உடல் ஆரோக்கியத்தை மேம்படுத்தணுமா? அப்ப தினமும் பாலில் இதுல ஒன்ன கலந்து குடிங்க போதும்...

மஞ்சள் பால்

ஆயுர்வேதத்தின் படி, மஞ்சளின் மருத்துவ பண்புகளினால், இது பல ஆரோக்கிய பிரச்சனைகளுக்கு தீர்வளிக்க பயன்படுத்தப்பட்டு வருகிறது. அதுவும் ஒருவர் தினமும் இரவு தூங்கும் முன்பு வெதுவெதுப்பான பாலில் 1/2 டீஸ்பூன் மஞ்சளைக் கலந்து குடித்து வந்தால், நோயெதிர்ப்பு சக்தி மேம்பட்டு, உடல் எப்போதும் நோயின்றி ஆரோக்கியமாக இருக்கும்.

சோம்பு பால்

சோம்பு மற்றும் பால் ஆகிய இரண்டுமே உடல் ஆரோக்கியத்திற்கு நன்மை விளைவிப்பவை. சோம்பு பாலை குடித்து வந்தால், சுவாச பிரச்சனைகள் குணமாகும். இது தவிர, சோம்பு பால் நோயெதிர்ப்பு சக்தியை வலிமையாக்கும் மற்றும் இதில் உள்ள ஆன்டி-பாக்டீரியல் பண்புகள் உடலை நோய்கள் அண்டாமல் பாதுகாக்கும்.

பட்டை பால்

பாலில் கால்சியம் மற்றும் பொட்டாசியம் உள்ளதால், இது இரத்த அழுத்தத்தைக் குறைக்க உதவும். அதே வேளையில் பட்டை உடலில் நல்ல கொலஸ்ட்ரால் அளவை அதிகரித்து, கெட்ட கொலஸ்ட்ராலின் அளவைக் குறைக்கும். நீங்கள் உங்களுக்கு இதய நோய் வரக்கூடாது என்று நினைத்தால், தினமும் ஒரு டம்ளர் பட்டை தூள் கலந்த பாலைக் குடியுங்கள்.

உலர் பழங்கள் கலந்த பால்

உலர் திராட்சை, உலர் அத்திப்பழம், பேரிச்சம் பழம் போன்றவற்றை பாலில் கலந்து குடித்து வந்தால், அது உடல் ஆரோக்கியத்தை சீராக பராமரிக்க உதவும். மேலும், இந்த வகை பாலில் அனைத்து வகையான ஊட்டச்சத்துக்களும் நிறைந்திருப்பதால், உடலின் நோயெதிர்ப்பு சக்தி மேம்பட்டு, உடலும் ஆரோக்கியமாக இருக்கும்.

இஞ்சி பால்

பொதுவாக இஞ்சியின் மருத்துவ குணங்களைப் பற்றி சொல்லித் தான் தெரிய வேண்டுமென்ற அவசியமில்லை. பல ஆரோக்கிய பிரச்சனைகளுக்கு தீர்வளிக்க இயற்கை மருத்துவத்தில் இது முக்கிய பொருளாக பயன்படுத்தப்பட்டு வருகிறது. இத்தகைய இஞ்சியை பாலில் தட்டிப் போட்டு குடித்தால், அது உடலுக்கு வேண்டிய வைட்டமின்கள், இரும்புச்சத்து, கால்சியத்தை கொடுப்பதோடு, அதில் ஆன்டி-ஆக்ஸிடன்ட், ஆன்டி வைரல் பண்புகள் இருப்பதால், உடலுக்கு நல்ல பாதுகாப்பை வழங்கும்.