Just In
- 21 min ago Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- 1 hr ago சர்க்கரை நோயாளிகள் சிக்கன் சாப்பிடலாமா? அப்படி சாப்பிட்டா என்ன நடக்கும் தெரியுமா? எப்படி சாப்பிடணும் தெரியுமா?
- 1 hr ago புடவை கட்டினால் புற்றுநோய் வருகிறதாம்.. ஆய்வுகள் கூறும் அதிர்ச்சி தகவல்..!
- 2 hrs ago வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா?
Don't Miss
- News ‛‛குழந்தைகளை தண்டிக்க கூடாது’’.. NCPCR ரூல்ஸ்ஸை அமல்படுத்த பள்ளி கல்வித்துறைக்கு ஐகோர்ட் உத்தரவு
- Automobiles இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- Technology ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்?
- Movies தங்கலான் திரைப்பட இசை..ஜிவி பிரகாஷ் என்ன சொல்றாரு பாருங்க.. சம்பவம் இருக்காம்
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
இந்த உணவுகளை ஒன்னா சாப்பிடுவதால் தான் தொப்பை பானை மாதிரி வருது தெரியுமா?
எந்த உணவுகளை ஒன்றாக உட்கொண்டால், அவை எடை அதிகரிப்புக்கு வழிவகுக்கும் என்பதை உங்களுக்காக கொடுத்துள்ளது. அதைப் படித்து தெரிந்து, அந்த தவறை நீங்களும் செய்து வந்தால், உடனே அதை நிறுத்துங்கள்.
நீங்கள் உடல் எடையைக் குறைக்கும் முயற்சியில் ஈடுபட்டிருந்தும், உங்களின் உடல் எடை குறையவில்லையா? என்ன தான் ஆரோக்கியமான உணவுகளை உட்கொண்டு வந்தாலும், உடல் எடையைக் குறைக்க முடியவில்லையா? உடனே மனதை தளரவிடாமல், அதற்கான காரணத்தைக் கண்டறிய முயலுங்கள். ஒருவர் ஆரோக்கியமான உணவுகளை உட்கொண்டு வந்தும், உடல் எடை குறையாமல் இருந்தால், அதற்கு உணவுகளை தவறான உணவுகளுடன் இணைத்து சாப்பிடுவதும் ஓர் காரணம். என்ன தான் இரண்டும் ஆரோக்கியமான உணவுகளாக இருந்தாலும், ஒன்றையொன்று பூர்த்தி செய்யவில்லை என்றால், அவை செரிமான பிரச்சனைகளுக்கு வழிவகுத்த, தொப்பை மற்றும் ஒட்டுமொத்த எடை அதிகரிப்பிற்கு வழிவகுக்கும். ஆனால் இதுக் குறித்து பெரும்பாலான மக்களுக்கு தெரிவதில்லை.
எனவே தமிழ் போல்ட் ஸ்கை எந்த உணவுகளை ஒன்றாக உட்கொண்டால், அவை எடை அதிகரிப்புக்கு வழிவகுக்கும் என்பதை உங்களுக்காக கொடுத்துள்ளது. அதைப் படித்து தெரிந்து, அந்த தவறை நீங்களும் செய்து வந்தால், உடனே அதை நிறுத்துங்கள்.
ஸ்நாக்ஸ்களுடன் டீ
நம் அனைவரது தினசரி வழக்கங்களில் டீ குடிக்கும் போது ஸ்நாக்ஸ் சாப்பிடுவதும் ஒன்றாக இருக்கும். ஆனால் இது நமது எடை இழப்பு முயற்சிக்கு தடையாக இருக்குமா என்று நீங்கள் யோசித்ததுண்டா? நிச்சயம் இருக்கும். டீயில் டானின்கள் மற்றும் காஃப்பைன் இரண்டும் உள்ளது. இவற்றை உணவுகளுடன் சேர்த்து உட்கொள்ளும் போது, இரும்புச்சத்தை உறிஞ்சுவதில் தடையை ஏற்படுத்தி, வயிற்று உப்புசம் மற்றும் அசிடிட்டி போன்ற பிரச்சனைகளுக்கு வழிவகுக்கும்.
