மூட்டு வலியால் கஷ்டப்படுபவர்கள் அதிகம் சாப்பிட வேண்டிய உணவுகள்!

மூட்டு வலி

வாழ்வின் ஒரு கட்டத்தில் அனைவரும் சந்திக்கும் ஓர் பொதுவான பிரச்சனை தான் மூட்டு வலி. சில சமயங்களில் கீல்வாதம், முடக்கு வாதம், புர்சிடிஸ், கவுட், சுளுக்கு மற்றும் பிற காயங்கள் உள்ளிட்ட நோய் அல்லது காயத்தால் கூட மூட்டு வலி ஏற்படலாம்.

உங்கள் மூட்டு வலியைப் போக்க மருந்து அல்லது மாத்திரைகளை எடுத்துக் கொள்கிறீர்களா? அப்படியானால் உங்கள் மருத்துவர் பரிந்துரைத்த மருத்துகளுடன், உண்ணும் உணவுகளின் மீதும் கவனத்தை செலுத்துங்கள்.

தவிர்க்க வேண்டிய உணவுகள்

உங்களுக்கு மூட்டு வலி இருந்தால், சர்க்கரை, சுத்திகரிக்கப்பட்ட தானியங்கள், மாட்டிறைச்சி, ஒமேகா-6 கொழுப்பு அமிலங்கள் நிறைந்த உணவுகள், ட்ரான்ஸ் கொழுப்புக்கள் போன்றவற்றை தவிர்க்குமாறு ஊட்டச்சத்து நிபுணர்கள் பரிந்துரைக்கின்றனர். ஏனெனில் இவை மூட்டுக்களின் வீக்கத்தை அதிகரிக்கும். ஆனால் குறிப்பிட்ட சில உணவுகள் மற்றும் மசாலா பொருட்கள் மூட்டு வலிக்கு நல்லது. கீழே அந்த உணவுகள் பட்டியலிடப்பட்டுள்ளன. அவற்றை உணவில் அதிகம் சேர்ப்பதன் மூலம் மூட்டு வலியைக் குறைக்கலாம்.

மத்திய தரைக்கடல் உணவு

மூட்டு வலியால் அவஸ்தைப்படுபவர்கள் மத்திய தரைக்கடல் டயட்டை மேற்கொள்வது நல்லது. ஏனெனில் இந்த டயட்டானது முழு உணவுகளில் கவனத்தை செலுத்துகிறது. பழங்கள் மற்றும் காய்கறிகளை அதிகம் உள்ளடக்கியது. ஆகவே கீல்வாதம் உள்ளவர்கள் இந்த டயட்டை மேற்கொள்வதன் மூலம் மூட்டு வீக்கம் குறைவதாக ஆய்வுகள் தெரிவிக்கின்றன.

மீன் எண்ணெய்

மீன் எண்ணெயில் ஒமேகா-3 கொழுப்பு அமிலங்கள் உள்ளதுடன், அழற்சி எதிர்ப்பு பண்புகளும் நிறைந்துள்ளன. ஆகவே மூட்டு வலியால் பாதிக்கப்பட்டவர்களுக்கு உதவியாக இருக்கும். பல ஆய்வுகள் மீன் எண்ணெய் மூட்டு வலியைக் குறைத்து, இதய ஆரோக்கியத்தை அதிகரிப்பதோடு, NSAIDs தேவையைக் குறைப்பதாக கூறுகின்றன. காட்டு சால்மன், ட்ரௌட் மற்றும் மத்தி போன்ற மீன்கள் ஒமேகா-3 கொழுப்பு அமிலங்களின் நல்ல ஆதாரங்களாகும். சைவ உணவாளர்கள் இத்தகைய ஒமேகா-3 கொழுப்பு அமிலத்தை ஆளி விதை, சியா விதைகள் மற்றும் சோயா பீன்ஸ் போன்றவற்றில் இருந்து பெறலாம்.

இலைக் காய்கறிகள்

எலும்புகளின் ஆரோக்கியத்தை மேம்படுத்த இலைக் காய்கறிகளான ப்ராக்கோலி, காலிஃப்ளவர், முளைக்கட்டிய புருஸல்ஸ் அல்லது கேல் கீரை போன்றவற்றை அதிகம் சாப்பிட மருத்துவர்கள் பரிந்துரைக்கின்றனர். இந்த காய்கறிகள் ஆன்டிங.ஆக்ஸிடன்ட், வைட்டமின்கள் மற்றும் நார்ச்சத்துக்களின் சக்தி நிலையங்களாகும். இவை மூட்டு வலி மற்றும் வீக்கத்தைக் குறைக்க பெரிதும் உதவியாக இருக்கும்.

மஞ்சள் மற்றும் இஞ்சி

மஞ்சள் மற்றும் இஞ்சியில் அழற்சி எதிர்ப்பு பண்புகள் நிறைந்ள்ளன. 2006 ஆம் ஆண்டு மேற்கொள்ப்பட்ட அரிசோனா ஆய்வில், மஞ்சுள் ருமடாய்டு ஆர்த்ரிடிஸ் மற்றும் ஆஸ்டியோபோரோசிஸ் பிரச்சனையை தடுக்க உதவுவதாக தெரிய வந்தது. ஆகவே அன்றாட உணவில் மஞ்சள் மற்றும் இஞ்சியைத் தவறாமல் சேர்த்துக் கொள்ளுங்கள்.

க்ரீன் டீ

2008 இல் மேரிலேண்ட்டில் மேற்கொள்ளப்பட்ட ஒரு ஆய்வில், க்ரீன் டீ கீல்வாதம் தொடர்பான பிரச்சனைகளில் மாற்றங்களைத் தூண்டியது. மேலும் க்ரீன் டீயில் உள்ள பாலிஃபீனாலிக் பொருட்கள் அழற்சி எதிர்ப்பு பண்புகளைக் கொண்டிருப்பதும் கண்டறியப்பட்டது. ஆகவே தினமும் ஒரு கப் க்ரீன் டீயை மூட்டு வலி உள்ளவர்கள் குடிப்பது நல்லதாக கூறப்படுகிறது.