கடுமையான ஒற்றைத் தலைவலியால் கஷ்டப்படுறீங்களா? அதைத் தடுக்க இதோ சில எளிய வழிகள்!

உணவைத் தவிர்க்காதீர்கள்

எவ்வளவு வேலை இருந்தாலும், உணவை மட்டும் தவிர்க்கக்கூடாது. அப்படி தவிர்த்தாலோ அல்லது மிகவும் குறைவாக உணவை உட்கொண்டாலோ, அதனால் ஒற்றை தலைவலி ஆரம்பமாகிவிடும். ஆகவே ஒற்றை தலைவலி உள்ளவர்கள், உணவுக்கு முக்கியத்துவம் கொடுக்க வேண்டும்.

உடற்பயிற்சி

தினமும் உடற்பயிற்சி செய்து வந்தால், ஒற்றைத் தலைவலியின் தாக்கத்தில் இருந்து விடுபடலாம். அதற்காக அளவுக்கு அதிகமாக உடற்பயிற்சியை செய்ய வேண்டாம். மிதமான அளவில் தினமும் மேற்கொண்டு வந்தாலே, தலைவலி வருவதைத் தடுக்கலாம்.

காப்ஃபைன்

காப்ஃபைன் நிறைந்த பானங்களை அளவுக்கு அதிகமாக குடித்தாலும், ஒற்றை தலைவலி வரக்கூடும். எனவே காப்ஃபைன் நிறைந்த பானங்களை அதிகமாக குடிப்பதைத் தவிர்த்திடுங்கள்.

பிரகாசமான ஒளியைத் தவித்திடுங்கள்

கண்கள் கூடும் அளவிலான ஒளியை காண நேரிட்டால், ஒற்றைத் தலைவலி ஆரம்பமாகக்கூடும். எனவே எந்த ஒரு ஒளியையும் நேரடியாக காண்பதைத் தவிர்த்திடுங்கள்.

நல்ல தூக்கம்

தினமும் சரியான நேரத்தில் தூங்கி எழ வேண்டும். குறிப்பாக ஒற்றை தலைவலி பிரச்சனை உள்ளவர்கள் தினமும் குறைந்தது 7 மணிநேர தூக்கத்தைக் கட்டாயம் மேற்கொள்ள வேண்டும்.

மன அமைதி

மனதை எப்போதும் ரிலாக்ஸாக வைத்துக் கொள்ள முயற்சிக்க வேண்டும். அதற்கு தியானம், யோகா போன்றவற்றை தினமும் மேற்கொள்ள வேண்டும்.