Just In
- 15 min ago இந்தியாவில் இன்றும் ராஜவாழ்க்கை வாழும் அரச குடும்பங்கள்..இவங்களுக்கு எங்க இருந்து இவ்வளவு பணம் வருது தெரியுமா?
- 25 min ago கோடையில் பால் கெட்டுப்போகாமல் இருக்க எளிய டிப்ஸ்..!
- 1 hr ago தினமும் 10 பவுன் தங்கத்தை தூசியாக உமிழும் அதிசய எரிமலை... இந்த எரிமலையா இல்ல தங்கச்சுரங்கமானே தெரிலயே...!
- 2 hrs ago இந்த அறிகுறிகள் காலை வேளையில் தெரியுதா? அப்ப கல்லீரல் ஆபத்தில் இருக்கு-ன்னு அர்த்தம்.. உஷார்..
Don't Miss
- Movies டோவினோ தாமஸுடன் லிப் லாக் காட்சியில் நடித்த பாவனா...முகம் சுளித்த ஃபேன்ஸ்!
- News சேலத்தில் வாக்களிக்க வந்த 2 பேர் மயங்கி விழுந்து உயிரிழந்த சோகம்.. விளக்கம் கேட்ட தேர்தல் ஆணையம்
- Technology புது ரூல்ஸ்.. தேர்தல் முடிந்ததும் அமல்.. இனி 24 மணி நேரம் தான்.. ரயில் டிக்கெட் சேவையில் 2 பெரிய மாற்றங்கள்!
- Sports தீபக் சஹர் காயத்தின் நிலை என்ன? ஷர்துல் தாக்கூருக்கு மீண்டும் வாய்ப்பா? சிஎஸ்கே பயிற்சியாளர் பதில்!
- Automobiles போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்?
- Finance ஒரே நாளில் 4.2 கோடி சம்பாதித்த நாராயணமூர்த்தி-யின் 5 மாத பேரன்.. எப்படி..?
- Travel சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
அதிகப்படியான கொழுப்பு சத்தால் அவதிப்படுபவரா? அப்ப இந்த எண்ணெயை யூஸ் பண்ணுங்க...
மாம்பழத்தை போலவே, அதன் கொட்டையிலும் எண்ணிடலங்கா ஆரோக்கிய நன்மைகள் உள்ளது.
மாம்பழம் யாருக்கு தான் பிடிக்காது? அதுவும் ஒவ்வொரு வருடமும் மாம்பழ சீசனுக்காகவே காத்திருப்போரும் உண்டு. நன்கு பழுத்த மாம்பழத்தை அதன் தோலோடு கடித்து சாப்பிடும் சுவையே தனி சுவை தான். ஆனால், மாம்பழத்தை விரும்பி சாப்பிடும் நாம் மாம்பழத்தின் கொட்டையை தூக்கி தானே போடுகிறோம்? வெறும் கொட்டை தானே என்று நாம் அதனை தூக்கி போடுகிறோம். ஆனால், அதனுள் மறைந்திருக்கும் மருத்துவ குணங்களை பற்றி அறிந்தால், இனி அந்த காரியத்தை ஒருபோதும் செய்யவே மாட்டீர்கள். ஆம், மாம்பழத்தை போலவே, அதன் கொட்டையிலும் எண்ணிடலங்கா ஆரோக்கிய நன்மைகள் உள்ளது.
MOST READ: தினமும் மதியம் ஒரு டம்ளர் பெருங்காயத் தூள் கலந்த நீரைக் குடிப்பதால் பெறும் நன்மைகள்!
மாங்கொட்டையின் பொடியை பயன்படுத்துவதால் ஏகப்பட்ட நன்மைகள் கிடைக்கப் பெறலாம். ஆனால், இப்போது நாம் மாங்கொட்டை எண்ணெய் பற்றி தெரிந்து கொள்ள போகிறோம். சுவாச கோளாறுகள் முதல் சரும பராமரிப்பு, கூந்தல் பராமரிப்பு என மாங்கொட்டை எண்ணெயின் ஆரோக்கிய நன்மைகளை அடுக்கிக் கொண்டே போகலாம். சரி, வாருங்கள் இப்போது மாங்கொட்டை எண்ணெய் பற்றி இன்னும் சற்று விரிவாக தெரிந்து கொள்வோம்...
மாங்கொட்டை எண்ணெய் எந்த வகையில் நன்மை அளிக்கக்கூடியது?
மாம்பழம் வேண்டாம் என்று கூறுபவர்கள் யாரும் இருக்க மாட்டார்கள். மாம்பழம் சாப்பிடுவது உடலுக்கு மிகவும் ஆரோக்கியமானது. ஏனென்றால், அதில் உடலுக்கும் நன்மையளிக்கக் கூடிய ஆரோக்கிய பலன்கள் நிறைய உள்ளன. மேலும், மாமரத்தின் இலைகள் நீரிழிவு நோய்க்கு சிறந்த பலனளிக்கக் கூடியது. அதேப்போல், மாங்கொட்டையும் நிறைய மருத்துவ பலன்களை கொண்டுள்ளது. வாருங்கள். மாங்கொட்டை எண்ணெயின் மருத்துவ பலன்கள் தெரிந்து கொள்வோம்...