பானங்களுடன் பழம்
பெரும்பாலான மக்கள் காலை உணவிற்கு பின் பசிக்கும் போது பழங்களை சாப்பிடுவார்கள். மேலும் பழங்களை சாப்பிட சிறந்த நேரமும் இது தான் என்று உடல்நல நிபுணர்களும் கூறுகிறார்கள். ஆனால் இதே வேளையில் தான் பலரும் காபி, டீ-யை குடிக்கிறார்கள். பழங்களை காபி, டீ அல்லது இளநீருடன் உட்கொண்டால், அது செரிமான மண்டலத்தை குழப்பிவிடும். எனவே இவை இரண்டையும் அடுத்தடுத்து உடனே சாப்பிடுவதை தவிர்த்திடுங்கள்.
சப்பாத்தி மற்றும் சாதம்
சப்பாத்தி மற்றும் சாதம் ஆகிய இரண்டுமே இந்தியாவின் பிரதான உணவுகளாகும். ஆனால் சப்பாத்தி மற்றும் சாதத்தை ஒரே வேளையில் சாப்பிடுவது நல்லதல்ல. ஏனெனில் இவை இரண்டுமே அதிக கிளைசீமிக் இன்டெக்ஸ் கொண்டது. எனவே இவை இரண்டையும் ஒரே வேளையில் ஒன்றாக சாப்பிடக்கூடாது.
ஒரே வேளையில் ஒன்றிற்கு மேற்பட்ட புரோட்டீன் உணவுகள்
அளவுக்கு அதிகமான புரோட்டீனை ஜீரணிப்பது கடினமாக இருக்கும். எனவே புரோட்டீன் அதிகம் கொண்ட இரண்டு உணவுகளை ஒன்றாக சாப்பிட்டால், அது செரிமான பிரச்சனைகளை ஏற்படுத்திவிடும். ஆகவே தால் மற்றும் தயிர், பன்னீர் மற்றும் தால், சோயாபீன் மற்றம் தால், சிக்கன் மற்றும் தால் போன்ற புரோட்டீன் உணவுச் சேர்க்கைகளைத் தவிர்த்திடுங்கள்.
உணவுக்கு பின் இனிப்பு
ஏற்கனவே வயிறு நிறைய உணவு உண்டு நிறைந்திருக்கும். இந்நிலையில் இனிப்புக்களையும் சாப்பிட்டால், அது செரிமான மண்டலத்திற்கு அதிக அழுத்தத்தைக் கொடுக்கும். எனவே வயிறு நிறைய உணவு உண்ட பின் உடனே இனிப்புக்களை சாப்பிடாமல், சிறிது நேரம் இடைவெளி கொடுங்கள்.
பால் மற்றும் உப்பு
பாலில் எலுமிச்சை சாற்றினை சேர்த்தால் என்ன நடக்கும்? அது திரிந்துவிடும் அல்லவா. அப்படியானால் பால் சார்ந்த பானங்களை உட்கொண்டதும், உப்பு நிறைந்த உணவுகளை உட்கொண்டால், உடலில் என்ன நடக்கும் என்பதை சற்று கற்பனை செய்து பாருங்கள். எனவே இந்த உணவுச் சேர்க்கைகளையும் தவிர்த்திடுங்கள்.
தக்காளி மற்றும் உருளைக்கிழங்கு
இந்த உணவுச் சேர்க்கை நிச்சயம் அதிர்ச்சியைத் தரும். நாம் பெரும்பாலும் உருளைக்கிழங்கு மசாலா செய்வதற்கு தக்காளியையும் பயன்படுத்துவோம். ஆனால் ஊட்டச்சத்து நிபுணரின் கூற்றுப்படி, தக்காளியை மாவுச்சத்து நிறைந்த உணவுகளுடன் சேர்த்து உட்கொண்டால், அது தொப்பையை அதிகரிக்கும். எனவே நீங்கள் தொப்பை மற்றும் உடல் பருமனைக் குறைக்க போராடி வந்தால், இதைத் தவிர்ப்பது நல்லது.