உங்களுக்கு அடிக்கடி தும்மல் வருதா? இதை ட்ரை பண்ணுங்க!!

கருப்பு ஏலக்காய் :

பல்வேறு மருத்துவ குணங்களை கொண்டுள்ள ஏலக்காயை வாசனைக்காக தனை போட்டாலும் அதன் சக்தி அலர்ஜியை கட்டுப்படுத்தும். தினமும் இரண்டு ஏலக்காயை மென்று சாப்பிட்டு பாருங்கள். தும்மல் நிற்கும்.

சிட்ரஸ் பழங்கள் :

எலுமிச்சை, ஆரஞ்சு போன்ற சிட்ரஸ் பழங்களில் அதிக ஃப்ளேவினாய்டு இருப்பதால் அவை நோய் எதிர்ப்பு மண்டலத்தை வலுவாக்குகின்றன.

கிருமிகளின் தாக்கத்தையும் கட்டுப்படுத்துவதால் தும்மல் வராமல் காக்கலாம். ஆகவே சிட்ரஸ் பழங்களை தினமும் சேர்த்துக் கொள்ள வேண்டும்.

நெல்லிக்காய் :

நெல்லிக்காயில் அதிக விட்டமின் சி மற்றும் சக்திவாய்ந்த ஆன்டி ஆக்ஸிடென்டுகள் இருப்பதால் அவை அலர்ஜியை கட்டுப்படுத்தும். நோய் எதிர்ப்பு சக்தியை அதிகரிக்கும். தினமும் காலை மாலை இருவேளை நெல்லிக்காயை சாப்பிட்டால் தும்மல் குணமாகும்.

இஞ்சி :

இஞ்சி கிருமிகளை எதிர்க்கும். அதோடு நோய் எதிர்ப்பு மண்டலத்தையும் வலுப்படுத்தும். சிறு துண்டு இஞ்சி எடுத்து நீரில் போட்டு கொதிக்க வையுங்கள். பின் வெதுவெதுப்பான நிலையில் அதனை வடிகட்டி தேன் கலந்து சாப்பிட்டால் தும்மல் வருவது நிற்கும்.

துளசி :

துளசி முற்றிலும் அலர்ஜியை கட்டுப்படுத்தும் ஆற்றல் கொண்டவை. கிருமிகளையும் அழிக்கும். துளசியை பச்சையாக மென்று சாப்பிடுங்கள். தொடர்ந்து சாப்பிட்டு வந்தால் தும்மல் வருவது நின்று போகும். ஜலதோஷம், காய்ச்சல் உங்களை விட்டு விலகியே இருக்கும்.