ஆர்த்ரைடிஸ் உருவாக காரணமான உணவுகளைப் பற்றி தெரியுமா? எச்சரிக்கையாக இருங்கள்!!

தக்காளி :

சமீபத்திய ஆராய்ச்சியில் சிவப்பு நிற உணவுகள் குறிப்பாக தக்காளி மூட்டுகளில் உண்டாகும் பாதிப்பான கௌட்( Gout ) உருவாகக் காரணம் என்று தெரிய வந்துள்ளது.

காரணம் இவை அதிக யூரிக் அமிலத்தை உண்டு பண்ணுகின்றன. அவை மூட்டை பாதிக்கின்றன.

சோயா எண்ணெய் மற்றும் சூரிய காந்தி எண்ணெய் :

உங்களுக்கு ஒமேகா3 கொழுப்பு அமிலம் தெரிந்திருக்கும். அது போல் ஓமேகா- 6 கொழுப்பு அமிலங்கள் பற்றி தெரியுமா?

இவை அதிகம் சோயா சோயா எண்ணெய் , பருத்தி எண்ணெய், சூரிய காந்தி எண்ணெய் ஆகிய்வற்றில் இருக்கிறது.

அமெரிக்காவில் ஒமேகா- 3 உணவுகளை விட ஒமேகா-6 உணவுகளை 25 மடங்கு அதிகம் எடுத்துக் கொள்கின்றனர்.

இதனால் 10ல் ஒருவருக்கு ஆஸ்துமா, மூட்டு வாதம் வருவதாக சொல்கிறார்கள்.

முட்டை மற்றும் இறைச்சி :

முட்டையின் மஞ்சள் கரு மற்றும் இறைச்சியிலும் இந்த ஒமேகா-6 கொழுப்பு அமிலம் உள்ளது. இவைகளும் மூட்டு பாதிப்பு இருப்பவர்கள் எடுத்துக் கொண்டால் பாதிப்பு உண்டாகும் எனக் கூறுகின்றனர்.

குளிர்பானங்கள் :

சோடா கலந்த இனிப்பு குளிர்பானங்கள் சர்க்கரை வியாதி மட்டும் தரவில்லை. ஆர்த்ரைடிஸ் பாதிப்பையும் தருகிறது.

இவற்றிலுள்ள இனிப்பினால் "சைட்டோகைன் " என்ற அலர்ஜியை உண்டாக்கும் செல்கள் அதிகரிக்கின்றன. இவை மூட்டுகளை தாக்கி , கௌட் போன்ற பாதிப்பை உண்டாக்குகின்றன.

பதப்படுத்தப்பட்ட மீன் :

மீன்கள் கெட்டுப்போகாமலிருக்க அதன் மீது பூசப்படும் ரசாயனங்களும் கோழி இறைச்சிகளும் யூரிக் அமிலத்தை அதிகரிக்கின்றன.

இவை மூட்டு இணைப்புகளில் தங்கி ஆர்த்ரைடிஸை உண்டாக்குகின்றன.