பால் நீண்ட நேரம் கெட்டுப்போகாமல் இருக்க இந்த பொருளை பாலில் சிறிது போட்டால் போதும்...!

காய்கறிகளை கழுவுவதில்

உப்பில் நுண்ணுயிர் எதிர்ப்பு பண்புகள் உள்ளது. விலை மிகவும் குறைவாக இருக்கும் இது உங்களின் காய்கறிகளில் இருக்கும் பாக்டீரியாக்களை எளிதில் வெளியேற்றக்கூடும். நீங்கள் காய்கறிகளை கழுவும் நீரில் சிறிது உப்பை சேர்த்து கழுவவும்.

சருமத்தில் இருக்கும் கறைகளை நீக்கும்

பழங்கள் மற்றும் காய்கறிகளால் உங்கள் சருமத்தில் ஏற்படும் கறைகளை நீக்க உப்பு பயன்படும். உங்கள் கைகளில் சிறிது உப்பு மற்றும் தண்ணீரை சேர்த்து கலந்து ஒரு ஸ்டீல் பாத்திரத்தின் மீது தேய்த்தால் எவ்வளவு வலிமையான கரையாக இருந்தாலும் போய்விடும்.

உலோகங்களை சுத்தம் செய்யும்

செம்பு, பித்தளை போன்ற உலோகங்களை சுத்தம் செய்ய உப்பு உதவும். கரிக்கட்டையுடன் சிறிது உப்பை சேர்த்து பாத்திரத்தின் மீது தேய்த்தால் உலோகத்தில் இருக்கும் எந்த கரையாக இருந்தாலும் போய்விடும்.

எறும்புகளை விரட்டும்

எறும்பு தொல்லை என்பது சமையலறையில் இருக்கும் மிகப்பெரிய தொல்லையாகும். இதனை உப்பு கொண்டு எளிதில் விரட்டலாம். உப்பை தண்ணீரில் கரைத்து சமையலறை, வடிகால்கள் மற்றும் எறும்பு அதிகமிருக்கும் இடங்களில் இதனை தெளித்தால் எறும்புகள் தொல்லை இருக்காது.

பால் கெடாமல் இருக்க

இது நம்புவதற்கு கடினமாக இருக்கலாம். ஆனால் இது உண்மைதான், பாலில் ஒரு சிட்டிகை உப்பு சேர்ப்பதன் மூலம் நீங்கள் பாலை கெட்டுப்போகாமல் தடுக்கலாம்.

துர்நாற்றத்தை அகற்றும்

உப்புக்கு துர்நாற்றத்தை விரட்டும் ஆற்றல் உள்ளது.எனவே சிறிதளவு உப்பை கட்டி துர்நாற்றம் ஏற்படும் இடங்களான ஷூ, கழிவறை, அலமாரிகள் போன்ற இடத்தில் வைப்பது துர்நாற்றத்தை ஏற்படுத்தும் பூஞ்சைகளை விரட்டும்.

வலுவான பற்கள்

உங்களின் வழக்கமான பற்பசையில் சேர்த்தோ அல்லது கடுகு எண்ணெயுடன் சேர்த்து ஈறுகளில் மசாஜ் செய்யவும். இது உங்கள் ஈறுகளை பலப்படுத்தவும், நோய்களில் இருந்து பாதுகாக்கவும் செய்கிறது. மேலும் இதிலிருக்கும் பாக்டீரியா எதிர்ப்பு பண்புகள் ஈறுகளில் வீக்கம் ஏற்படுவதை தடுக்கும்.