளர்கள் கூறுகின்றனர். இவை சளியின் உற்பத்தியை தடை செய்து ஆரோக்கியமான சூழலை தரும். கூடவே உடல் நலத்தையும் பாதுகாக்கும்.

இயற்கை எண்ணெய்கள்

இயற்கை முறையில் தயாரிக்கும் எண்ணெய் வகைகள் பல நமது ஆரோக்கியத்தை அதிகரிக்க கூடியவை. நெஞ்சு பகுதியில் இருக்கும் சளியை முற்றிலுமாக போக்க யூகலிப்டஸ் மற்றும் புதினா எண்ணெய் சிறந்த தீர்வாக இருக்கும்.

இவற்றை வெந்நீரில் கொஞ்சம் கலந்து ஆவி பிடித்தும் வரலாம். இதனால் நுரையீரலில் தேங்கி உள்ள சளி வெளியேறி விடும்.