குளிர்காலம் வந்துட்டா ஏன் தினமும் பட்டாணி சாப்பிடணும் தெரியுமா? இன்னைக்கே சாப்பிட ஆரம்பிங்க...

பட்டாணி

இது பார்ப்பதற்கு வடிவில் சிறியதாக இருந்தாலும் எல்லாருக்கும் பிடித்தமான ஒன்றாக உள்ளது. இது பருப்பு வகையை சார்ந்தது. இந்த பச்சை பட்டாணியை பாடம் பண்ணி உலர வைத்தோ அல்லது ப்ரஷ்ஷாகக் கூட வழங்குகின்றனர். மேலும் இதில் மாங்கனீஸ், இரும்புச் சத்து, போலேட் மற்றும் தயமின் போன்ற ஊட்டச்சத்துக்கள் உள்ளன. இதன் அதிகமான நார்ச்சத்து மற்றும் குறைந்த கலோரிகள் உடல் எடையை குறைக்க பயன்படுகிறது.

பசியை தீர்க்கும்

இதன் அதிகமான நார்ச்சத்து மற்றும் புரோட்டீன் நமக்கு வயிறு நிறைந்த திருப்தியை கொடுக்கிறது. பசி மற்றும் உடல் எடை இழப்பிற்கு உதவுகிறது. சீரணத்தை மெதுவாக்கி பசியை போக்குகிறது.

இதய ஆரோக்கியம்

மக்னீசியம், பொட்டாசியம் மற்றும் கால்சியம் போன்ற ஊட்டச்சத்துக்கள் இதில் அடங்கியுள்ளன. இது இரத்த அழுத்தம் போன்றவற்றை தடுத்து இதய நோய்கள் வராமல் தடுக்கிறது. இதன் நார்ச்சத்தால் கெட்ட கொலஸ்ட்ராலை குறைக்கிறது. இதிலுள்ள ஆன்டி ஆக்ஸிடன்ட்கள் இதய ஆரோக்கியத்திற்கு உதவுகிறது.

சீரண சக்திக்கு உதவுதல்

பச்சை பட்டாணி சீரண சக்திக்கு உதவுகிறது. குடலில் நல்ல பாக்டீரியாவை அதிகரித்து குடல் ஆரோக்கியத்திற்கு உதவுகிறது. இதன் நார்ச்சத்தால் மலச்சிக்கல் பிரச்சினையை போக்குகிறது.

ரத்த சர்க்கரை

இரத்த சர்க்கரை அளவை கட்டுப்பாட்டில் வைத்தல் இதனுடைய முக்கியப் பண்பாக இருக்கிறது. பச்சை பட்டாணி குறைந்த கிளைசெமிக் குறியீட்டு எண் கொண்டு இருப்பதால் இரத்த சர்க்கரை அளவை கட்டுப்பாட்டில் வைக்கிறது. இதிலுள்ள புரோட்டீன் மற்றும் நார்ச்சத்துகள் இதே வேலையை செய்கிறது. இதன் நார்ச்சத்துகள் உணவிலுள்ள கார்போஹைட்ரேட் உறிஞ்சுவதை குறைத்து இரத்தத்தில் அதிக அளவில் சர்க்கரை சேராமல் இருக்க உதவுகிறது.

நீரிழிவு நோய்

இரத்த சர்க்கரை அளவை கட்டுப்பாட்டில் வைப்பது என்பது கண்டிப்பாக நீரிழிவு நோயாளிக்கு உதவக் கூடிய ஒன்றாகும். இதிலுள்ள விட்டமின் ஏ, கே மற்றும் சி போன்றவை டயாபெட்டீஸ்யை குறைக்கிறது. மேலும் இந்த பச்சை பட்டாணியில் பைடிக் அமிலம் மற்றும் லெக்டின்ஸ் போன்றவைகள் உள்ளன. லெக்டின்ஸ் நிறைய நன்மைகள் தந்தாலும் வாயு மற்றும் வயிறு வீக்கத்தை ஏற்படுத்துகிறது.

எனவே இதை வெவ்வேறு விதமாக சமைத்து உங்கள் உடல் நல நன்மைகளை பெறவதோடு சேர்த்து சாப்பிடுங்கள்.