உங்களுக்கு அளவுக்கு அதிகமா வியர்க்குதா? அப்படின்னா உங்களுக்கு இந்த நோய் இருக்குன்னு அர்த்தம்.. உஷார்..

கோடைக்காலத்தில் அதிகம் வியர்ப்பது சாதாரணம் தான். வியர்வை என்பது உடலின் இன்றியமையாத செயல்களில் ஒன்றாகும். வியர்வையின் மூலம் உடலில் உள்ள அழுக்குகள் வெளியேற்றப்படுகின்றன. மேலும் வியர்வை வெளியேறுவதன் மூலம் சருமத்தின் பொலிவும் அதிகரிக்கிறது. கூடுதாக வியர்வையானது உடல் எடை, மனநிலை மற்றும் தூக்கம் போன்றவற்றை நேர்மறையாக பாதிக்கிறது.

ஆனால் சிலருக்கு அளவுக்கு அதிகமாக வியர்க்கும். ஒருவருக்கு உடலில் எந்த நோயும், உடல் உழைப்பும், உஷ்ணமும் இல்லாமல் வியர்ப்பது உடல் ஆரோக்கியத்திற்கு நல்லதல்ல. ஒருவேளை அதிகமாக வியர்த்தால், உடலில் இருந்து வியர்வையை வெளியேற்றும் சுரப்பிகள் அதிகமாக செயல்படுகிறது என்று அர்த்தம். ஒருவருக்கு ஹைப்பர்ஹைட்ரோசிஸ் என்னும் பிரச்சனை இருந்தால் தான் வழக்கத்தை விட அதிகமாக வியர்க்கும். இந்நோயால் பாதிக்கப்பட்டவர்களின் வியர்வை சுரப்பிகள் அதிக சுறுசுறுப்புடன் செயல்படும். இந்த காரணத்தினால், இந்த நோயால் பாதிக்கப்பட்டவர்களுக்கு கைகள் மற்றும் பாதங்கள் எந்நேரமும் வியர்த்தவாறு இருக்கும்.

ஹைப்பர்ஹைட்ரோசிஸ் நோயில் இரண்டு வகைகள் உள்ளன. இதில் முதன்மை நிலை ஆபத்தானது அல்ல. ஆனால் இரண்டாம் நிலை ஹைப்பர்ஹைட்ரோசிஸ் நோயால் பாதிக்கப்பட்டவர்களுக்கு பல்வேறு நோய்கள் வருவதற்கான ஆபத்து அதிகம் உள்ளது. முக்கியமாக இரத்த சர்க்கரை அதிகரிக்கும், இரத்த அழுத்தம் குறையும் மற்றும் ஹைப்பர் தைராய்டிசம் போன்றவை ஏற்படுவதற்கான வாய்ப்புள்ளது. உலகில் சுமார் 3% மக்கள் ஹைப்பர்ஹைட்ரோசிஸ் நோயால் பாதிக்கப்பட்டுள்ளனர்.