மாங்கொட்டையின் மருத்துவ பலன்கள்:
கொழுப்பை குறைத்திட உதவும்
அதிகப்படியான கொழுப்பு சத்தால் அவதிப்படுபவரா நீங்கள்? அப்படியெனில், உங்களது உணவில் மாங்கொட்டை எண்ணெயை சேர்த்துக் கொள்ளுங்கள். மாங்கொட்டை எண்ணெயானது, உடலில் இரத்த ஓட்டத்தை மேம்படுத்தி, உடலில் உள்ள கொழுப்பை குறைத்திட உதவும். எனவே, அதிகமான கொழுப்பால் அவதிப்படுபவர்கள், அவர்களது உணவில் மாங்கொட்டை சேர்ப்பதன் மூலம் நிச்சயம் நல்ல முன்னேற்றத்தை காணலாம்.
இரத்த சர்க்கரை அளவை கட்டுக்குள் வைக்கும்
இரத்த சர்க்கரை அளவை கட்டுப்படுத்துவதில் மா இலைகள் மிகவும் உதவக்கூடியவை என்பதை நீங்கள் கேள்விப்பட்டிருக்கலாம். அதேபோல தான், மாங்கொட்டை எண்ணெயும், இரத்தத்தில் சர்க்கரை அளவு உயராமல் தடுத்து, ஒரே சீராக வைத்துக் கொள்ள உதவக்கூடியது. நீரிழிவு நோயாளிகளுக்கு மிகவும் உதவக்கூடிய எண்ணெய் இது. அதுமட்டுமல்லாது, உடலில் சீரான ஆற்றலை வெளிப்படுத்தி, இரத்தத்தில் சர்க்கரை அளவை குறைத்திடும். மேலும், உடலில் குளுகோஸ் உறிஞ்சப்படுவதையும் இது மெதுவாக மாற்றிடும்.
ஆரோக்கியமான உடல் எடையை பராமரிக்க உதவும்
மாங்கொட்டையில் இருந்து எடுக்கப்படும் எண்ணெயானது, ஆரோக்கிய உடல் எடையை பராமரித்திட பெரிதும் உதவக்கூடியது. அதனால் தான், மாம்பழம் மற்றும் மாங்கொட்டை இரண்டுமே எடையை நிர்வகிப்பதில் சிறந்தவையாகும். மேலும், உடலில் இரத்த ஓட்டத்தை மேம்படுத்துவதோடு, உடலில் வளர்சிதை மாற்றத்தையும் தூண்டுகிறது.
ஆரோக்கியமான ஜொலிக்கும் சருமம்
மாம்பழம் அல்லழ மாங்கொட்டை எண்ணெய் வைத்து வீட்டிலேயே தயாரிக்கக்கூடிய ஃபேஸ் பேக் உபயோகிப்பதன் மூலம், இளமை தோற்றத்தையும், ஜொலிக்கும் சருமத்தையும் நிச்சயம் பெற்றிட முடியும். மாங்கொட்டை எண்ணெய் முகத்தில் உள்ள பருக்கள் மற்றும் அதன் தழும்புகளை நீக்கிட உதவக்கூடியது. இந்த எண்ணெயை பயன்படுத்தி தொடர்ந்து முகத்தில் மசாஜ் செய்து வரலாம் அல்லது ஃபேஸ் பேக்காக கூட போடலாம். நிச்சயம் நல்ல பலன் கிடைக்கும்.
கூந்தல் வளர்ச்சியை அதிகரிக்கும்
மாங்கொட்டை எண்ணெய் ஆரோக்கியமான கூந்தல் வளர்ச்சியை மேம்படுத்தும். அதுமட்டுமல்லாது, முடி உதிர்வு அல்லது பொடுகு தொல்லை போன்றவற்றால் அவதிப்படுபவர்கள், இந்த எண்ணெயை பயன்படுத்துவதன் மூலம் சுலபமாக அந்த பிரச்சனைகளில் இருந்து விடுபடலாம். அதற்கு, எண்ணெயை கூந்தலில் தேய்த்து சாதாரணமாக மசாஜ் செய்து 30 நிமிடங்கள் கழித்து குளித்திடலாம். வாரத்தில் 2 முறை இப்படி செய்து வந்தாலே போதும், ஆரோக்கியமான, அழகான கூந்தலை பெற்றிடலாம். இந்த எண்ணெயிலுள்ள கொழுப்பு அமிலங்கள், வைட்டமின்கள், தாதுக்கள் போன்றவை தான் ஆரோக்கியமான, அழகான கூந்தலை பெற்றிட உதவுகின்றன.
குறிப்பு:
மேலே குறிப்பிடப்பட்டுள்ள வழிகளில் மாங்கொட்டை எண்ணெயை பயன்படுத்தி, உங்களது ஆரோக்கியத்தையும் அழகையும் மேலும் கூட்டிக்கொள்ளுங்கள். இருப்பினும், இந்த எண்ணெயை சருமத்தில் பயன்படுத்துவதற்கு முன்பு, பேட்ச் டெஸ்ட் செய்து கொள்வது நல்லது. அப்போது தான், இதனால் உங்களுக்கு அழற்சி ஏதேனும் உள்ளதா என்பதை தெரிந்து கொள்ள முடியும். மேலும், உங்களது உதவில் இதனை சேர்த்துக் கொண்டாலும், குறைந்த அளவிலேயே சேர்த்துக் கொள்ளுங்கள். குறிப்பாக மாம்பழத்தால் அழற்சி உள்ளவர்கள் யாரும் இந்த மாங்கொட்டை எண்ணெயை பயன்படுத்த வேண்டாம். இதனால் எந்தவொது பக்கவிளைவும் ஏற்படாது, இருப்பினும், இதனை உபயோகித்து ஏதேனும். பக்கவிளைவுகளை உணர்ந்தால் உடனடியாக உங்களது மருத்துவரை அணுகுங்கள்.