தீபாவளிக்கு பிறகு உடல் எடை அதிகரிக்காமல் இருக்க வேண்டுமா? அப்ப இத ஃபாலோ பண்ணுங்க...

தீபாவளிக்கு தயார் படுத்திக் கொள்ளவும்

இதற்கு அர்த்தம் தீபாவளிக்கு சில நாட்களுக்கு முன்பே நாம் கவனமாக இருக்க வேண்டும். மேலும், தீபாவளி அன்று காலை முதலே கலோரிக்கள் உட்கொள்ளுவதை கட்டுப்பாட்டில் வைத்துக் கொள்ள வேண்டும். மேலும் வழக்கமாக உட்கொள்ளும் காலை உணவைத் தவிர்த்து, கலோரிகள் குறைவாக உள்ள உணவை உட்கொள்ள வேண்டும். இதனால், மாலையில் நமது நண்பர்கள் மற்றும் உறவினர்களை சந்திக்கும் பொழுது, அதிக கலோரிகள் நிறைந்த உணவை உட்கொள்ளலாம்.

டீ அல்லது காபியைக் குறைக்கவும்

பணியில் இருக்கும் போது 4-5 கப் காபி அல்லது டீ உட்கொள்ளுவதை தவிர்க்க வேண்டும். இது 200-250 கலோரிக்களை குறைக்க உதவும்.

கோலா குடிப்பதை தவிர்க்க வேண்டும்

மதிய உணவோடு கோலா உட்கொள்வதால் 145 கலோரிகளை அதிகப்படுத்துகின்றோம். ஆகவே இதனை தவிர்த்து வந்தால், கலோரிகள் உட்கொள்ளுவது குறையும்.

உடற்பயிற்சி செய்தல்

தீபாவளிக்கு முன்னும் பின்னும் நாம் உடற்பயிற்சிக்கென்று சில மணிநேரங்கள் ஒதுக்குவதற்கு தயார்படுத்திக் கொள்ள வேண்டும். இது உடல் எடை அதிகரிப்பதை குறைக்க உதவும். மேலும் இனிப்புகள் மற்றும் இதர கொழுப்பு நிறைந்த உணவுகளில் இருக்கும் கொழுப்புச்சத்து, உடலில் ஈர்க்கப்படாமல் இருக்க, நமது உடலை தயார்படுத்திக் கொள்ள உதவும்.

மதுபானங்கள்

தீபாவளிக்கு முதல் நாள் மற்றும் தீபாவளி அன்று மது அருந்துவதைத் தவிர்க்க வேண்டும். இது கலோரிகளை குறைப்பது மட்டுமல்லாது, பண்டிகையை சந்தோஷமாக கொண்டாட உதவும்.

நார்ச்சத்து மற்றும் நீர்ச்சத்து நிறைந்த உணவை உட்கொள்ளுதல்

நார்ச்சத்து நிறைந்த உணவு வகைகளையே தேர்வு செய்யுங்கள். இதனால் நாம் சாப்பிடும் உணவை ரசித்து சாப்பிடலாம்.

குறைவாக சாப்பிட வேண்டும்

இது தீபாவளி அன்று இரவு நமது நண்பர்களை மற்றும் உறவினர்களை சந்திக்கும் பொழுது உதவியாக இருக்கும். குறைவாக சாப்பிட்டால், நாம் நமது நண்பர்களை சந்திக்கும் பொழுது, நிறைய இனிப்புகளை கவலையின்றி சாப்பிடலாம்.

கலோரிகள் குறைவாக உள்ள உணவு வகைகளை தேர்ந்தெடுத்தல்

இனிப்புகளிலும் இரண்டு வகை உண்டு. குறைந்த கலோரிகள் உள்ள உணவை தேர்ந்தெடுத்தால், நமது விருந்தினர்களை சந்தோஷப்படுத்தலாம்.

இரவு உணவு

இரவில் உட்கொள்ளும் உணவில் கவனம் தேவை. நாம் வீட்டிலேயே இருப்பதால், குறைந்த கலோரிகள் உள்ள உணவையோ, கார்போஹைட்ரேட் இல்லாத உணவு வகைகளையோ அல்லது வெறும் மோர் குடித்தோ இரவு உணவை தவிர்க்கலாம். அதுவும் மாலையில் சாப்பிட்ட உணவைப் பொறுத்து முடிவு செய்யலாம்.

நட்ஸ்

நண்பர்களை சந்திக்கும் பொழுது இனிப்புகளை தவிர்த்து, நட்ஸ் வகைகளை தேர்ந்தெடுக்கவும். நட்ஸ் வகைகள் ஊட்டச்சத்து நிறைந்தவை. மேலும் அது அதிக கலோரிகள் நிறைந்த உணவை உட்கொள்வதில் இருந்து தவிர்க்க உதவும்.