நகங்களினால் நீங்கள் செய்ய கூடாத விஷயங்களும் உண்டு? அவை எவை தெரியுமா?

சுரண்டுவதற்கு :

நகங்களை ஒரு கருவியாக பயன்படுத்துவதை தவிர்க்க வேண்டும். குழிபறிப்பது, பழங்களின் தோல் உரிப்பது, கண்டவற்றையும் சுரண்டிக் கொண்டிருப்பது போன்ற விஷயங்களுக்கு நகங்களைப் பயன்படுத்தக்கூடாது.

இது நகங்களுக்கு பாதிப்பை ஏற்படுத்துவதோடு கிருமிகள் தொற்று நோய் ஏற்படவும் காரணமாகிறது. இரண்டு வாரங்களுக்கு ஒரு முறை அதிகப்படியாக வளர்ந்திருக்கும் நகங்களை நறுக்கி விடலாம்.

ப்ளீச்சிங் பொடி :

சமையல் அறை, கழிவறைகளில் பிளீச்சிங் பவுடர், அம்மோனியா போன்ற ரசாயனங்களைப் பயன்படுத்த வேண்டிய அவசியம் ஏற்படும் போது கண்டிப்பாக கைகளில் உறைகள் அணிந்திருந்தால் நகங்களைப் பாதுகாக்கலாம்.

உரங்கள் :

தோட்டங்களில் உரங்கள் மற்றும் ரசாயனப் பொருட்கள் பயன்படுத்தும் போதும் கையுறை அவசியம். இது சருமத்திற்கும் நல்லது.

பசை :

ஃபெவிகால் போன்ற பசை, தண்ணீரில் கலந்து உபயோகிக்கும் பசை ஆகியவை பயன்படுத்தும் போது அவை நகங்களில் ஒட்டாமல் பார்த்துக் கொள்ள வேண்டும். இவை நகங்களை வெகுவாக பாதிக்கும்.

காலைக்கடன்போது :

காலைக்கடன் முடித்தவுடன் கைகளை நன்றாக சோப்பு போட்டு கழுவுவது முக்கியம். முக்கியமாய் நகம் வளர்ப்பவர்கள். இல்லையென்றால் நகங்களின் மூலம் கிருமிகள் பெருக வாய்ப்புண்டு. மலம் கழித்தபின் கைகளுக்கு பதிலாக ஹேண்ட் ஸ்ப்ரே உபயோகிப்பது மிகவும் நல்லது.

நகப்பூச்சுக்கள் :

ரசாயனங்கள் சேர்த்த நகப்பூச்சுகளையும் பயன்படுத்துவதை தவிர்க்க வேண்டும். இயற்கை மருதாணியை வேண்டுமானால் நக அலங்காரத்திற்கு பயன்படுத்தலாம்.