நீங்க இன்னமும் சிங்கிளா இருக்க இந்த 3 தான் காரணம், இத எப்படி மாத்திக்கலாம்!

மதில் மேல் பூனை!

நீங்கள் சிங்கிளாக இருப்பதற்கான முதல் காரணம் நீங்களே தான். மதில் மேல் பூனை என்பது போன்ற உங்களது மனம். எப்படி ஒரு ஆண் / பெண்ணிடம் பழகுவது, அவர்களுடன் நெருங்குவதில் இருக்கும் அச்சம் கலந்த உணர்வு போன்றவை தான் உங்களை இன்னும் சிங்கிளாகவே வைத்துள்ளது.

இந்த மதில் மேல் பூனை உணர்வு, உங்களை உணர்வு / உறவு ரீதியாக தைரியமாக ஒரு முடிவை எடுக்கவிடாது. சரியான ஒரு நபர் நம் வழியில் வரை காத்திருப்போம் என்ற எண்ணம் மட்டுமே உங்களுக்குள் வளர்ந்துக் கொண்டிருக்கும்.

கெத்து?!?!

இந்த மதில் மேல் பூனை எண்ணம் உங்களை ஒரு பிரிவினை நிலையிலேயே வைத்துக் கொள்ளும். ஏதேனும் காரணம் சொல்லி சிங்கிள் தான் கெத்து என ஒப்பேற்ற தான் தோணுமே தவிர, உறவில் இணைவது தான் இயற்கை என்ற வட்டத்திற்குள் உங்களை செல்ல விடாது.

உங்களுக்கு லவ் மேரேஜ் எல்லாம் கஷ்டம். அப்பா, அம்மாவா பார்த்து கல்யாணம் செஞ்சு வெச்சா தான் உண்டு!

தன்னிறைவு!

எப்போதும் தன்னிறைவு மட்டுமே போதுமானது என்ற எண்ணம் உங்களுக்குள் இருக்கும். இது உங்கள் தன்னிறைவை தாண்டி, அடுத்த நிலைக்கு யோசிக்க வைக்காது.

ஒரு சரியான நபரை தேர்வு செய்வதை காட்டிலும், தனது மகிழ்ச்சிக்கு இடையூறாக இருந்துவிடுவானா / வாளா என்ற சிந்தனையில் நீங்கள் கடைசி வரை சிங்கிளாகவே இருந்துவிடுவீர்கள்.

இந்த சிந்தனை உங்களை ஒரு காலி பாட்டிலாகவே வைத்துக் கொள்ளும்.

மிங்கிள்? சிங்கிள்?

உறவு என்பது விட்டுக்கொடுத்து வாழ்வது. அட்ஜஸ் செய்துக் கொள்ளும் மனநிலை வராதவரை மிங்கிளாக முடியாத சிங்கிளாகவே இருக்க வேண்டியது தான்.

மிஸ் அல்லது மிஸ்டர் பர்பெக்ட் என இந்த உலகில் யாருமே இல்லை என்பது தான் உண்மை.

எல்லைகள்!

இந்த உலகில் எதற்கும் எல்லைகள் இல்லை, நாமாக தான் கோடுகள் வரையறுத்துக் கொண்டு வைத்துள்ளோம்.

நாளையே ஏதேனும் அழிவோ, இயற்கை சீற்றமோ உண்டானால், அந்த எல்லைகளை நாம் கடந்துவிடுவோம். ஏனெனில், எல்லை கொண்டு வரையறுக்கப்பட முடியாத ஒன்று நமக்குள் ஆழமாக இருக்கிறது அதுதான் அன்பும் காதலும்.

வட்டம்!

நான் இப்படிப்பட்டவன்/ள் எனது வட்டம், எல்லை இது, இதை தாண்டி எங்கும் போக மாட்டேன், இதற்குள் யாரையும் அனுமதிக்கமாட்டேன் என்ற நிலையில் இருந்து நீங்கள் வெளிவராமல் இருக்கும் வரை சிங்கிளாகவே இருக்க வேண்டியது தான்.