பண்டிகை காலங்களில் இந்த விஷயங்கள நீங்க ஃ பாலோ பண்ணாததால தான் உங்க எடை அதிகரிக்குதாம்...!

இனிப்புகளை ஆர்டர் செய்யாதீர்கள்

ஆரோக்கியமான இனிப்புகள் என்று நீங்கள் பல இனிப்புகளை ஆர்டர் செய்யலாம். இதனால் நீங்கள் அதிகமான இனிப்புகளை சாப்பிட முனைகிறீர்கள். நீங்கள் சாப்பிடுவதில் சர்க்கரை அல்லது பசையம் அதிகம் இல்லை என்று மனதளவில் நிம்மதியடைகிறீர்கள். ஆனால் நீங்கள் சாப்பிட வேண்டியதை விட அதிகமாக சாப்பிடுகிறார்கள் என்பதை உணரவில்லை. எனவே கெட்டோ டெசர்ட் அல்லது குறைந்த கலோரி இனிப்புகளை சாப்பிடுவதற்கு பதிலாக ஒரு மோட்டிச்சூர் லட்டு அல்லது ஒரு துண்டு மித்தாயை சாப்பிடுவது நல்லது.

விருந்துக்கு முன் உண்ணாவிரதம் இருக்காதீர்கள்

இது ஒரு பெரிய தவறு. நீங்கள் விருந்துக்கு முன் உண்ணாவிரதம் இருக்கும்போது, நீங்கள் மிகவும் பசியுடன் இருப்பீர்கள். மேலும் அதிகமாக சாப்பிடுவீர்கள், இதன் மூலம் உங்கள் உடல் அமைப்புகள் அதிக வேலை செய்ய வேண்டியிருக்கும். 20 மணிநேரம் உண்ணாவிரதம் இருந்துவிட்டு, மீதமுள்ள 4 மணிநேரங்களில் சாப்பிடுவது, செரிமானப் பிரச்சனையை ஏற்படுத்தும். இது மிகவும் ஆரோக்கியமற்றது. மேலும், இது அமிலத்தன்மைக்கு வழிவகுக்கும்.

குற்ற உணர்வை ஒதுக்கி வையுங்கள்

இன்று நாம் விருந்தைக் குற்ற உணர்வோடு தொடர்புபடுத்த ஆரம்பித்துவிட்டோம். பண்டிகை உணவை உண்டு மகிழுங்கள். ஓரிரு நாட்கள் சாப்பிட்டால் உடல் எடை அதிகரிக்காது. இந்த வருடம் முழுவதும் நீங்கள் என்ன செய்கிறீர்களோ அதுதான் நீங்கள் எடை கூடுவீர்களா அல்லது குறைப்பீர்களா என்பதைத் தீர்மானிக்கிறது. இந்த சில நாட்கள் கொண்டாட்டங்களால் மட்டும் உங்கள் உடல் எடை அதிகரிக்காது. மன நிறைவோடு அளவாக சாப்பிடுங்கள்.

இடைப்பட்ட சிற்றுண்டிகளை மறந்துவிடாதீர்கள்

மக்கள் தங்கள் பண்டிகை காலங்களில் இரவு உணவை மிகவும் ஆவலுடன் எதிர்பார்க்கிறார்கள். அவர்கள் இடையில் சாப்பிட வேண்டிய சிற்றுண்டியை மறந்துவிடுகிறார்கள். சிற்றுண்டியை தவிர்ப்பதால், இது அவர்களை அதிகமாக சாப்பிட வைக்கிறது. மேலும், உங்களை நீரேற்றமாக வைத்துக்கொள்ளுங்கள் மற்றும் அதீத பசி உணர்வுகளை தவிர்க்க இடையில் சிற்றுண்டியை எடுத்துக்கொள்ளுங்கள்.

நடனமாடி மகிழுங்கள்

பண்டிகையை கொண்டாடுவதற்கு பொருத்தமான வழிகளைக் கண்டறியவும். உங்கள் குடும்பத்துடன் நல்ல இசை மற்றும் நடனம் ஆடி மகிழ்ச்சியாக இந்த பண்டிகையை கொண்டாடுங்கள். தீபாவளி என்பது தனியாக சாப்பிடுவது அல்ல, நீங்கள் விரும்பும் நபர்களுடன் மகிழ்ச்சியாக நேரத்தை செலவிடுவது!