பட்டுப்போன்ற மென்மையான முடி வேண்டுமா? அப்ப முட்டை யூஸ் பண்ணுங்க...

முட்டை பேக்

மென்மையான முடியைப் பெற முட்டை ஹேர் பேக் போடுவது மிகவும் சிறப்பான ஒன்று. அதிலும் முட்டையில் புரோட்டீன் அதிகம் இருப்பதால், அவை பாதிப்படைந்த முடியை சரிசெய்யும். எனவே வாரம் ஒருமுறை தவறாமல் முட்டை ஹேர் பேக் போட வேண்டும். அதற்கு முட்டையை ஒரு பௌலில் உடைத்து ஊற்றி, அத்துடன் சிறிது மில்க் க்ரீம் சேர்த்து கலந்து, பின் அந்த கலவையை முடி மற்றும் ஸ்கால்ப்பில் நன்கு படும் படி தேய்த்து, 1 மணிநேரம் ஊற வைத்து, குளிர்ந்த நீரில் அலச வேண்டும்.

முட்டை மற்றும் ஷாம்பு

சிலருக்கு முட்டையின் நாற்றம் பிடிக்காது. அத்தகையவர்கள் முட்டையுடன் ஷாம்பு சேர்த்து கலந்து, முடிக்கு ஹேர் பேக் போடலாம். இப்படி செய்வதால் துர்நாற்றம் வீசாமல் இருக்கும். அதே சமயம் இதனால் முட்டை ஹேர் பேக்கிற்கு இணையான நன்மை கிடைக்காது.

முட்டை மற்றும் ஹென்னா

ஹென்னா மற்றொரு சிறப்பான முடியை மென்மையாக்கும் பொருட்களில் ஒன்று. அதே சமயம் இது நரைமுடியை மறைக்கவும் பெரிதும் உதவியாக இருக்கும். அதிலும் இந்த ஹென்னாவை முட்டையுடன் சேர்த்து கலந்து, முடிக்கு தடவி 1 மணிநேரம் நன்கு ஊற வைத்து குளிர்ந்த நீரில் அலசினால், முடி நன்கு மென்மையாகவும், வலுவுடனும் இருக்கும்.

முட்டை

வெறும் முட்டையை நன்கு அடித்து, அதனை தலையில் தடவி நன்கு 1/2 மணிநேரம் ஊற வைத்து, மைல்டு ஷாம்பு போட்டு அலசினாலும், முடியானது மென்மையாகவும், ஆரோக்கியமாகவும் இருக்கும்.