ஒவ்வொரு வெற்றிக்கு பிறகும் ஸ்டெம்பை எடுத்து செல்வது ஏன்? தோணி கூறும் காரணம்!

10 வருட புதிர்

கடந்த பத்து வருடங்களாக கிரிக்கெட் ரசிகர்களுக்கு இதுவொரு புதிராக தான் இருந்து வந்தது. ஒவ்வொரு முறையும் போட்டியில் வெல்லும் போதும் பேட்டிங் செய்து கொண்டிருந்தாலும் சரி, கீப்பிங் செய்துக் கொண்டிருந்தாலும் சரி, தோணி ஸ்டம்ப்பை பிடிங்கிக் கொண்டு தான் நடையைக் கட்டுவார்.

ஜோதிட ஆராய்ச்சிகள்

இதுவொரு வேளை தோணி ஜோதிட ராசி பலாபலன்களின் மூலம் கொண்டுள்ள விசித்திர குணாதிசயமோ என்று கூட சில கிண்டலாக கூறுவதுண்டு. ஆனால், இதன் பின்னணியில் தல தோணி ஓர் காரணமும் வைத்திருக்கிறார் என்பது தான் இப்போது வெளிவந்துள்ள சுவாரஸ்ய தகவல்.

எந்த குறிகளும் இல்லை

இதுவரை தோணி சேர்த்து வைத்திருக்கும் எந்த ஸ்டெம்ப்பிலும் அது எந்த போட்டியில் வென்றது, எங்கு விளையாடியது என எந்த குறியும் குறித்து வைக்கப்படவில்லையாம். எந்த ஸ்டெம்ப் எப்போது, எந்த வருடம் எடுத்தது என கூட தோணிக்கு தெரியாதாம்.

மாஸ்டர் ப்ளான்

உண்மையில் தோணி ஓய்வு பெற்ற பிறகு டிவி-யில் போட்டிகளை காணும் போது எந்த ஸ்டெம்ப் எந்த போட்டியில் எடுக்கப்பட்டது என கண்டரிந்துக் கொள்ளலாம் என திட்டமிட்டு வைத்திருக்கிறாராம். இது தான் தலயின் மாஸ்டர் ப்ளானாம்.

விசித்திரமான தல

தோணியிடம் ஃபீல்டிங் செட் செய்வதில் இருந்து, பந்துவீச்சாளர்கள் தேர்வு செய்வது வரை பல விசித்திர முடிவுகள் எடுத்து பார்த்திருக்கிறோம். ஆனால், ஸ்டெம்ப் கலக்ட் செய்வதில் கூட இப்படி விசித்திரமான காரணம் வைத்திருப்பார் என யாரும் அறிந்திருக்க வாய்ப்பில்லை.

கேலி, கிண்டல்

சிலர் தோணி ஸ்டெம்ப் எடுத்துக் கொண்டு போவது அவரது வீட்டிற்கு தடுப்பு அமைப்பதற்காக இருக்கும் என ஆன்லைன் ப்ளாக்குகளில் கேலி கிண்டல் கூட செய்திருக்கின்றனர் என்பது குறிப்பிடத்தக்கது.

மறுப்பு

ஒரு முறை தோணி ஸ்டெம்ப் எடுத்து செல்லும் போது கேமரா வைக்கப்பட்டிருந்த ஸ்டெம்பை உருவி எடுத்தால் அதை மைதான அலுவலர்கள் தடுத்தனர். பிறகு தோணி வேறொரு ஸ்டெம்பை எடுத்து சென்றார். இதுப் போன்று தோணியின் ஸ்டெம்ப் கலக்ஷன்-ல் பல சுவாரஸ்யங்கள் நிறைந்திருக்கின்றன.