இந்தியாவில் தொடங்கப்பட்ட முதல் பிரைவேட் சேனல் எது? அந்த சேனல் யாருடையது தெரியுமா?

இந்தியாவில் தற்போது அரசாங்கத்தால் அனுமதிக்கப்பட்ட கிட்டதட்ட 918 டிவி சேனல்கள் உள்ளன. இவற்றில் முதல் தோன்றியது என்றால் தூர்தர்ஷன்தான். முதன் முதலில் சேனல்கள் தொடங்கப்பட்டபோது வெகுசில நிகழ்ச்சிகள் மட்டுமே ஒளிபரப்பபட்டது. அதுவும் பெரும்பாலும் அரசு சார்ந்த விஷயங்களே அதில் ஒளிபரப்பட்டது. ஆனால் பிரைவேட் சேனல்கள் வந்த பிறகு இந்த நிலை மாறிவிட்டது.

திரைப்படங்கள், பாடல்கள், தொலைக்காட்சி தொடர்கள் மற்றும் தனியார் நிகழ்ச்சிகள் என பல நிகழ்ச்சிகள் பிரைவேட் சேனல்களில் ஒளிபரப்பபட்டன. இதை மீடியா துறையின் ஒரு புரட்சி என்றே கூறலாம். இன்று நூற்றுக்கணக்கான சேனல்கள் இருந்தாலும் முதன் முதலில் தோன்றிய பிரைவேட் சேனல் எதுவென்று உங்களுக்குத் தெரியுமா?

இந்தியாவின் முதல் பிரைவேட் சேனல் எது?

இந்தியாவில் பிரைவேட் சேனல்களின் ஆதிக்கம் 1992-ல் தொடங்கியது. 1992-ஆம் ஆண்டில், சுபாஷ் சந்திரா இந்தியப் பார்வையாளர்களுக்குப் பொழுதுபோக்குத் துறையில் ஒரு புதிய பரிமாணத்தை வழங்கினார்; அதன்படி, பொதுப் பொழுதுபோக்கு (General Entertainment Category - GEC) பிரிவில் இந்தியாவின் முதல் இந்தி செயற்கைக்கோள் தொலைக்காட்சியான 'ஜீ டெலிவிஷன்' (Zee Television)-யை அவர் தொடங்கினார். அதுவரை, அரசுக்குச் சொந்தமான தூர்தர்ஷன் மட்டுமே இருந்தது. 'ஜீ டிவி' (Zee TV) மூலம், நாட்டின் முதல் தனியார் தொலைக்காட்சி அலைவரிசை உருவானது. Zee சேனல் தொடங்கப்பட்ட பிறகு, தனது நேயர்களுக்கு 'ஹம் பாஞ்ச்', 'கானா கசானா', 'ரிஷ்டே', 'அமானத்', 'ஹிப் ஹிப் ஹுரே' போன்ற பல நிகழ்ச்சிகளை வழங்கியது.

இது அவ்வளவு எளிதானதாக நடந்துவிடவில்லை

ஒரு பிரைவேட் சேனலை தொடங்குவது என்பது அவ்வளவு எளிதானதாக இல்லை. ஹாங்காங் தொழிலதிபர் லி கா-ஷிங் என்பவரால் நிறுவப்பட்ட, மல்டிநேஷனல் நிறுவனமான 'ஹட்சிசன் வாம்போவா லிமிடெட்' (Hutchison Whampoa Limited - HWL) நிறுவனத்திற்குச் சொந்தமான 'ஏசியாசாட்-1' (AsiaSat1) செயற்கைக்கோளில், டிரான்ஸ்பாண்டர் (transponder) ஒன்றைப் பெறுவதற்காக, வழக்கத்தை விட ஐந்து மடங்கு அதிக கட்டணம் செலுத்தியதன் மூலமே அவர் அந்த ஒப்பந்தத்தைப் பெற முடிந்தது.

லி கா-ஷிங்கின் மகனான ரிச்சர்ட் லி, ஆரம்பத்தில் சுபாஷ் சந்திராவின் முன்மொழிவை நிராகரித்ததுடன், தனது 'ஏசியாசாட்1' (AsiaSat1) செயற்கைக்கோளில் டிரான்ஸ்பாண்டரை வாடகைக்கு எடுப்பதற்கான கட்டணத்தை 1.25 மில்லியன் அமெரிக்க டாலரிலிருந்து 5 மில்லியன் அமெரிக்க டாலராக உயர்த்தினார். அந்த காலகட்டத்தில் இந்தியா மற்றும் சீனா ஆகிய நாடுகளுக்கு ஒளிபரப்பு செய்த ஒரே செயற்கைக்கோள் இதுதான்.

சுபாஷ் சந்திரா எடுத்த மிகப்பெரிய ரிஸ்க்

அரிசி வணிகரான சந்திராவுக்கு, ஒரு பேக்கேஜிங் பிரிவு மற்றும் ஒரு பொழுதுபோக்கு பூங்கா மட்டுமே இருந்த நிலையில், அவர் மேற்கொண்ட இந்த முயற்சி அப்போது மிகப்பெரிய ரிஸ்க்காகக் கருதப்பட்டது. ஆனால், அது காலப்போக்கில் ஒரு நம்ப மிகப்பெரிய வெற்றிகரமான முயற்சியாக மாறியது.

Zee சேனலின் அசுர வளர்ச்சி

இந்தியாவில் ஐந்து பிரிவுகளின் கீழ் 37 தொலைக்காட்சிக் சேனல்களையும், சர்வதேச அளவில் 39 சேனல்களையும் கொண்ட 'ஜீ' (Zee) நிறுவனம், மிகப்பெரிய நெட்வொர்க்கை தன்வசம் கொண்டுள்ளது. இந்தியாவில் மட்டுமன்றி, உலகம் முழுவதும் 170 நாடுகளில் சுமார் 50 கோடி மக்களை இந்த நிறுவனம் சென்றடைகிறது. இந்தியாவில் தொலைக்காட்சிச் சந்தை மீது யாருக்கும் பெரிய நம்பிக்கை இல்லாத சூழலில், சுபாஷ் சந்திராவின் துணிச்சலான முடிவுகளும் தொழில்முனைவோர் மனப்பான்மையும்தான் இந்தியாவை ஒரு முக்கியமான தொலைக்காட்சிச் சந்தையாக மாற்றின.