எவ்ளோ சாப்பிட்டாலும் பசி அடங்கலையா? இத சாப்பிட்டா பசி தொல்லையே இனி இருக்காது…

பிஸ்தா

நட்ஸ்களில் எண்ணற்ற ஆரோக்கிய நன்மைகள் இருப்பது அனைவரும் அறிந்த ஒன்று. எடை அதிகரிப்பு, மோசமான வளர்சிதை மாற்றம் மற்றும் மூளை செயல்பாடுகளுக்கு உதவும் ஊட்டச்சத்துக்களின் சிறந்த ஆதாரமாகும். அதிலும் குறிப்பாக பிஸ்தாவில் வயிற்றில் உள்ள அமிலங்களை நடுநிலையாக்கும் குணம் உண்டு. அதன் மூலம் உங்கள் பசி உடனடியாக அடங்கிடும்.

ஆளிவிதை

ஆளிவிதைகளை சூப்பர் விதைகள் என்றே கூற வேண்டும். அவற்றில் ஆன்டி-ஆக்ஸிடன்ட்கள் அதிக அளவு புரதங்கள் உள்ளன. அவற்றை தொடர்ந்து சாப்பிட்டு வருவது ஒட்டுமொத்த ஆரோக்கியத்திற்கு சிறந்தது. அதிலும், குறிப்பாக அதிகப்படியான பசியில் இருக்கும் போது ஆளிவிதைகளை சாப்பிடலாம். இது எதையாவது சாப்பிட வேண்டும் என்ற உங்கள் விருப்பத்தைத் தடுப்பதோடு, நன்றாகவும் உணருவீர்கள்.

வேர்க்கடலை வெண்ணெய் (Peanut Butter)

நீங்கள் ஏதாவது சாப்பிட வேண்டும் என்று நினைக்கும் போது ஒரு ஸ்பூன் வேர்க்கடலை வெண்ணெய் சாப்பிடலாம். உங்களது பசியைக் குறைக்க ஒரு ஸ்பூன் வேர்க்கடலை வெண்ணெயே போதுமானது. வேர்க்கடலை வெண்ணெயில் ஒமேகா -3 கொழுப்பு அமிலங்கள், கார்போஹைட்ரேட்டுகள் மற்றும் புரதங்கள் உள்ளன.

அவகேடோ

வெண்ணெய் பழம் எனப்படும் அவகேடோ மிக உயர்ந்த ஆரோக்கிய நலன்களை தன்னுள்ளே கொண்டுள்ளது. இது வயிற்றில் உள்ள அமில உற்பத்தியைக் குறைத்து, செரிமானத்தை அதிகரிக்கும். மேலும், தேவையற்ற பசி கொடுமையை தடுத்திடவும் உதவக்கூடியது.

கிரேக்க தயிர்

பொதுவாகவே, பெரும்பாலானோர் தங்களது தினசரி உணவில் தயிரை சேர்த்துக் கொள்கின்றனர். இது தயிரின் மற்றொரு வடிவமாகும். சாதாரண தயிரை விட இதில் புரதச்சத்து அதிகமாக உள்ளது. இது சில பலனளிக்கும் ஆரோக்கிய நன்மைகளை வழங்குகிறது. வயிற்றில் செரிமானத்தை ஊக்குவிக்கும் ஆரோக்கியமான பாக்டீரியாக்களை உருவாகுவதை ஊக்குவிக்கிறது. கிரேக்க தயிர் குடல் ஆரோக்கியத்தை மேம்படுத்துகிறது. எனவே, அதனை உட்கொள்வதன் மூலம் திடீர் பசி ஏற்படுவதை குறைத்திட உதவும்.

பாப்கார்ன்

அதிர்ச்சியடைய வேண்டாம். இந்த மொறுமொறு, மிருதுவான சிற்றுண்டி உங்கள் பசியை மிக எளிதாகவும் விரைவாகவும் அடக்கும் சக்தியைக் கொண்டுள்ளது. இவை உங்கள் வயிற்றுக்குள் ஒரு வித உணர்வை ஏற்படுத்துவதன் மூலம், நீங்கள் வயிறு நிறைந்த உணர்வை அடைவீர்கள். நல்லதாகவே இருந்தாலும், சற்று அளவோடு எடுத்துக் கொள்ள வேண்டும் என்பதை மட்டும் மறவாதீர்கள்

மிளகாய்

திடீரென கடும் பசிக்கு ஆளாக நேர்ந்தால், உங்கள் உணவில் காரசாரமான மசாலாவை சேர்த்துக் கொள்வதற்கான நேரமிது. பச்சை மற்றும் சிவப்பு மிளகாய் சாப்பிடுவதால் வயிற்றில் உள்ள அமிலங்கள் நடுநிலையாக்கப்படுவதன் மூலம் உங்கள் செரிமான ஆரோக்கியத்தை சரிசெய்திட முடியும் என்று சில ஆய்வுகள் தெரிவிக்கின்றன. இதனால், அவை உங்கள் வளர்சிதை மாற்ற விகிதத்தையும் அதிகரிக்கும்.

ஓட்ஸ்

சமீப காலமாக, ஆரோக்கியமான காலை உணவாக பலரால் விரும்பி சாப்பிடக்கூடிய ஒன்றாக ஓட்ஸ் உள்ளது. வழக்கமான இந்திய காலை உணவுப் பொருட்களில் சிற்றுண்டியைத் தவிர்ப்பதற்காக காலையில் ஓட்ஸ் சாப்பிடுவதை மக்கள் விரும்புகிறார்கள். ஓட்ஸில் கார்போஹைட்ரேட் நிறைந்துள்ளது. எனவே நீங்கள் அவற்றை சாப்பிடும் போதெல்லாம், அவை உங்களுக்கு வயிறு நிறைந்த உணர்வை உங்களுக்கு தருகின்றது.