ஒருவரது உடல் எடையைக் குறைக்க உதவி புரியும் பழங்கள்!

ஆப்பிள்

உணவுகளின் இடைவெளியில் ஏற்படும் பசியுணர்வைக் கட்டுப்படுத்த வேண்டுமானால், ஆப்பிளை சாப்பிடுங்கள். ஆப்பிளில் நார்ச்சத்து, வைட்டமின் ஏ மற்றும் நீர்ச்சத்து போன்றவை அதிகளவில் உள்ளது. ஆப்பிளை சாப்பிட்டால், இது நீண்ட நேரம் பசி எடுக்காமல் தடுக்கும் மற்றும் அளவுக்கு அதிகமாக உணவு உண்பதையும் தடுக்கும்.

அவகேடோ

உடல் எடையைக் குறைக்க உதவும் சிறப்பான பழங்களுள் ஒன்று அவகேடோ. இந்த பழத்தில் ஒமேகா-9 கொழுப்பு அமிலங்கள் ஏராளமான அளவில் உள்ளது. இந்த பழம் கொழுப்புக்களைக் கரைக்கும் மற்றும் உடலின் மெட்டபாலிசத்தை வேகப்படுத்தி, ஆற்றலை மேம்படுத்தும். மேலும் இப்பழத்தில் பல்வேறு ஆரோக்கிய நன்மைகளும் நிறைந்துள்ளன. ஆகவே இந்த பழத்தை தினமும் ஒன்று சாப்பிட முயற்சி செய்யுங்கள். இதனால் இது உடல் எடையை வேகமாக குறைக்க உதவும். அவகேடோ பழத்தை அப்படியே சாப்பிட முடியாது என்பதால், அதை மில்க் ஷேக் வடிவில் வேண்டுமானாலும் எடுக்கலாம்.

பெர்ரிப் பழங்கள்

பெர்ரிப் பழங்களான ப்ளூபெர்ரி, ஸ்ட்ராபெர்ரி, கிரான்பெர்ரி, ராஸ்ப்பெர்ரி போன்றவற்றில் கார்போஹைட்ரேட் மிகவும் குறைவு. இப்பழங்கள் உடலில் இருந்து டாக்ஸின்களை வெளியேற்றுவதில் சிறப்பானவைகளாகும். மேலும் இவை குடலியக்கத்திற்கு மற்றும் செரிமானத்திற்கு நல்லது. ப்ளுபெர்ரிப் பழங்களில் ஆன்டி-ஆக்ஸிடன்ட்டுகள் அதிகம். இப்பழம் கொழுப்புச் செல்களை எதிர்க்கும். அதிலும் ஸ்ட்ராபெர்ரி பழங்கள் அடிகோநெக்டின் மற்றும் லிப்தின் போன்ற ஹார்மோன்களின் உற்பத்தியை ஊக்குவித்து, கொழுப்புக்களை எரிக்க உதவுவதோடு, மெட்டபாலிசத்தையும் மேம்படுத்தும்.

வாழைப்பழம்

வாழைப்பத்தில் கரையக்கூடிய ஸ்டார்ச்சுகள் அதிகம் உள்ளது. வாழைப்பழத்தில் வைட்டமின் பி6 அதிகம் உள்ளது. இது நோயெதிர்ப்பு சக்தியை மேம்படுத்த உதவுவதோடு, இதய நோய்களின் அபாயத்தையும் குறைக்கும். மேலும் ஒரு வாழைப்பழத்தை சாப்பிட்டாலே வயிறு நிறைந்த உணர்வைப் பெறக்கூடும். அதிலும் ஒரு வாழைப்பழத்தை சாப்பிட்ட பின் ஒரு டம்ளர் நீரைக் குடித்தால், கண்ட உணவுகளின் மீது ஆசையே வராது. வாழைப்பழம் கொழுப்புக்களை வேகமாக கரைப்பதால், உடலுக்குத் தேவையான ஆற்றலை உடனடியாக வழங்கும்.

கிரேப்ஃபுரூட்

சமீபத்திய பல ஆய்வுகளில், கிரேப்ஃபுரூட்டை தினமும் உட்கொண்டு வந்தவர்கள், இப்பழத்தை சாப்பிடாதவர்களை விட அதிக அளவில் உடல் எடையைக் குறைந்திருப்பது தெரிய வந்துள்ளது. இந்த பழத்தில் கார்போஹைட்ரேட்டுகள் அதிகம். எனவே இதை காலை உணவின் போது எடுப்பது சிறப்பானது.

கிவி

கிவி இனிப்பு மற்றும் புளிப்பு கலந்த மிகவும் சுவையான பழம். இந்த பழத்தில் நார்ச்சத்து ஏராளமாக உள்ளதால், இது உடல் எடையைக் குறைக்க உதவி புரியும். கிவிப் பழத்தில் உள்ள கருப்பு விதைகளில் கரையாத நார்ச்சத்துக்கள் அதிகம் உள்ளது. இப்பழம் செரிமானத்தை சீராக்க உதவும். கிவியில் உள்ள கரையக்கூடிய நார்ச்சத்து, நீண்ட நேரம் பசி எடுக்காமல் வயிற்றை நிரப்பி வைத்திருக்கும். இதனால் எடையைக் குறைக்க நினைப்போருக்கு இது சிறந்த பழமாக கருதப்படுகிறது.

