கல்லீரலை சுத்தம் செய்ய வேண்டிய நேரம் வந்துவிட்டதை உணர்த்தும் முக்கிய அறிகுறிகள்!

அலர்ஜி

கல்லீரல் சரியாக செயல்பட்டு வந்தால், உடலில் அலர்ஜியை உண்டாக்கும் நச்சுக்களை அழிக்கும் ஆன்டிபாடிகளை கல்லீரல் வெளியிடும். அதுவே கல்லீரல் மோசமாக செயல்பாட்டுடன் சரியான வடிவில் இல்லாமல் இருந்தால், உடலில் அலர்ஜிக்கு காரணமான நச்சுக்கள் தேங்கி, மூளையானது அரிப்புக்கள், தலைவலியை உண்டாக்கும் ஹிஸ்டமைனை உற்பத்தி செய்ய ஆரம்பிக்கும்.

நாள்பட்ட களைப்பு

கல்லீரலில் நச்சுக்கள் அதிகம் சேர்ந்தால், அது தசை வலி மற்றும் களைப்பை உண்டாக்கி, மனநிலையில் ஏற்ற இறக்கத்தையும், மன இறுக்கத்தையும் ஏற்படுத்தும்.

திடீர் உடல் பருமன்

கல்லீரல் சரியாக செயல்படாமல் இருந்தால், உடலை ஃபிட்டாக வைத்துக் கொள்வதில் சிரமத்தை சந்திக்க வேண்டியிருக்கும். ஏனெனில் மோசமான கல்லீரல் செயல்பாட்டினால், உடலில் கொழுப்புக்கள் மற்றும் நச்சுக்கள் உடலிலேயே தங்கி தேங்க ஆரம்பிக்கிறது. இதன் விளைவாக உடல் எடையைக் குறைப்பதில் கஷ்டத்தை சந்தித்து, ஃபிட்டாக முடியாமல் அவஸ்தைப்படக்கூடும்.

அதிகப்படியான வியர்வை

கல்லீரலின் முறையான செயல்பாடு குறையும் போது, அது மிகவும் வெப்பமாகிவிடும். உடல் வெப்பம் அதிகரிக்கும் போது, அதன் விளைவாக அதிகப்படியான வியர்வை வெளியேறும். ஆகவே உங்களுக்கு திடீரென்று வியர்வை அதிகமாக வெளியேறினால், உங்கள் கல்லீரலில் ஏதோ பிரச்சனை உள்ளது என்று அர்த்தம்.

வாய் துர்நாற்றம்

வாயின் ஆரோக்கியம் எப்போதுமே மிகவும் முக்கியம். ஒருவர் கடுமையான வாய் துர்நாற்றத்தால் அவஸ்தைப்பட்டால், அவர்களுக்கு கல்லீரல் பிரச்சனை இருக்க வாய்ப்புள்ளது. அத்தகையவர்கள் உடனே மருத்துவரை அணுகுவது மிகவும் நல்லது.

முகப்பரு

ஒருவரது உடலில் உள்ள உறுப்புக்கள் சரியாக செயல்படாமல் இருந்தாலோ அல்லது ஹார்மோன் ஏற்றத்தாழ்வு ஏற்பட்டாலோ, அவர்கள் முகப்பரு பிரச்சனையை சந்திப்பார்கள். முகப்பரு பிரச்சனையானது கல்லீரல் பிரச்சனையால் ஏற்படுவதாகும். உங்களுக்கு முகப்பரு அடிக்கடி வருமாயின், உடனே கல்லீரல் பிரச்சனை உள்ளதா என்பதை மருத்துவரை அணுகி கண்டறிந்து, சரியான நேரத்தில் கவனித்து சிகிச்சை எடுங்கள்.

கல்லீரல் நோய்களில் இருந்து பாதுகாக்கும் உணவுகள்:

உங்கள் கல்லீரல் ஆரோக்கியமாக இருக்க வேண்டுமானால், ஆரோக்கியமான டயட்டை மேற்கொள்ள வேண்டியது அவசியம். அதுவும் வாழைப்பழம், இஞ்சி அல்லது டான்டேலியன் வேர் போன்றவற்றை உணவில் அதிகம் சேர்க்க வேண்டும்.

கல்லீரல் ஆரோக்கியத்தை மேம்படுத்தும் பானம்

கல்லீரல் ஆரோக்கியத்தை மேம்படுத்த நினைப்பவர்கள், சுவையான ஒரு ஸ்மூத்தியைத் தயாரித்துக் குடிக்கலாம். இந்த ஸ்மூத்தி செய்வதற்கு பிளெண்டரில் வாழைப்பழம், க்ரீக் யோகர்ட், சிறிது இஞ்சி, 2 ஸ்பூன் வேர்க்கடலை வெண்ணெய் மற்றும் 1 ஸ்பூன் டான்டேலியன் வேர் சேர்த்து நன்கு அரைத்துக் கொள்ள வேண்டும். இந்த ஸ்மூத்தியை தினமும் 2 முறை குடிக்க வேண்டும். இதனால் பல்வேறு நன்மைகளைப் பெறலாம்.