உடம்புல இரத்தம் கம்மியா இருக்கா? அப்ப இந்த ஜூஸ்களை தினமும் குடிங்க...

ஸ்ட்ராபெர்ரி ஜூஸ்

ஸ்ட்ராபெர்ரி பழத்தில் வைட்டமின் சி அதிகளவில் உள்ளன. இது இரும்புச்சத்தை உறிஞ்சுவதற்கு உதவி புரிந்து, இரத்த சோகையை சரிசெய்ய உதவும். அதுவும் கோடையில் ஸ்ட்ராபெர்ரி அதிகம் கிடைக்கும் என்பதால், அந்த பழத்தை வாங்கி அதை அப்படியே சாப்பிடலாம் அல்லது அந்த பழத்தை அரைத்து ஜூஸாக அல்லது ஸ்மூத்தியாக தயாரித்துக் குடிக்கலாம்.

கிவி ஜூஸ்

கிவி மற்றொரு சுவையான மற்றும் வைட்டமின் சி அதிகம் கொண்ட பழம். கிவி பழத்தில் உள்ள ஆக்டினிடின் என்ற நொதி உள்ளது. அது இரும்புச்சத்தை ஜீரக்க உதவி புரிந்து, எளிதில் உடலால் உறிஞ்சச் செய்கின்றன. எனவே இரும்புச் சத்து குறைபாடு உள்ளவர்கள், கிவி பழத்தை அப்படியே அல்லது ஜூஸ் வடிவில் உட்கொள்ளலாம். இது வைட்டமின் சி-யை கணிசமாக அதிகரிக்கச் செய்து, இரும்புச்சத்து குறைபாட்டை எதிர்த்துப் போராடும்.

எலுமிச்சை ஜூஸ்

எலுமிச்சையில் வைட்டமின் சி அதிகம் இருப்பதை அனைவரும் அறிவோம். மேலும் இது எளிதில் எளிதில் கிடைக்கக்கூடிய பழம். எனவே உங்கள் உடலில் இரும்புச்சத்து குறைவாக இருந்தால், எலுமிச்சை ஜூஸை தினமும் குடித்து வர, இது இரும்புச்சத்தை உடலில் அதிகரித்து, இரத்த சோகையை எதிர்த்துப் போராட உதவும்.

ஆரஞ்சு ஜூஸ்

ஆரஞ்சு ஜூஸில் வைட்டமின் சி அதிகளவில் உள்ளன இது இரும்புச்சத்தை உடலில் உறிஞ்ச உதவி புரிந்து, இரத்த சோகையை சரிசெய்யும். ஒரு கப் ஆரஞ்சு ஜூஸில் 124 மிகி வைட்டமின் சி உள்ளன. இது தினசரி தேவையை விட அதிகமானது. ஆகவே இரும்புச்சத்து குறைபாட்டைக் கொண்டவர்கள், ஆரஞ்சு ஜூஸை தினமும் குடித்து வர, விரைவில் நல்ல பலன் கிடைக்கும்.

நெல்லிக்காய் ஜூஸ்

நெல்லிக்காயில் வைட்டமின் சி அதிகமாக இருப்பதை அனைவருமே அறிவோம். நெல்லிக்காயை தினசரி உணவில் சேர்த்து வந்தால், அதில் உள்ள வைட்டமின் சி நோயெதிர்ப்பு மண்டலத்தை மேம்படுத்துவதோடு, இரும்புச்சத்தையும் அதிகமாக உறிஞ்ச உதவி புரிந்து, இரத்த சோகையில் இருந்து விடுபட உதவும்.

அன்னாசி ஜூஸ்

அன்னாசியில் புரோமிலைன் என்னும் நொதிப் பொருள் உள்ளது. இது செரிமானத்தை சீராக்குவதோடு, இரும்புச்சத்து உறிஞ்சுவதை மேம்படுத்துகிறது. எனவே இரும்புச்சத்து குறைபாட்டினால் அவதிப்படுபவர்கள், அன்னாசி பழத்தை அப்படியே அல்லது ஜூஸ் வடிவில் தினமும் ஒரு டம்ளர் குடித்து வர, இரும்புச்சத்தின் அளவு உடலில் அதிகரித்து, இரத்த சோகையில் இருந்து விடுபடலாம்.