வயிற்றுப் போக்கை உண்டாக்கும் உணவுகள் எவை தெரியுமா?

மாற்றுச் சர்க்கரை :

குளுகோஸிற்கு பதிலாக பயன்படுத்தும் செயற்கை இனிப்புகள் சுக்ரோஸ், சார்பிடால் கலந்த இனிப்பு வகைகள் உங்கள் குடலில் அதிக நெகிழ்வுத்தன்மையை உண்டாக்கிவிடும். இதனால் வயிற்றுப் போக்கு உண்டாகக் கூடும்.

காஃபி :

சிலர் காஃபி குடித்ததும் டாய்லெட்டிற்கு போவதை கவனித்திருக்கிறீர்களா? இதர்கு காரணம் காஃபைன் குடலில் இறுக்கத்தை அதிகம் உண்டாக்குகிறது. இதனால் வயிற்றுப் போக்கு உண்டாகும். அடிக்கடி காஃபி குடித்தால் மலச்சிக்கலை இலகுவாக்காது. மாறாக வயிற்றுப் போக்கை ஏற்படுத்தும்.

மது :

மது உங்கள் குடல்களில் எரிச்சலை உண்டாக்கும். இது ஜீரண மண்டலத்தை மிகவும் துரிதப்படுத்துகிறது. இது உடலுக்கு நலதில்லை. ஆகவேதான் வயதனவர்களுக்கு அடிக்கடி வயிற்றுப் போக்கு வருவதற்கு மதுவும் காரணமாகும்.

பால் பொருட்கள் :

உங்களுக்கு லாக்டோஸ் ஒவ்வாமை இருந்தால் பால் மற்றும் பால் சார்ந்த பொருட்களை உன்ணும்போது வயிற்றுப் போக்கு உண்டாகும்.

கோதுமை மற்றும் பார்லி உணவுகள்

கோதுமையிலுள்ள குளுடன் சிலருக்கு அலர்ஜியை உண்டாக்கும். அது ஒரு வகை புரதமாகும். இது உடலில் ஒவ்வாமையை உண்டாக்கி வயிற்றுப் போக்கை உண்டு பண்ணிவிடும்.

நார்சத்து உணவுகள் :

நார்சத்து உணவுகள் நல்லதுதான். ஆனால் அளவுக்கு மீறிய நார்சத்து கொண்ட உணவுகள் குடல்களில் அதிக நெகிழ்வுத்தன்மையை உண்டாகி வயிற்றுப் போக்கை தந்துவிடும். உங்களுக்கும் இந்த அனுபவம் இருந்திருக்கலாம்.

துரித உணவுகள் :

துரித உணவுகளில் இருக்கும் கொழுப்பு எளிதில் ஜீரணிக்க முடியாதுதான். அதே சமயம் அவற்றின் பசைத்தன்மை குடல்களில் ஒட்டிக் கொண்டு எதிரியாக மாறிவிடும். இதனை தொடர்ந்து ஒவ்வாமை வயிற்றுப் போக்கு உண்டாகும்.