சுகர் ப்ரீ உணவுப் பொருட்களை சாப்பிடுவது உண்மையில் பாதுகாப்பானதா? இல்லையா?

சுகர் ப்ரீ என்றால் என்ன?

சுகர் ப்ரீ என்பது சர்க்கரை இல்லாதது. இது உங்கள் உணவுக்கு இனிப்பு சுவை அளிப்பதோடு குறைந்த கலோரிகளைக் கொண்டது. சர்க்கரை நோயாளிகள் தாங்கள் எடுத்துக் கொள்ளும் சர்க்கரையின் அளவில் கட்டுப்பாடோடு இருக்க வேண்டியது அவசியமாகிறது . ஒரு 5 கிராம் சர்க்கரையில் 20-25 கலோரிகள் வரை இருக்கின்றன.

சர்க்கரை நோயாளிகளுக்கு சர்க்கரை பாதுகாப்பானதா?

நிபுணர்களின் கூற்றுப்படி சுகர் ப்ரீயில் இயற்கையான பொருட்கள் இருந்தால் பாதுகாப்பானது. அதில் கெமிக்கல்கள் கலக்கும் போது மட்டுமே பாதிப்பு ஏற்படுகிறது. கெமிக்கல்கள் நிறைந்த சுகர் ப்ரீ எலும்புகளையும் பாதிக்க வல்லது. எனவே சுகர் ப்ரீயை வாங்குவதற்கு முன் அதில் சேர்க்கப்பட்டுள்ள பொருட்களின் பட்டியலை படித்துக் கொள்ளுங்கள். சுகர் ப்ரீயுடன் ஒப்பிடும் போது தாவரத்தில் இருந்து பெறப்படும் ஸ்டீவியா சிறந்ததாக கூறப்படுகிறது. ஹெல்த்லைன் படி, ஸ்டீவியா ஒன்றை வீட்டில் நடவு செய்து அதன் இலைகளை சுகர் ப்ரீ மாத்திரைகளாக பயன்படுத்துவது சிறந்தது. இந்த மாத்திரைகள் கடைகளிலும் கிடைக்கின்றன.

சுகர் ப்ரீ இனிப்புகளை சாப்பிடலாமா?

இந்த சுகர் ப்ரீயை நிறைய இனிப்பு வகைகளில் கூட தற்போது பயன்படுத்துகின்றனர். லட்டு, கேக் அல்லது புட்டிங் போன்ற நிறைய இனிப்பு வகைகளிலும் பயன்படுத்தி வருகிறார்கள். இது குறைந்த கலோரிகளைக் கொண்டது. ஆனால் இருப்பினும் இதில் சேர்க்கப்பட்டுள்ள நெய், க்ரீம் போன்றவை நீரிழிவு நோயாளிகளுக்கு உடல் பருமனை ஏற்படுத்துகிறது. அவர்களை ஆரோக்கியமற்றதாக மாற்றுகிறது. சுகர் ப்ரீ உணவாக இருப்பினும் கார்போஹைட்ரேட் அளவில் குறைவு இல்லை.

விளைவுகள்

சிலருக்கு இரத்த சர்க்கரை அளவு தொடர்ச்சியாக அதிகமாகும் போது அவர்கள் சுத்திகரிக்கப்பட்ட சர்க்கரைக்கு பதிலாக சுகர் ப்ரீயை பயன்படுத்துகின்றனர். அதே நேரத்தில் மருத்துவர்கள் சுகர் ப்ரீயை கூட குறைந்த அளவில் பயன்படுத்த வலியுறுத்துகின்றனர்.

டாக்டர்களின் கூற்றுப்படி, அதிக எடை கொண்ட சர்க்கரை நோயாளிக்கு 1,800 கலோரி டயட் இருக்க வேண்டும். இதே மெலிந்த உடல் வாகு கொண்டவர்கள் 2000-2200 கலோரிகள் வரை பெறலாம். அதிகப்படியான உடல் பருமன் உடைய சர்க்கரை நோயாளிகள் ஒரு நாளைக்கு 1500 கலோரிகளுக்கு மேல் தாண்டக் கூடாது.

சர்க்கரையை தவிருங்கள்

குழந்தைகளை சுகர் ப்ரீயை சாப்பிட அனுமதிக்காதீர்கள். ஹெல்த்லைன்.காம் படி, சில செயற்கை இனிப்புகள் மற்றும் சுகர் ப்ரீ போன்றவை நீரிழிவு நோயை ஏற்படுத்துகின்றன. அதே மாதிரி சில பக்க விளைவுகளையும் ஏற்படுத்துவதாக ஆய்வுகள் தெரிவிக்கின்றன.