தேனை தினமும் இப்படி சாப்பிடுங்க.. உடல் எடை மடமடன்னு குறையும்.. ட்ரை பண்ணி பாருங்க..

1. தேன் மற்றும் எலுமிச்சை

தேவையான பொருட்கள்:

* தேன் - 1 டேபிள் ஸ்பூன்

* எலுமிச்சை சாறு - 1 டேபிள் ஸ்பூன்

* தண்ணீர் - 300 மிலி

* ப்ளாக் சால்ட் - சுவைக்கேற்ப

செய்முறை:

* ஒரு பாத்திரத்தில் நீரை ஊற்றி அடுப்பில் வைத்து, நீர் சூடானதும், அதை இறக்க வேண்டும் (நீரை கொதிக்க வைக்க வேண்டாம்.).

* பின் அந்நீரை சற்று குளிர வைத்து, அதில் தேன், எலுமிச்சை சாறு மற்றும் ப்ளாக் சால்ட் சேர்த்து கலந்து, காலையில் எழுந்ததும் வெறும் வயிற்றில் குடிக்க வேண்டும். இப்படி தினமும் குடித்து வந்தால், உடல் எடையில் நல்ல மாற்றத்தை விரைவில் காணலாம்.

2. தேன் மற்றும் பால்

தேவையான பொருட்கள்:

* பால் - 1 டம்ளர்

* தேன் - 1 டேபிள் ஸ்பூன்

செய்முறை:

* முதலில் பாலை நன்கு கொதிக்க வைத்து இறக்கி, குளிர வைக்க வேண்டும்.

* பால் வெதுவெதுப்பான நிலையில் இருக்கும் போது, அதில் தேன் சேர்த்து கலந்து குடிக்க வேண்டும்.

இந்த பாலை குடித்து வருவதன் மூலம், பாலில் உள்ள புரோட்டீன் மெட்டபாலிசத்தை மேம்படுத்தும், தொப்பையைக் குறைக்கும் மற்றும் இரத்த அழுத்தத்தைக் குறைக்கும்.

3. சுடுநீரில் தேன்

எளிய முறையில் உடல் எடையைக் குறைக்க விரும்பினால், சுடுநீரில் தேன் கலந்து குடிக்கலாம். அதற்கு ஒரு டம்ளர் வெதுவெதுப்பான நீரில் 1 டேபிள் ஸ்பூன் தேன் சேர்த்து கலந்து குடிக்க வேண்டும். இப்படி ஒருவர் தினமும் குடித்து வருவதன் மூலம், உடல் எடை கணிசமாக குறைவதைக் காணலாம்.

4. க்ரீன் டீயில் தேன்

நீங்கள் டீ பிரியர் என்றால், உடல் எடையைக் குறைக்க க்ரீன் டீ பெரிதும் உதவி புரியும். அதுவும் நீங்கள் தயாரிக்கும் க்ரீன் டீயில், 1 டீஸ்பூன் தேன் சேர்த்து கலந்து, குடிக்க வேண்டும். பல ஆய்வுகளில் க்ரீன் டீயை தொடர்ந்து குடித்து வருவது உடல் எடையைக் குறைக்க உதவுவதாக தெரிய வந்துள்ளது. அத்துடன் தேன் சேர்த்து குடிக்கும் போது, அது உடலின் மெட்டபாலிசத்தை அதிகரித்து, உடல் எடையை மேலும் குறைக்க உதவி புரியும்.

5. பட்டை மற்றும் தேன்

தேவையான பொருட்கள்:

* தண்ணீர் - 1/2 கப்

* பட்டை - 1 துண்டு

* தேன் - 1 டேபிள் ஸ்பூன்

செய்முறை:

* முதலில் ஒரு பாத்திரத்தில் நீரை ஊற்றி அடுப்பில் வைத்து கொதிக்க வைக்க வேண்டும்.

* நீர் கொதிக்க ஆரம்பிக்கும் போது, அதில் பட்டையைப் போட்டு இறக்கி, 10 நிமிடம் மூடி வைக்க வேண்டும்.

* 10 நிமிடம் கழித்து, நீரை வடிகட்டி, அத்துடன் தேன் சேர்த்து கலந்து குடிக்க வேண்டும்.

இந்த டீயை தினமும் காலையில் எழுந்ததும் குடித்து வந்தால், உடல் எடை வேகமாக குறையும்.

குறிப்பு

உடல் எடையைக் குறைக்க மேலே கொடுக்கப்பட்டுள்ள வழிகளை மேற்கொள்ளும் போது, ஜங்க் உணவுகளை தவிர்த்து, தினமும் உடற்பயிற்சிகளை மேற்கொண்டும், ஆரோக்கியமான உணவுகளைத் தேர்ந்தெடுத்து உட்கொண்டும் வந்தால், விரைவில் உடல் எடையில் மாற்றத்தைக் காணலாம்.