உங்கள் நண்பர்கள் போலியான நண்பர்களா என்று எப்படி ஈஸியா தெரிஞ்சிக்கலாம் தெரியுமா?

தேவைக்காக மட்டும் கால் செய்வது

அவர்களின் நம்பரில் இருந்து போன் வரும்போதெல்லாம் அவர்கள் உங்களிடம் ஏதாவது உதவி மட்டுமே கேட்பார்கள். உதவி தேவைப்படும்போது மட்டுமே நீங்கள் அவர்கள் நினைவில் இருப்பீர்கள். அவர்கள் உங்கள் உதவியைப் பாராட்டக்கூடும், ஆனால் நீங்கள் மீண்டும் உங்களால் ஏதாவது காரியம் ஆக வேண்டுமென்றால் மட்டுமே உங்களை மீண்டும் தொடர்பு கொள்வார்கள்.

உங்களை மதிக்க மாட்டார்கள்

அவர்களின் நுட்பமான கிண்டல், விளையாட்டுத்தனமான துஷ்பிரயோகம், மற்றும் பாராட்டுக்களைக் கூட உங்களை சங்கடப்படுத்தும்படி கூறுவார்கள். சில நேரங்களில் கிண்டல் செய்வது வேடிக்கையாக இருக்கிறது, ஆனால் எப்போதும் அதையே செய்வது வேடிக்கை கிடையாது. இந்த நடத்தைக்கு பல உளவியல் காரணங்கள் இருக்கலாம், ஆனால் அதற்காக அவர்களுடன் எப்போது இருக்க வேண்டுமென்று அர்த்தமல்ல.

உங்கள் ஆலோசனையை எடுத்துக்கொள்ள மாட்டார்கள்

நாம் எப்பொழுதும் மகிழ்ச்சியாக வெளியே செல்லக் கூடிய நண்பர்களைத்தான் நாம் விரும்புகிறோம். இருப்பினும், சில நேரங்களில் அவர்களின் சோகமான முடிவுகளைப் பற்றி மட்டுமே சொல்ல அழைக்கும் சில நண்பர்களையும் நாம் சந்திக்க வேண்டியிருக்கும். அவர்கள் தொடர்ந்து உங்கள் ஆலோசனையைக் கேட்பார்கள், அதற்கு நேர்மாறாகச் செய்வார்கள், அவர்கள் குழப்பமடையும்போது இந்த சுழற்சி மீண்டும் தொடரும்.

அனைத்தையும் தெரிந்து கொள்ள விரும்புவார்கள்

உங்களைப் பற்றிய ரகசியங்களை தெரிந்து கொள்ள சிலர் உங்களுடன் நட்பு கொள்வார்கள். ஒருவரின் வாழ்க்கையைப் பற்றி அவர்கள் புதிய விஷயங்களை தெரிந்து கொள்ள விரும்புகிறார்கள், அது நீங்கள் அல்லது உங்களுக்குத் தெரிந்தவராக இருக்கலாம். உங்கள் வாழ்க்கை பற்றிய அனைத்தையும் அவர்களிடம் சொல்ல அவர்கள் தொடர்ந்து உங்களுக்கு அழுத்தம் கொடுப்பார்கள்.

ஒருபோதும் வருத்தம் தெரிவிக்க மாட்டார்கள்

அவர்களின் புண்படுத்தும் நடத்தைக்கு ஒருபோதும் அவர்கள் வருத்தம் தெரிவிக்க மாட்டார்கள் மாறாக அதனை சமாளிக்க நாடகத்தை அரங்கேற்றுவார்கள். உண்மையான நண்பர்கள் உங்களையும் உங்கள் மென்மையான குணத்தையும் அறிவார்கள், இருப்பினும், போலி நண்பர்கள் வேண்டுமென்றே அதைக் குறிவைத்து உங்களை காயப்படுத்துவார்கள். அவர்கள் செய்த தவறு குறித்து உங்களுக்கு குற்ற உணர்வை ஏற்படுத்த அவர்கள் உங்களுடன் பேசுவதை நிறுத்தலாம்.

உங்களுக்கு உதவி தேவைப்படும்போது மறைந்து விடுவார்கள்

உங்களுக்கு தேவைப்படும்போது அவர்கள் அங்கு இருக்க மாட்டார்கள். உங்களுக்கு அவர்களின் உதவி தேவைப்படும் போது அவர்களின் போன் ஆப் செய்து வைக்கப்படும். உங்களுக்கு அவர்களின் உதவி மிகவும் தேவைப்படும்போது நீங்கள் அவர்களை ஒருபோதும் தொடர்பு கொள்ள முடியாது.

உங்களுக்கு பலமாக ஒருபோதும் இருக்க மாட்டார்கள்

போலி நண்பர்கள் தங்கள்இமேஜிற்கு எந்தத் தீங்கும் ஏற்படாத வரை அல்லது எல்லோரும் அவர்களை நேசிக்கும் வரை மட்டுமே இருப்பார்கள். அவர்கள் மிகவும் இராஜதந்திரமானவர்கள், இக்கட்டான தருணத்தில் உங்களைத் தனியாக நடக்க அனுமதிப்பார்கள். அவர்களின் சுயநல குணம் எப்பொழுதும் மாறாது.