நீங்க சாப்பிடும் இந்த உணவுகளும் பானங்களும்... உங்க சிறுநீரில் என்ன மாற்றத்தை ஏற்படுத்தும் தெரியுமா?

உப்பு உணவு

உப்பு நிறைந்த உணவுகள் சாப்பிடுவதை தவிருங்கள். பதப்படுத்தப்பட்ட உணவுகளில் அன்பு அதிகமாக காணப்பட வாய்ப்புள்ளது. முக்கியமாக பதப்படுத்தப்பட்ட சிப்ஸ், பதிவு செய்யப்பட்ட உணவு மற்றும் பதப்படுத்தப்பட்ட இறைச்சி ஆகியவைகளும் இதில் அடங்கும். அதிக உப்பு உட்கொள்ளல் மற்றும் போதுமான தண்ணீர் உட்கொள்ளாமால் இருப்பது நீரிழப்பு மற்றும் மேகமூட்டமான நுரை சிறுநீருக்கு வழிவகுக்கிறது.

உயர் பிரக்டோஸ் கார்ன் சிரப்

உயர்-பிரக்டோஸ் கார்ன் சிரப் என்பது சோள மாவுச்சத்தில் இருந்து தயாரிக்கப்படும் ஒரு இனிப்பு ஆகும். வழக்கமான கார்ன் சிரப் தயாரிப்பைப் போலவே, ஸ்டார்ச் நொதிகளால் குளுக்கோஸாக உடைக்கப்படுகிறது. தொகுக்கப்பட்ட அனைத்து உணவுப் பொருட்களிலும் தீங்கற்றதாகத் தோன்றும் இந்தச் சேர்க்கை. குறிப்பாக சர்க்கரை கலந்த சோடாக்கள் மற்றும் இனிப்பு வகைகளை அதிகமாக உட்கொள்ளும் போது, யூரிக் அமிலத்தின் உற்பத்தியை அதிகரித்து, நுரை சிறுநீரகத்தை ஏற்படுத்துகிறது.

பால் பொருட்கள்

பால் மற்றும் பால் பொருட்களை அதிகமாக உட்கொள்வதால் உடலில் பாஸ்பரஸ் அதிகமாகி சிறுநீரை நுரையாக வெளியேற்றுகிறது. ஒரு நபருக்கு அடிப்படை சிறுநீரக நோய் இருக்கும்போது இது துரிதப்படுத்தப்படுகிறது.

இறைச்சி

சிவப்பு இறைச்சி மற்றும் கோழி ஆகியவைற்றை சாப்பிடும்போது, பாஸ்பரஸை அதிகமாக வெளியிடுகிறது. இது பதப்படுத்தப்பட்ட இறைச்சியில் அதிகப்படியான உப்புடன் சிறுநீரில் நுரையை ஏற்படுத்துகிறது.

கடல் உணவு :

மத்தி, நெத்திலி மற்றும் மட்டி போன்ற சில வகையான கடல் உணவுகளில் ப்யூரின்கள் அதிகம் உள்ளன. இது யூரிக் அமிலமாக வளர்சிதை மாற்றமடைந்து சிறுநீரின் நிறமாற்றத்திற்கு வழிவகுக்கிறது.

மது

அதிகப்படியான மது அருந்துதல் நீரிழப்புக்கு வழிவகுக்கிறது. அதனால் சிறுநீரின் நிறம் மாறுகிறது. இது மேலும் பல உடல்நல பிரச்சனைகளை ஏற்படுத்துகிறது.

காஃபின்:

பெரும்பாலும் நாம் அதிகமாக குடிக்கும் பானங்கள் காபி, டீ. கறுப்பு மற்றும் பச்சை தேயிலைகளில் காஃபின் அதிகமாக இருப்பதால், இது நீர் இழப்பை ஏற்படுத்தும்.

இறுதிகுறிப்பு

மேலே பட்டியலிடப்பட்டுள்ள அனைத்து உணவு மற்றும் பானங்கள் மிதமாக உட்கொள்ளும் போது ஆரோக்கியத்திற்கு நன்மை பயக்கும். சரியான நீரேற்றத்துடன் நன்கு சமநிலையான உணவு சாப்பிடுவது முக்கியமானது. உங்கள் உணவை மாற்றிய பிறகும், சிறுநீரில் உள்ள நுரைகள் நீங்கவில்லை அல்லது சீழ், வெளியேற்றம், வலி இருந்தால் மருத்துவரை அணுகுவது நல்லது.