பண்டிகை காலங்களில் நல்லா சாப்புட்டு வெயிட் அதிகமாகிடும்னு பயப்படுறீங்களா? அப்ப இத பண்ணுங்க!

உங்கள் இலக்கில் கவனம் செலுத்துங்கள்

உங்கள் இலக்குகளை மறந்துவிட்டு, இனிப்புகள் மற்றும் சுவையூட்டிகளில் மனமில்லாமல் ஈடுபடுவதற்குப் பதிலாக, இனிப்பு உட்கொள்ளலைக் கட்டுப்படுத்துவதில் கவனம் செலுத்த வேண்டும். பண்டிகைகளைச் சுற்றி ஒரு புதிய இலக்கை வைத்திருப்பது நம் மனதை உணவில் இருந்து நம் ஆரோக்கியத்திற்குத் திருப்ப உதவும். எல்லாவற்றிற்கும் மேலாக உங்கள் மனதை கட்டுப்படுத்தி, உணவு கட்டுப்பாடோடு இருங்கள்.

வேண்டாம் என்று சொல்ல கற்றுக்கொள்ளுங்கள்

உங்கள் குடும்பத்தினர் மற்றும் நண்பர்களை நீங்கள் சந்திக்கும் போது வழங்கப்படும் அனைத்து வகையான உணவுகளையும் வேண்டாம் என்று சொல்வது மிகவும் சங்கட்டமாக இருக்கலாம். ஆனால், வேண்டாம் என்று சொல்ல கற்றுக்கொள்ளுங்கள். அப்படி சொல்லவில்லையென்றால், உங்கள் எடை இழப்பு இலக்கு பாதிக்கப்படும். இதை மிகவும் தந்திரமாக நீங்கள் கையாள வேண்டும். சாப்பிடச் சொன்னால், 'வேண்டாம்' என்று சொல்வதற்குப் பதிலாக, அவர்கள் கொடுத்ததைச் சிறிது சிறிதாக எடுத்துக் கொள்ள முயற்சி செய்யுங்கள்.

உணவை திட்டமிடுங்கள்

நீங்கள் எங்காவது தீபாவளி விருந்து அல்லது சில உறவினர்கள் வீட்டிற்கு செல்ல வேண்டி இருந்தால், அதற்கேற்ப உங்கள் முழு நாள் உணவைத் திட்டமிடுங்கள். மீதமுள்ள உணவில் இருந்து உங்கள் உணவைக் குறைக்கவும், இதனால் இரவில் சில கலோரிகள் சேமிக்கப்படும். அதிகமாக சாப்பிடாமல், அளவாக சாப்பிட வேண்டும் என்பதில் உறுதியாக இருங்கள்.

நீரேற்றமாக இருங்கள்

போதுமான அளவு தண்ணீர் குடிப்பதால் மனநிறைவு ஏற்படும். சோடாக்கள் மற்றும் சர்க்கரை பானங்களை எடுத்துக்கொள்ளாமல், தண்ணீரை அடிக்கடி பருகுங்கள். இது உங்கள் உணவில் கார்போஹைட்ரேட்டுகளை உட்கொள்வதைக் குறைக்கும். இது உங்கள் எடை இழப்பு இலக்குகளை அடைய உதவும்.

நடைபயிற்சிக்கு செல்லுங்கள்

இந்த நேரத்தில் உடற்பயிற்சிகள் செய்வது உங்களுக்கு கடினமாக இருக்கலாம். அதனால், நீங்கள் நடைப்பயிற்சியை மேற்கொள்ளலாம். நீங்கள் போதுமான நடைபயிற்சி செய்கிறீர்கள் என்பதை உறுதிப்படுத்திக் கொள்ளுங்கள். ஒவ்வொரு 2 மணி நேரத்திற்கும் ஒருமுறை 15 நிமிடங்கள் நடப்பது, லிஃப்ட்களுக்குப் பதிலாக படிக்கட்டுகளில் ஏறுவது, மளிகைப் பொருட்களுக்காக அருகிலுள்ள கடைக்கு நடப்பது அல்லது ஷாப்பிங் செய்வது போன்ற வழக்கமான சில மாற்றங்கள் மிகவும் நேர்மறையான முடிவுகளைக் கொண்டு வரும்.

போதுமான புரதம் சாப்பிடுங்கள்

நீங்கள் வேலை செய்யாவிட்டாலும் போதுமான புரதத்தை எடுத்துக்கொள்கிறீர்கள் என்பதை உறுதிப்படுத்திக் கொள்ளுங்கள். புரதம் நம்மை முழுதாக உணர வைக்கிறது. எனவே உங்களுக்கு பிடித்த உணவின் மீதான பசியை சமாளிப்பது எளிதாக இருக்கும். இதனால், நீங்கள் அதிக உணவையோ இனிப்புகளையோ சாப்பிட மாட்டீர்கள்.