வார இறுதியில் பொலிவிழந்த முகத்தைப் பிரகாசமாக்க வேண்டுமா? இதோ சில வழிகள்!

கேரட்-தேன் மாஸ்க்

கேரட்டை அரைத்து, அத்துடன் 1 டேபிள் ஸ்பூன் தேன் சேர்த்து கலந்து, முகத்தில் தடவி 15 நிமிடம் கழித்து, குளிர்ந்த நீரில் கழுவ வேண்டும்.

உருளைக்கிழங்கு-தயிர் மாஸ்க்

1 ஸ்பூன் மசித்த உருளைக்கிழங்குடன், 1/2 ஸ்பூன் தயிர் சேர்த்து கலந்து, முகத்தில் தடவி 15 நிமிடம் ஊற வைத்து, பின் நீர் பயன்படுத்தி மென்மையாக ஸ்கரப் செய்து, கழுவ வேண்டும்.

ஓட்ஸ்-பால் மாஸ்க்

ஓட்ஸ் பொடியை பால் சேர்த்து பேஸ்ட் செய்து, முகத்தில் தடவி 15 நிமிடம் கழித்து, குளிர்ந்த நீர் பயன்படுத்தி ஸ்கரப் செய்து கழுவுங்கள்.

மஞ்சள்-கடலை மாவு மாஸ்க்

1 டேபிள் ஸ்பூன் கடலை மாவுடன், 1 ஸ்பூன் மஞ்சள் தூள் சேர்த்து பால் ஊற்றி பேஸ்ட் செய்து, முகத்தில் தடவி 15 நிமிடம் கழித்து கழுவுங்கள்.

பப்பாளி-தேன் மாஸ்க்

பப்பாளியை மசித்து, அத்துடன் சிறிது தேன் சேர்த்து கலந்து, முகத்தில் தடவி 15 நிமிடம் ஊற வைத்து, பின் குளிர்ந்த நீரில் கழுவ வேண்டும்.

வாழைப்பழம்-பாதாம் எண்ணெய் மாஸ்க்

வாழைப்பழத்தை மசித்து, அத்துடன் சில துளிகள் பாதாம் எண்ணெய் சேர்த்து கலந்து, முகத்தில் தடவி 20 நிமிடம் கழித்துக் கழுவுங்கள். இதனால் முகப் பொலிவு மேம்படும்.