எலுமிச்சை

எடையைக் குறைப்பதற்கு எலுமிச்சை மற்றும் தேன் கலவை சிறப்பான ஒன்றாகும். எலுமிச்சை உடல் எடையைப் பராமரிக்க உதவும் பழம் மற்றும் இதில் வைட்டமின் பி, ரிபோஃப்ளேவின் மற்றும் கனிமச்சத்துக்களான மக்னீசியம் மற்றும் பாஸ்பரஸ் நிரம்பியுள்ளது. இப்பழத்தில் வைட்டமின் சி சத்தும் அதிகம் உள்ளது. எனவே இந்த எலுமிச்சம் பழத்தை சாறு எடுத்து அதிகாலையில் வெதுவெதுப்பான நீருடன் சேர்த்து தேன் கலந்து வெறும் வயிற்றில் குடித்து வந்தால், உடல் எடை வேகமாக குறைவதோடு, உடலும் சுத்தமாக இருக்கும்.

ஆரஞ்சு

ஆரஞ்சு பழத்தில் நீர்ச்சத்து அதிகமாகவும், கலோரிகள் குறைவாகவும் உள்ளது. இது உடல் எடையைக் குறைக்க நினைப்போருக்கு சிறப்பான பழம் எனலாம். இது ஒருவரது பசியுணர்வைக் கட்டுப்படுத்துவதோடு, உடல் எடையைக் குறைக்கவும் உதவும். இந்த பழத்தை அன்றாட டயட்டில் சேர்த்து வந்தால், உடல் எடையில் நல்ல மாற்றத்தை விரைவில் காண முடியும்.

மாதுளை

மாதுளையின் விதைகள் உடல் எடையைக் குறைக்க பெரிதுவும் உதவியாக இருக்கும். இது மிகவும் ஊட்டச்சத்துக்கள் நிறைந்தது மற்றும் இதில் ஆன்டி-ஆக்ஸிடன்ட்டுகள், நார்ச்சத்து மற்றும் நீர்ச்சத்து ஏராளமாக உள்ளது. இப்பழத்தில் கலோரிகளும் குறைவு. எனவே எடையைக் குறைக்க நினைப்போர் மாதுளையை ஸ்நாக்ஸ் வேளையில் உட்கொண்டு வந்தால், எதிர்பார்த்த ஒரு நல்ல மாற்றத்தைக் காணலாம்.

அன்னாசி

எடையைக் குறைக்க உதவும் மற்றொரு அற்புதமான பழம் அன்னாசி. இதில் ஆன்டி-ஆக்ஸிடன்ட்டுகள், கனிமச்சத்துக்கள், நொதிகள் போன்றவை அதிகம் உள்ளது. இது உடலில் உள்ள கொழுப்புக்களைப் போக்கும் என்பதால், எடையைக் குறைக்க நினைப்போருக்கு சிறந்த பழமாக கருதப்படுகிறது.

பேரிக்காய்

பேரிக்காயும் உடல் எடையைக் குறைக்க உதவி புரியும். இதில் நார்ச்சத்துக்கள் அதிகம் உள்ளதால், இது நீண்ட நேரம் பசி எடுக்காமல் தடுப்பதோடு, அளவுக்கு அதிகமாக உணவு உண்பதையும் தடுக்கும். இந்த பழத்திற்கு கொலஸ்ட்ராலைக் குறைக்கும் திறன் உள்ளது மற்றும் இது இதய ஆரோக்கியத்திற்கும் நல்லது. ஏனெனில் இந்த பழத்தில் பொட்டாசியம் அதிகம் உள்ளது.

பீச்

பீச் பழத்தில் கலோரிகள் குறைவு மற்றும் நீர்ச்சத்து ஏராளம். இதனால் இது எடையைக் குறைக்க உதவும் சிறப்பான பழமாக சொல்லப்படுகிறது. மேலும் இந்த பழத்தில் பொட்டாசியம் மற்றும் வைட்டமின்கள் அதிகம். அதோடு இந்த பழத்தில் ஆன்டி-ஆக்ஸிடன்ட்டுகள் வளமான அளவில் உள்ளதால், இது உடல் ஆரோக்கியத்தை சிறப்பாக வைத்துக் கொள்ளும்.

தர்பூசணி

தர்பூசணி எடையைக் குறைக்க உதவுவதில் சிறப்பான பழம். ஏனெனில் இதில் கொழுப்புச்சத்தே இல்லை. ஒரு டம்ளர் தர்பூசணி ஜூஸ் குடித்தால், அதிகப்படியாக 50 கலோரிகள் தான் உடலுக்கு கிடைக்கும். மேலும் இப்பழத்தில் வைட்டமின் ஏ, வைட்டமின் பி மற்றும் வைட்டமின் சி-யுடன் லைகோபைன் ஏராளமாக உள்ளது. இதனால் இது புற்றுநோயின் தாக்கத்தில் இருந்து பாதுகாப்பதோடு, இதய நோயின் அபாயத்தையும் தடுக்கும்.