முகத்தில் உள்ள முகப்பரு தழும்புகளை மறைக்க உதவும் சில பாட்டி வைத்தியங்கள்!

வைத்தியம் #1

சந்தனப் பொடியை பால் அல்லது ரோஸ் வாட்டர் சேர்த்து கலந்து, முகத்தில் தடவி 1 மணிநேரம் ஊற வைத்து, பின் குளிர்ந்த நீரில் கழுவ வேண்டும். இதனால் முகத்தில் உள்ள தழும்புகள் மற்றும் பருக்கள் போய்விடும்.

வைத்தியம் #2

முகத்தில் பருக்களின் தழும்புகள் அதிகம் இருந்தால், எலுமிச்சை ஜூஸை சர்க்கரை சேர்க்காமல் தினமும் 3 வேளை என 15 நாட்கள் பருக, தழும்புகள் விரைவில் மறையும்.

வைத்தியம் #3

இரவில் படுக்கும் முன் 3 பாதாமை நீரில் ஊற வைத்து, மறுநாள் காலையில் தோலுரித்து, அதை அரைத்து சிறிது ரோஸ் வாட்டர் சேர்த்து கலந்து, முகத்தில் தடவி உலர வைத்து கழுவ, முகப்பரு தழும்புகள் நீங்கும்.

வைத்தியம் #4

உருளைக்கிழங்கில் உள்ள பொட்டாசியம் மற்றும் சல்பர், முகத்தில் உள்ள தழும்புகளை போக்கும். அதற்கு உருளைக்கிழங்கை அரைத்து முகத்தில் தடவி 1/2 மணிநேரம் கழித்துக் கழுவ வேண்டும்.

வைத்தியம் #5

கடலை மாவில் சிறிது மஞ்சள் தூள் சேர்த்து கலந்து, பால் சேர்த்து பேஸ்ட் செய்து, முகத்தில் தடவி 1/2 மணிநேரம் கழித்து கழுவ வேண்டும். இதனால் முகத்தில் உள்ள முகப்பரு தழும்புகள் மறையும்.